Bakı Şəhəri Xəzər Rayon Məhkəməsi Qərar — İş №3(003)-1336/2022

Azərbaycan Respublikası adından QƏRAR Bakı şəhəri İş № 3(003)-1336/2022 12.09.2022 BAKI ŞƏHƏRİ XƏZƏR RAYON MƏHKƏMƏSİ Hakim Əkbərov Tərlan Xanəli oğlunun sədrliyi Məhkəmə iclasının katibi Qasımova Leyla Nurəddin qızının katibliyi, Barəsində inzibati xəta haqqında iş üzrə icraat aparılan şəxs X3 iştirakı ilə, X3 barəsində Azərbaycan Respublikası Dövlət Gömrük Komitəsi Hava Nəqliyyatında Baş Gömrük İdarəsi tərəfindən Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM-nin) 503-cü maddəsi ilə tərtib edilmiş inzibati xəta haqqında protokola məhkəmənin inzibati binasında, açıq məhkəmə iclasında baxaraq, müəyyənetdim: İnzibati xəta haqqında protokola əsasən “Poçt Göndərişləri” gömrük postundan daxil olmuş 34/020/018271 saylı xx.xx.2022-ci il tarixli raporta əsasən "xxxx" MMC poçt daşımaları şirkəti tərəfindən elektron qaydada gömrük orqanlarına bəyan edilmiş ***- *******2 saylı aviaqaimə ilə daxil olmuş poçt göndərişinə dair məlumatların təhlili və onlar barəsində həyata keçirilən gömrük nəzarəti əsnasında bir neçə risk hallarının mövcudluğu barədə şübhələr müəyyən edilmiş risk qiymətləndirilməsi həyata keçirilmiş və aparılan gömrük baxışı zamanı 13 ədəd bağlamanın bir neçə halda tərkib hissəsini təşkil edən malların oxşar cinsliliyi eyni ünvandan göndərilməsi və s. indiqatorlar malların şəxsi istifadə və istehlak məqsədləri üçün nəzərdə tutulmadığı barədə şübhələr formalaşdırmışdır. Araşdırma zamanı poçt bağlamalarının üzərində qeyd olunan mobil nömrələr ilə əlaqə saxlanılmış və həmin bağlamalardan Vüqar Rəcəbovun, Elmin Əvəzlinin, Sahib Əvəzlinin, Hünər Aliyevin, Vahid Sadıxovun, Kamran İbrahimovun adlarına göndərilmiş 10 ədəd bağlamanın Azərbaycan Respublikası vətəndaşı X4 məxsus olduğu müəyyən edilmişdir. Həmçinin, Əhliman Muxtarzadə, Əliyev Firdovsi, Elduzə Əliyevanın adlarına gələn 3 ədəd bağlamanın şəxsi istifadə məqsədilə sifariş olunduğu müəyyən edilmişdir. Fakt üzrə izahat verən X5 tanışları Vüqar Rəcəbovun, Elmin Əvəzlinin, X7 Aliyevin, Vahid Sadıxovun, Kamran İbrahimovun adlarına göndərilmiş 10 ədəd bağlamanı özünün sifariş verdiyini həmin malları satmaq məsqədilə gətizdirdiyini və ümumilikdə həmin mallara görə təxminən 1683,122 ABŞ dolları məbləğində pul ödədiyini bildirmişdir. Beləliklə, araşdırma nəticəsində ***-*******2 nömrəli aviaqaimələr ilə X2 göndərilən bağlamanın sahibi Azərbaycan Respublikası vətəndaşı X1 fəaliyyəti üçün nəzərdə tutulan malları Azərbaycan Respublikası gömrük sərhədindən istehsal və ya kommersiya məsqədləri üçün nəzərdə tutulmayan mallar kimi keçirdiyi məlum olmuşdur. X5 izahat zamanı təqdim etdiyi invoys sənədlərinə əsasən həmin malların dəyərinin 1683,122 ABŞ dolları (xx.xx.2022-ci il tarixinə olan məzənnəyə əsasən 2861,3074 manat) təşkil etdiyi müəyyən olunmuşdur. Bununla əlaqədar X3 barəsində Dövlət Gömrük Komitəsi Hava Nəqliyyatında Baş Gömrük İdarəsinin Əməliyyat və Təhqiqat İdarəsinin Təhqiqat şöbəsinin böyük təhqiqatçısı, gömrük xidməti kapitanı X6 tərəfindən 31 avqust 2022-ci il tarixdə Azərbaycan Respublikası İXM-nin 503-cü maddəsi ilə 00800-0214/22 nömrəli inzibati xəta haqqında