Bakı Şəhəri Xəzər Rayon Məhkəməsi Qərar — İş №3(003)-1336/2024

Azərbaycan Respublikası adından QƏRAR Bakı şəhəri İş № 3(003)-1336/2024 12.07.2024 BAKI ŞƏHƏRİ XƏZƏR RAYON MƏHKƏMƏSİ Hakim Xəzri Ramilə Həşim qızının sədrliyi, Mehdiyeva Nigar Namizəd qızının katibliyi İnzibati xəta haqqında protokolu tərtib etmiş "xxxx" ASC-nin Xəzər Sukanal İdarəsinin hüquq məsləhətçisi X2, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1982-ci il tarixdə Şəki rayonu, Şəki kəndində doğulmuş, Azərbaycan Respublikasının vətəndaşı, evli, Şəki rayonu, Şəki kəndində ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin 262.3-cü maddəsi ilə inzibati məsuliyyətə cəlb edilməsinə dair inzibati xəta haqqında materiala açıq məhkəmə iclasında baxaraq, məhkəmə müəyyənetdi: "xxxx" Açıq Səhmdar Cəmiyyətindən daxil olmuş 06 may 2024-cü il tarixli MN seriyalı ******* nömrəli inzibati xəta haqqında protokolda göstərilmişdir ki, Şəxs xx.xx.2024-cü il tarixdə 16:30-da Binə qəsəbəsi, Qardaşxan küçəsi ünvanında diametri 20 mm ölçüdə boru vasitəsi ilə sudan qanunsuz (müqaviləsiz) istifadə etmiş, bununla da, Azərbaycan Respublikası İnzibati Xətalar Məcəlləsinin 262.3-cü maddəsi ilə nəzərdə tutulmuş inzibati xətanı törətmişdir. Məhkəmə iclasında iştirak edən inzibati xəta haqqında protokolu tərtib etmiş "xxxx" ASC-nin Xəzər Sukanal İdarəsinin hüquq məsləhətçisi X4 bildirmişdir ki, "xxxx" ASC-nin əməkdaşları Binə qəsəbəsi, Qardaşxan küçəsi ünvanında yoxlama aparan zaman sudan qanunsuz istifadə halı aşkarlamışlar. Bununla bağlı Şəxs barəsində İnzibati Xətalar Məcəlləsinin 262.3-cü maddəsi ilə protokol tərtib edilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs "xxxx" ASC-nin Xəzər Sukanal İdarəsinin mühəndisi X1 evə sayğac quraşdırılacağını, buna görə də sənədə imza çəkməsini bildirdiyini, bu səbəbdən də aktı imzaladığını bildirmişdir. Məhkəmə iclasında iştirak edən şahid "xxxx" ASC-nin Xəzər Sukanal İdarəsinin mühəndisi X3 bildirmişdir ki, Binə qəsəbəsi, Qardaşxan küçəsi ünvanında yoxlama keçirilən zaman sudan qanunsuz istifadə olduğu aşkarlanmış, bununla bağlı akt tərtib olunmuş və akt Şəxs tərəfindən imzalanmışdır. İş materiallarında olan və məhkəmə baxışında tədqiq edilmiş: 06 may 2024-cü il tarixli MN seriyalı ******* nömrəli inzibati xəta haqqında protokoldan görünür ki, Şəxs xx.xx.2024-cü il tarixdə 16:30-da Binə qəsəbəsi, Qardaşxan küçəsi ünvanında diametri 20 mm ölçüdə boru vasitəsi ilə sudan qanunsuz (müqaviləsiz) istifadə etdiyindən barəsində İnzibati Xətalar Məcəlləsinin 262.3-cü maddəsi ilə nəzərdə tutulmuş əməli törətməsi barədə protokol tərtib edilmişdir. "xxxx" ASC tərəfindən tərtib edilmiş 06 may 2024-cü il tarixli, 115983 saylı aktdan görünür ki, Şəxs ona məxsus evdə sudan qeyri-qanuni istifadə edilməsi nəticəsində "xxxx" ASC-yə maddi ziyanın vurulmasını öz imzası ilə təsdiq etmişdir. "xxxx" ASC tərəfindən məhkəməyə təqdim edilmiş CD diskdən görünür ki, 06 may 2024-cü il tarixdə Binə qəsəbəsi, Qardaşxan küçəsi ünvanına baxış keçirilmiş, baxış zamanı su xəttinin kəsilməsinə baxmayaraq, su xəttinə birləşik olan evlərin birinin nümayəndəsinin Şəxs olduğu və ona məxsus evdə sudan qanunsuz istifadə olduğu aşkar edilmişdir. Azərbaycan Respublikası İnzibati Xətalar Məcəlləsinin: 3-cü maddəsinə əsasən yalnız bu Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir; 262.3-cü maddəsinə əsasən su təchizatı şəbəkəsinə qanunsuz qoşulmaqla suyun talanması nəticəsində az miqdarda ziyan vurulmasına görə - fiziki şəxslər iki yüz manatdan dörd yüz manatadək məbləğdə, vəzifəli şəxslər min manatdan min beş yüz manatadək məbləğdə, hüquqi şəxslər iki min beş yüz manatdan üç min beş yüz manatadək məbləğdə cərimə edilir. Azərbaycan Respublikası İnzibati Xətalar Məcəlləsinin 262.3-cü maddəsində nəzərdə tutulmuş inzibati xətanın X5 tərəfindən törədilməsi məhkəmə iclasında tədqiq edilmiş inzibati xəta haqqında protokol, barəsində inzibati xəta haqqında iş üzrə icraat aparılan şəxsin şahidin izahatı və inzibati materialda olan digər sənədlərlə sübuta yetirilmişdir. Şəxs inzibati məsuliyyətini ağırlaşdıran və yüngülləşdirən hallar müəyyən edilməmişdir. Məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, məsuliyyəti yüngülləşdirən və ağırlaşdıran halların müəyyən edilməməsini nəzərə alıb, iş üzrə sübutları qiymətləndirərək hesab edir ki, Şəxs Azərbaycan Respublikası İnzibati Xətalar Məcəlləsinin 262.3-cü maddəsi ilə nəzərdə tutulmuş inzibati xətanın törədilməsində təqsirli bilinməli və ona adıçəkilən maddənin sanksiyasının hədləri daxilində cərimə növündə inzibati tənbeh tətbiq edilməlidir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 43, 114 və 115-ci maddələrini rəhbər tutaraq, məhkəmə, q ə r a r a a l d ı: Şəxs Azərbaycan Respublikası İnzibati Xətalar Məcəlləsinin 262.3-cü maddəsində nəzərdə tutulmuş inzibati xətanı törətməkdə təqsirli bilinərək 200 (iki yüz) manat məbləğində cərimə edilsin. Qərarın surəti təqdim edildiyi və ya alındığı gündən 10 (on) gün müddətində Bakı şəhəri Xəzər Rayon Məhkəməsi vasitəsilə və ya birbaşa Bakı Apellyasiya Məhkəməsinə şikayət verilə bilər. Sədrlik edən: Ramilə Xəzri