Bakı Şəhəri Xəzər Rayon Məhkəməsi Qərar — İş №3(003)-1225/2021

Azərbaycan Respublikası adından QƏRAR Bakı şəhəri İş № 3(003)-1225/2021 21.10.2021 BAKI ŞƏHƏRİ XƏZƏR RAYON MƏHKƏMƏSİ Hakim Əkbərov Tərlan Xanəli oğlunun sədrliyi Məhkəmə iclasının katibi Qasımova Leyla Nurəddin qızının katibliyi, Barəsində inzibati xəta haqqında iş üzrə icraat aparılan şəxs Şəxs və Zərərçəkmiş şəxs Şaməmməd qızının qanuni nümayəndəsi X1 iştirakları ilə xx xxxxxxx 1993-cü il tarixdə Cəlilabad rayonunun Babaxanlı kəndində doğulmuş, Azərbaycan Respublikasının vətəndaşı, evli, orta təhsilli, fərdi əməklə məşğul olan, Cəlilabad rayonunun Babaxanlı kəndində qeydiyyatda olan və yaşayan Şəxs barəsində Bakı şəhəri Xəzər rayon Polis İdarəsi tərəfindən Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM-nin 327.8-ci maddəsi ilə tərtib edilmiş inzibati xəta haqqında protokola məhkəmənin inzibati binasında açıq məhkəmə iclasında baxaraq, məhkəmə müəyyən etdi: Bakı şəhəri Xəzər RPİ-dən daxil olmuş inzibati protokola əsasən 10 avqust 2021-ci il tarixdə Şəxs idarə etdiyi “Kia Ceed” markalı **-UV-*** nömrəli dövlət qeydiyyat nişanlı avtomobillə Xəzər rayonu Binə qəsəbəsi Südçülük Sovxozu ərazisində yerləşən “Uğur” marketin qarşısı ilə hərəkət edib yolayrıcına çatıb sola doğru manevr edərək Binə körpüsü istiqamətinə doğru hərəkətə başlayarkən idarə etdiyi avtomobilin güzgüsü ilə yolu keçən piyada Zərərçəkmiş şəxs Şaməmməd qızını vurmuş və nəticədə Zərərçəkmiş şəxs Şaməmməd qızı yüngül dərəcəli bədən xəsarəti almışdır. Hadisə ilə bağlı Bakı şəhəri Xəzər rayon Polis İdarəsi tərəfindən 24 sentyabr 2021ci il tarixdə Azərbaycan Respublikası İXM-nin 327.8-ci maddəsi ilə inzibati xəta haqqında protokol tərtib olunmuşdur. Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, Bakı şəhəri Xəzər rayon Polis İdarəsinin nümayəndəsi məhkəmə iclasına gəlməmiş və gəlməməsinin səbəblərini bildirməmişdir. Məhkəmə işə Bakı şəhəri Xəzər rayon Polis İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə iclasında Zərərçəkmiş şəxs Şaməmməd qızının qanuni nümayəndəsi X2 göstərdi ki, 10 avqust 2021-ci il tarixdə Şəxs idarə etdiyi “Kia Ceed” markalı **-UV-*** nömrəli dövlət qeydiyyat nişanlı avtomobillə Xəzər rayonu Binə qəsəbəsi Südçülük Sovxozu ərazisində yerləşən “Uğur” marketin qarşısında avtomobilin güzgüsü ilə qızı Zərərçəkmiş şəxs Şaməmməd qızını vurmuş və nəticədə qızı yüngül dərəcəli bədən xəsarəti almışdır. Hazırda Şəxs qarşı heç bir şikayət və tələbi yoxdur və ona yüngül inzibati tənbeh tətbiq edilməsini xahiş edir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nin 327.8-ci maddəsi ilə nəzərdə tutulmuş inzibati xətanı törətməkdə özünü təqsirli bilərək göstərdi ki, o, 10 avqust 2021-ci il tarixdə idarə etdiyi “Kia Ceed” markalı **-UV-*** nömrəli dövlət qeydiyyat nişanlı avtomobillə Xəzər rayonu Binə qəsəbəsi Südçülük Sovxozu ərazisində yerləşən “Uğur” marketin qarşısında avtomobilinin güzgüsü ilə yolu keçən piyada Zərərçəkmiş şəxs Şaməmməd qızını vurmuş və nəticədə Zərərçəkmiş şəxs Şaməmməd qızı yüngül dərəcəli bədən xəsarəti almışdır. İlk dəfə, həm də ehtiyatsızlıqdan törətdiyi əməlindən peşmandır. Bunu nəzərə alınaraq ona yüngül inzibati tənbeh tətbiq edilməsini xahiş edir. Məhkəmə tərəflərin izahatlarını