Bakı Şəhəri Xəzər Rayon Məhkəməsi Qərar — İş №3(003)-1273/2021

Azərbaycan Respublikası adından QƏRAR Bakı şəhəri İş № 3(003)-1273/2021 04.10.2021 BAKI ŞƏHƏRİ XƏZƏR RAYON MƏHKƏMƏSİ Hakim Əkbərov Tərlan Xanəli oğlunun sədrliyi Məhkəmə iclasının katibi Qasımova Leyla Nurəddin qızının katibliyi, Bakı şəhəri Xəzər rayon İcra şöbəsinin icra məmuru X1, tələbkar Rəsi-zadə Rusxarə Vəliəhəd qızının və barəsində inzibati xəta haqqında iş üzrə icraat aparılan şəxs Şəxs iştirakları ilə xx xxxxxx 1984-cü il tarixdə Bakı şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 ünvanında qeydiyyatda olan və yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM-nin) 528.1-ci maddəsi ilə Xəzər rayon İcra şöbəsindən daxil olmuş inzibati xəta haqqında protokola baxaraq, müəyyən etdi: Bakı şəhəri Xəzər rayon İcra şöbəsinin icra məmuru X2 tərəfindən tərtib olunmuş 04 oktyabr 2021-ci il tarixli, MN ******* nömrəli inzibati xəta haqqında protokoldan göründüyü kimi, Bakı şəhəri Xəzər Rayon Məhkəməsinin 2(003)-266/2019 nömrəli 19 aprel 2019-cu il tarixli icra sənədinə əsasən Şəxs 19 aprel 2019-cu il tarixdən başlayaraq 18 fevral 2006-ci il təvəllüdlü Rəsi-zadə Hüseyn Rövşən oğlunun və 13 iyul 2018-ci il təvəllüdlü Rəsi-zadə Seyran Rövşən oğlunun yetkinlik yaşına çatanadək saxlanılması üçün hər ay hər uşağa görə 154 (bir yüz əlli dörd) manat olmaqla, cəmi 308 (üç yüz səkkiz) manat sabit pul məbləğində aliment tutularaq tələbkar Rəsi-zadə Rusxarə Vəliəhəd qızına ödənilməlidir. İcra sənədinin icrasını təmin etmək məqsədi ilə borcluya göndərilmiş bildirişə, xəbərdarlıqlara baxmayaraq, o, heç bir üzrlü səbəb olmadan adı çəkilən icra sənədini tam icra etməkdən qərəzli olaraq yayınaraq icra məmurunun qanuni tələbinə tabe olmamışdır. Hazırda borclu Şəxs tələbkar Rəsi-zadə Rusxarə Vəliəhəd qızına 5838 (beş min səkkiz yüz otuz səkkiz) manat borcu vardır. Məhkəmə iclasında inzibati xəta haqqında protokol tərtib etmiş şəxs - Xəzər rayon İcra şöbəsinin icra məmuru X2 inzibati xəta haqqında protokolun məzmununa uyğun izahat verərək göstərdi ki, borclu Şəxs hal-hazırda 5838 manat borcu vardır. Borclu izahatında bu günə qədər yığılmış 5838 manat borcunu hal-hazırda maddi imkanı olmadığı üçün ödəyə bilməyəcəyini bildirmiş, heç bir üzrlü səbəb olmadan icra sənədini tam icra etməkdən qərəzli olaraq ən müxtəlif bəhanələrlə yayınmışdır. Görülmüş bütün tədbirlərə baxmayaraq, borclu qanuni qüvvədə olan məhkəmə qərarını indiyə qədər tam icra etməmişdir. Hazırda borclu Şəxs 5838 manat aliment borcundan hazırkı məhkəmə baxışı zamanı 400 manat ödəniş etmişdir. Ona görə də borclu barəsində müvafiq inzibati tənbeh tətbiq edilməsini xahiş etdi. Məhkəmə iclasında iştirak edən tələbkar Rəsi-zadə Rusxarə Vəliəhəd qızı göstərdi ki, borclu Şəxs aliment borcunu vaxtlı-vaxtında və tam məbləğdə ödəmir. Hazırkı məhkəmə baxışı zamanı əldə etdikləri razılaşmaya əsasən