Bakı Şəhəri Xəzər Rayon Məhkəməsi Qərar — İş №3(003)-1435/2020

Azərbaycan Respublikası adından QƏRAR Bakı şəhəri İş № 3(003)-1435/2020 22.10.2020 BAKI ŞƏHƏRİ XƏZƏR RAYON MƏHKƏMƏSİ Hakim Əkbərov Tərlan Xanəli oğlunun sədrliyi Məhkəmə iclasının katibi Qasımova Leyla Nurəddin qızının katibliyi, Bakı şəhəri Xəzər rayon Polis İdarəsinin 2-ci Polis Şöbəsinin sahə inspektoru, polis kapitanı X1 və barəsində inzibati xəta haqqında iş üzrə icraat aparılan şəxs Şəxs iştirakları ilə xx xxx 1993-cü il tarixdə Bakı şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 mənzil 18 ünvanında qeydiyyatda olan, Bakı şəhəri Xəzər rayonu Buzovna qəsəbəsi Albalılıq massivi yeni yaşayış sahəsində yaşayan Şəxs barəsində Bakı şəhəri Xəzər rayon Polis İdarəsinin 2-ci Polis Şöbəsi tərəfindən Azərbaycan Respublikası İXM-nin 535.1-ci maddəsi ilə tərtib edilmiş inzibati xəta haqqında protokola məhkəmənin inzibati binasında açıq məhkəmə iclasında baxaraq, müəyyən etdi: Şəxs xx xxxxxxx 2020-ci il tarixdə Bakı şəhəri Xəzər rayon Polis İdarəsinin 1-ci Polis Şöbəsində polis əməkdaşının qanuni tələblərinə qəsdən tabe olmamışdır. Bu barədə Şəxs barəsində Bakı şəhəri Xəzər rayon Polis İdarəsinin 2-ci Polis Şöbəsində xx xxxxxxx 2020-ci il tarixdə Azərbaycan Respublikası İXM-nin 535.1-ci maddəsi ilə inzibati xəta haqqında protokol tərtib olunmuşdur. Məhkəmə iclasında potokol tərtib etmiş şəxs - Bakı şəhəri Xəzər rayon Polis İdarəsinin 2-ci Polis Şöbəsinin sahə inspektoru, polis kapitanı X2 göstərdi ki, Bakı şəhəri Xəzər RPİ Polis Şöbəsinin məsul növbətçisi polis mayoru Sadıq Məmmədov raportla şöbəyə müraciət edərək göstərmişdir ki, xx xxxxxxx 2020-ci il tarixdə saat 22:30 radələrində Azərbaycan Respublikasında elan olunmuş komendat rejimi qaydalarının təmin olunması ilə əlaqədar ərazidə aparan 2-ci PŞ-nin təhqiqatçısı polis mayoru Arzuman İsmayılov N-yə telefon vasitəsilə məlumat verərək bildirmişdir ki, Buzovna qəsəbəsi G.Məmmədov küçəsində komendat rejimini pozan 4 nəfər şəxs tərəfindən saxlanılmışdır. Daxil olmuş məlumatla bağlı qeyd olunan ünvana əməliyyat qrupu göndərilmiş və həmin şəxslərin PŞ-nə gətirilməsi təmin olunmuş. Orada həmin şəxslərdən biri, sərxoş halda özünü təqdim etmədən şöbədə uca səslə nalayiq ifadələr işlədərək polis əməkdaşlarını təhqir etmiş və bununla da polisin qanuni tələblərinə riayət etməyərək PŞnin iş rejimini kobud surətdə pozmuşdur. Bu barədə raport tərtib edərək Şəxs məsuliyyətə cəlb edilməsini xahiş etmişdir. Eyni zamanda xx xxxxxxx 2020-ci il tarixli aktdan göründüyü kimi qeyd olunanlarla bağlı Şəxs sərxoşluq dərəcəsinin müəyyən olunması zərurəti yaranmış, lakin həmin şəxs tabesizlik göstərərək narkoloji dispanserə getməkdən imtina etmişdir. xx xxxxxxx 2020-ci il tarixdə Şəxs barəsində Azərbaycan