dinləyib, iş materiallarını araşdırıb hesab edir ki, müvafiq inzibati xətanın baş verməsi faktı inzibati xəta haqqında protokolla yanaşı, iş üzrə toplanmış digər sənədlərlə də sübuta yetirilir. Belə ki, iş materiallarında olan MTE və PA Elmi-Təcrübi və Tədris Birliyinin 16 avqust 2021-ci il tarixli, 1110 saylı rəyindəm görünür ki, Zərərçəkmiş şəxs Şaməmməd qızının məhkəmə-tibb müayinəsinə əsasən onun bədənində aşkar olunmuş xəsarətlər – ağrı sindromu və hərəkət məhdudluğu ilə müşayiət olunan sol əlin yumşaq toxumlarının əzilməsi küt əşya (əşyalar) təsirindən törənmiş, törənmə müddətləri qərarda göstərilən 10.08.2021-ci il tarixli yol nəqliyyat hadisəsinə uyğun gəlir və sağlamlığın qısa müddətə pozulmasına səbəb olduqlarına görə bunlar sağlamlığa YÜNGÜL dərəcəli zərərvurmaya aiddirlər. İş materilallarında olan cinayət işinin başlanmasının rədd edilməsi barədə 10 sentyabr 2021-ci il tarixli qərardan müəyyən olunur ki, 10 avqust 2021-ci il tarixdə Şəxs idarə etdiyi “Kia Ceed” markalı **-UV-*** nömrəli dövlət qeydiyyat nişanlı avtomobillə Binə qəsəbəsi Südçülük Sovxozu ərazisində yerləşən “Uğur” marketin qarşısı ilə hərəkət edib yolayrıcına çatıb sola doğru manevr edərək Binə körpüsü istiqamətinə doğru hərəkətə başlayarkən idarə etdiyi avtomobilin güzgüsü ilə yolu keçən piyada Zərərçəkmiş şəxs Şaməmməd qızını vurmuş və nəticədə Zərərçəkmiş şəxs Şaməmməd qızı yüngül dərəcəli bədən xəsarəti almışdır. Baş vermiş hadisə zamanı hər hansı bir cinayət tərkibi müəyyən olunmadığından toplanmış material üzrə cinayət işinin başlanması rədd edilmişdir. İş materiallarına əlavə edilmiş X1 19 oktyabr 2021-ci il tarixli ərizəsindən görünür ki, Şəxs qarşı heç bir şikayət və tələbi yoxdur. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Həmin Məcəllənin 327.8-ci maddəsinə əsasən bu Məcəllənin 327.1 - 327.6, 328 və 330-cu maddələrində nəzərdə tutulmuş xətalar nəticəsində zərər çəkmiş şəxsin sağlamlığına yüngül bədən xəsarətinin yetirilməsinə görə - iki yüz manat məbləğində cərimə edilir və ya nəqliyyat vasitəsini idarə etmək hüququ bir ilədək müddətə məhdudlaşdırılır. Həmin Məcəllənin 31.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Şəxs əməlindən peşman olduğu iş üzrə cəzanı yüngülləşdirən hal kimi qiymətləndirilir. İş üzrə cəzanı ağırlaşdıran hallar müəyyən edilməmişdir. İş materiallarını araşdıraraq, törədilmiş inzibati xətanın xarakterini, zərərçəkmiş şəxsin şikayətinin olmamasını, inzibati xəta törətmiş şəxsin şəxsiyyətini nəzərə alıb, Şəxs Azərbaycan Respublikası İXM-nin 327.8-ci maddəsinin sanksiyasında nəzərdə tutulan cərimə növündə tənbeh edilməsini məqsədəmüvafiq hesab edirəm. Yuxarıda göstərilənlərə əsasən və Azərbaycan Respublikası İXM-nin 25, 40, 43, 114-117, 128-130-cu maddələrini rəhbər tutaraq, məhkəmə qərara aldı: Şəxs Azərbaycan Respublikası İXM-nin 327.8-ci maddəsində nəzərdə tutulmuş xətanı törətməkdə təqsirli bilinərək 200 (iki yüz) manat miqdarında cərimə edilsin. Qərarın surəti təqdim edildiyi və ya alındığı gündən 10 gün muddətində Bakı şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və protesti verilə bilər. Qərardan apellyasiya şikayəti və protesti verilmədikdə, qərar həmin müddət başa çatdığı vaxtdan sonrakı gün qüvvəyə minir. Sədrlik edən: Tərlan Əkbərov