isə borclu 308 manat sabit pul məbləğini müntəzəm ödəyəcəyi, həmçinin, həmin məbləğdən əlavə, gücü çatan qədər də pul ödəyəcəyi barədə yazılı öhdəlik götürmüşdür. Ona görə də ərizə ilə məhkəməyə müraciət edərək borclu barəsində olan inzibati xəta haqqında iş üzrə icraata xitam verilməsini xahiş edir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs göstərdi ki, borcun ödənilməsindən yayınmır, pandemiya dövründə maddi vəziyyətində yaranmış çətinlikləri ilə bağlı aliment borcunu tam ödəyə bilməmiş, lakin məhkəmə baxışı zamanı aliment borcundan 400 manat ödəniş edərək, məhkəmə baxışı zamanı borclu ilə əldə etdiyi razılaşmaya əsasən 308 manat sabit pul məbləğini müntəzəm ödəyəcəyi, həmçinin, həmin məbləğdən əlavə, gücü çatan qədər də pul ödəyəcəyi barədə yazılı öhdəlik götürmüşdür. Bütün bunların nəzərə alınaraq onun barəsində olan inzibati xəta haqqında iş üzrə icraata xitam verilməsini xahiş edir. Məhkəmə iclasında müəyyən olundu ki, Şəxs maddi vəziyyətində olan çətinlikləri ilə bağlı 5838 manat aliment borcunu tam ödəyə bilməmiş, lakin məhkəmənin gedişində qalıq borcundan 400 manat ödəniş etmiş, ərizə ilə məhkəməyə müraciət edərək məhkəmə baxışı zamanı borclu ilə əldə etdiyi razılaşmaya əsasən 308 manat sabit pul məbləğini müntəzəm ödəyəcəyi, həmçinin, həmin məbləğdən əlavə, gücü çatan qədər də pul ödəyəcəyi barədə yazılı öhdəlik götürmüşdür. Tələbkar Rəsi-zadə Rusxarə Vəliəhəd qızı da məhkəməyə ərizə ilə müraciət edərək borclu ilə aralarında belə bir razılaşmanın əldə edilməsini təsdiq etmiş və borclu barəsində olan hazaırkı inzibati xəta haqqında iş üzrə icraata xitam verilməsini xahiş etmişdir. Məhkəmə hesab edir ki, Şəxs hərəkətlərində Azərbaycan Respublikası İXM-nin 528.1-ci maddəsində göstərilən inzibati xəta tərkibi yoxdur. Azərbaycan Respublikası İnzibati Xətalar Məcəlləsinin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 53.0.2-ci maddəsinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan səlahiyyətli vəzifəli şəxs inzibati xəta haqqında işin icraatına xitam verilməsi haqqında qərar qəbul edir. Məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində göstərilən inzibati xəta tərkibi olmadığına görə inzibati xəta haqqında iş üzrə icraata xitam verilməlidir. Şərh olunanlara əsasən və Azərbaycan Respublikasının İnzibati Xətalar Məcəlləsinin 40, 43, 53,105, 114-cü maddələrini rəhbər tutaraq, məhkəmə qərara aldı: Barəsində inzibati xəta haqqında iş üzrə icraat aparılan şəxs – xx xxxxxx 1984-cü il tarixdə Bakı şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 2 ünvanında qeydiyyatda olan və yaşayan Şəxs əməlində Azərbaycan Respublikası İnzibati Xətalar Məcəlləsinin 528.1-ci maddəsində göstərilən inzibati xəta tərkibi olmadığına görə inzibati xəta haqqında iş üzrə icraata xitam verilsin. Qərardan 10 gün müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən: Tərlan Əkbərov