protokol tərtib olunmuşdur. Məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, Azərbaycan Respublikası Dövlət Gömrük Komitəsi Hava Nəqliyyatında Baş Gömrük İdarəsinin nümayəndəsi məhkəmə iclasına gəlməmiş və gəlməməsinin səbəblərini bildirməmişdir. Məhkəmə işə Azərbaycan Respublikası Dövlət Gömrük Komitəsi Hava Nəqliyyatında Baş Gömrük İdarəsinin nümayəndəsinin iştirakı olmadan baxılmasını mümkün hesab etmişdir. Məhkəmə iclasında barəsində inzibati xəta haqqında iş üzrə icraat aparılan şəxs X5 özünü Azərbaycan Respublikası İXM-nin 503-cü maddəsində nəzərdə tutulmuş xətanı törətməkdə təqsirli bilərək, protokolda yazılanlarla razı olduğunu, əməlindən peşman olduğunu bildirdi və məhkəmədən ədalətli qərar çıxarılmasını xahiş etdi. İş materiallarını araşdırıb hesab edirəm ki, müvafiq inzibati xətanın baş verməsi faktı inzibati xəta haqqında protokolla yanaşı, iş üzrə toplanmış digər sənədlərlə də sübuta yetirilir. Belə ki, İstehsal və ya digər kommersiya fəaliyyəti üçün nəzərdə tutulan malların Azərbaycan Respublikasının gömrük sərhədindən istehsal və ya kommersiya məqsədləri üçün nəzərdə tutulmayan mallar kimi keçirilməsinə görə - inzibati xətanın bilavasitə obyekti olan mallar və nəqliyyat vasitələri müsadirə edilir, yaxud onların dəyərinin otuz faizindən yüz faizinədək məbləğdə cərimə edilir. Azərbaycan Respublikası İXM-nin 31.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə X3 əməlini səmimi etiraf etməsini və peşman olmasını iş üzrə məsuliyyəti yüngülləşdirən hallar kimi qiymətləndirir. İş üzrə məsuliyyəti ağırlaşdıran hallar müəyyən edilməmişdir. Azərbaycan Respublikası Konstitusiyasının 21-cu maddəsinin İİİ hissəsinə əsasən Azərbaycan Respublikasının ərazisində manatdan başqa pul vahidlərinin ödəniş vasitəsi kimi işlədilməsi qadağandır. Məhkəmə X3 barəsində inzibati xətanın bilavasitə obyekti olan malların gömrük dəyəri 1683,12 (bir min altı yüz səksən üç, on iki) ABŞ dolları valyuta vəsaiti məbləğinin otuz faizi – 504,94 (beş yüz dörd, doxsan dörd) ABŞ dolları məbləğində inzibati cərimə edilməsini məqsədəmüvafiq hesab edir. Azərbaycan Respublikasının Mərkəzi Bankının https://www.cbar.az rəsmi saytından görünür ki, 12 sentyabr 2022-ci il tarixə 1 ABŞ dolları 1.70 AZN olmuşdur. Ona görə də məhkəmə hesab edir ki, 504,94 (beş yüz dörd, doxsan dörd) ABŞ dolları pul vəsaiti 858,40 (səkkiz yüz əlli səkkiz, qırx) manata bərabər tutulmalıdır. Şərh olunanlara əsasən və Azərbaycan Respublikasının İXM-nin 25, 40, 43, 114- 117, 128-130-cu maddələrini rəhbər tutaraq, məhkəmə qəraraaldı: X5 Azərbaycan Respublikasının İXM-nin 503-cü maddəsində nəzərdə tutulmuş inzibati xətanı törətməkdə təqsirli bilinsin və inzibati xətanın bilavasitə obyekti olan malların gömrük dəyəri 1683,12 (bir min altı yüz səksən üç, on iki) ABŞ dolları məbləğinin 30 (otuz) faizi, yəni 504,94 (beş yüz dörd, doxsan dörd) ABŞ dolları olmaqla 858,40 (səkkiz yüz əlli səkkiz, qırx) manat məbləğində cərimə növündə tənbeh tədbiri tətbiq edilsin. Qərarın surəti təqdim edildiyi və ya alındığı gündən 10 gün muddətində Bakı Şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və protesti verilə bilər. Sədrlik edən: Tərlan Əkbərov