Respublikası İXM-nin 535.1-ci maddəsi ilə inzibati xəta haqqında protokol tərtib olunmuşdur. Barəsində inzibati xəta haqqında iş üzrə icraat aparılan şəxs - Şəxs məhkəmə iclasında törətdiyi inzibati xətanı etiraf edərək göstərdi ki, o, xx xxxxx 2020-ci il tarixdə nahar edən zaman spirtli içki qəbul etmişdir. Bir müddətdən sonra icarəyə götürdüyü “Opel” markalı, **-ZL-*** dövlət qeydiyyat nişanlı avtomobillə mağaya gedərək sement almış və yenidən pivə alaraq avtomobilinə əyləşmişdir. Avtomobili sürərkən aldığı pivəni içmişdir. Yaşadığı evin yaxınlığına çatdıqda yol polisi ona yaxınlaşaraq sərxoş halda avtomobil idarə etdiyini bildirmişdir. Sonra o, sərxoşluğunun müayinəsi üçün xidməti avtomobilə minmişdir. O, həmin vaxt sərxoş olduğu üçün polis əməkdaşları ilə mübahisə etmişdir. Əməlindən peşmandır, bir daha belə əmələ yol verməyəcəyinə söz verir. Beləliklə, müvafiq inzibati xətanın baş verməsi faktı barəsində inzibati xəta haqqında protokol tərtib etmiş şəxsin izahatı və inzibati xəta haqqında protokolla yanaşı, iş üzrə toplanmış digər sənədlərlə də sübuta yetirilir. Azərbaycan Respublikasının İnzibati Xətalar Məcəlləsinin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 535.1-ci maddəsinə əsasən Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Barəsində inzibati xəta haqqında iş üzrə icraat aparılan şəxsin əməlindən peşman olması məsuliyyəti yüngülləşdirən hal kimi nəzərə alınır. İş üzrə məsuliyyəti ağırlaşdıran hallar müəyyən edilməmişdir. İş materiallarını araşdıraraq, törədilmiş inzibati xətanın xarakterini, inzibati xəta törətmiş şəxsin şəxsiyyətini nəzərə alıb, Şəxs Azərbaycan Respublikası İXM-nin 535.1-ci maddəsinin sanksiyasında nəzərdə tutulan inzibati cərimə növündə tənbeh edilməsini məqsədəmüvafiq hesab edirəm. Şərh olunanlara əsasən və Azərbaycan Respublikasının İXM-nin 25, 40, 43, 115- 117, 128-130-cu maddələrini rəhbər tutaraq, məhkəmə qərara aldı: Barəsində inzibati xəta haqqında iş üzrə icraat aparılan şəxs – xx xxx 1993-cü il tarixdə Bakı şəhərində doğulmuş, Azərbaycan Respublikasının vətəndaşı, subay, orta təhsilli, işləməyən, ünvan 1 mənzil 18 ünvanında qeydiyyatda olan, Bakı şəhəri Xəzər rayonu Buzovna qəsəbəsi Albalılıq massivi yeni yaşayış sahəsində yaşayan Şəxs Azərbaycan Respublikasının İXM-nin 535.1-ci maddəsində nəzərdə tutulmuş İnzibati xətanı törətməkdə təqsirli bilinib barəsində 200 (iki yüz) manat məbləğində cərimə növündə inzibati tənbeh tətbiq edilsin. Qərarın surəti təqdim edildiyi və ya alındığı gündən 10 gün muddətində Bakı şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və protesti verilə bilər. Qərardan apellyasiya şikayəti və protesti verilmədikdə, qərar həmin müddət başa çatdığı vaxtdan sonrakı gün qüvvəyə minir. Sədrlik edən Tərlan Əkbərov