Bakı Şəhəri Xəzər Rayon Məhkəməsi Qərardad — İş №3(003)-1143/2022

Azərbaycan Respublikası adından QƏRARDAD Bakı şəhəri İş № 3(003)-1143/2022 14.09.2022 BAKI ŞƏHƏRİ XƏZƏR RAYON MƏHKƏMƏSİ Hakim Əkbərov Tərlan Xanəli oğlunun sədrliyi Məhkəmə iclasının katibi Qasımova Leyla Nurəddin qızının katibliyi ilə Şəxs barəsində Bakı şəhəri Xəzər rayon Polis İdarəsi tərəfindən Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM) 327.8-ci maddəsi ilə tərtib edilmiş inzibati xəta haqqında protokola məhkəmənin inzibati binasında açıq məhkəmə iclasında baxaraq, məhkəmə müəyyənetdi: Bakı şəhəri Xəzər RPİ-dən daxil olmuş inzibati xəta haqqında İXP seriyalı ******* nömrəli, 04 avqust 2022-ci il tarixli protokola əsasən Şəxs Azərbaycan Respublikası İXMnin 327.8-ci maddəsində nəzərdə tutulan inzibati xətanı törətmişdir. Şəxs əməlində İnzibati Xətalar Məcəlləsinin 327.8-ci maddəsinin tərkibi yarandığından Bakı şəhəri Xəzər RPİ Təhqiqat Şöbəsi tərəfindən 29 iyul 2022-ci il tarixli qərarla cinayət işinin başlanmasının rədd edilməsi haqqında qərar qəbul edilmişdir. Məhkəmə iş materiallarını araşdırıb hesab edir ki, inzibati xətada cinayət əlamətlərini aşkar edildiyindən təqdim edilmiş materiallar geri qaytarılmalıdır. Belə ki, iş materiallarında olan Xəzər rayon prokuroru, baş ədliyyə müşaviri Fəxri Ələsgərovun məktubundan görünür ki, Zərərçəkmiş şəxs 19 iyul 2022-ci il tarixdə baş vermiş yol-nəqliyyat hadisəsi zamanı xəsarət alması faktına görə Xəzər RPİ Təhqiqat Şöbəsində toplanmış material üzrə qəbul olunmuş 29 iyul 2022-ci il tarixli cinayət işinin başlanmasının rədd edilməsi haqqında barədə qərar qanunsuz və əsassız olduğundan 06 sentyabr 2022-ci il tarixdə ləğv edilərək material əlavə araşdırma aparılması üçün Xəzər RPİ-nin Təhqiqat Şöbəsinə göndərilmişdr. Azərbaycan Respublikası İXM-nin 12.1-ci maddəsinə görə bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 12.2-ci maddəsinə görə bu Məcəllənin Xüsusi hissəsində nəzərdə tutulan əməllərə görə inzibati məsuliyyət o halda yaranır ki, bu əməllər cinayət məsuliyyətinə səbəb olmasın. İnzibati Xətalar Məcəlləsinin 85-ci maddəsinə əsasən icraatında inzibati xəta haqqında iş olan hakim, səlahiyyətli orqan (vəzifəli şəxs) fiziki şəxs tərəfindən törədilmiş inzibati xətada cinayət əlamətlərini aşkar etdikdə, materialları prokurora, ibtidai istintaq və ya təhqiqat orqanına göndərir. Yuxarıda göstərilənlərə əsasən və Azərbaycan Respublikası İXM-nin 12, 40, 43, 48- 51, 85-ci maddələrini maddələrini rəhbər tutaraq, məhkəmə qəraraaldı: Şəxs barəsində Azərbaycan Respublikası İXM-nin 327.8-ci maddəsi ilə tərtib edilmiş inzibati xəta haqqında protokol Xəzər rayon Polis İdarəsinə geri qaytarılsın. Qərardaddan şikayət verilə bilməz. Sədrlik edən: Tərlan Əkbərov