Bakı Şəhəri Xəzər Rayon Məhkəməsi Qərar — İş №3(003)-1663/2022

Azərbaycan Respublikası adından QƏRAR Bakı şəhəri İş № 3(003)-1663/2022 11.11.2022 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi, Hüseynova Mətanət Təbriz qızının katibliyi, barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi X1 iştirakı ilə Şəxs MMC-nin Azərbaycan Respublikası İnzibati Xətalar Məcəlləsinin 347-ci maddəsi ilə nəzərdə tutulmuş inzibati xəta törətməsi barədə Bakı şəhəri Yasamal rayon Polis idarəsindən daxil olmuş materiala açıq məhkəmə iclasında baxaraq, məhkəmə M Ü Ə Y Y Ə N E T D İ: İnzibati xəta haqqında MN seriyalı ******* nömrəli, 07 oktyabr 2022-ci il tarixli protokola əsasən Şəxs MMC-nə məxsus Daewoo BS090» avtobus markalı, **-TG-*** dövlət qeydiyyat nişanlı nəqliyyat vasitəsini idarə etmiş fiziki şəxs haqqında məlumatı səlahiyyətli orqanın bu barədə sorğusu daxil olduğu gündən 5 gün müddətində verməmişdir. Bununla da, Şəxs MMC Azərbaycan Respublikası İnzibati Xətalar Məcəlləsinin 347-ci maddəsində göstərilən inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan hüquqi şəxs Şəxs MMC-nin nümayəndəsi X2 bildirdi ki, onlara məxsus «Daewoo BS090» avtobus markalı, **-TG-*** dövlət qeydiyyat nişanlı nəqliyyat vasitəsi 16 dekabr 2021-ci il tarixli icbari sığorta müqaviləsinə əsasən 25 dekabr 2021-ci il tarixdən 25 dekabr 2022-ci il tarixədək sığorta olunmuşdur. Bakı şəhəri Yasamal rayon Polis idarəsi tərəfindən göndərilmiş xəbərdarlığı o, qəbul etmişdir. Həmin xəbərdarlıqda «Kia Rio» minik markalı, **-TG-*** dövlət qeydiyyat nişanlı nəqliyyat vasitəsini idarə etmiş fiziki şəxs haqqında məlumatın 5 gün müddətində verilməsi xahiş olunmuşdur. Həmçinin xəbərdarlıqda həmin avtomobilin sığorta olunmadığı qeyd olunmuşdur. O, Yasamal rayon Polis idarəsi ilə əlaqə saxlayaraq bu barədə məlumat vermiş və ona texniki səhv olduğunu bildirmişlər. Qeyd olunanlara əsasən Şəxs MMC-nin barəsində inzibati xəta haqqında iş üzrə icraata xitam verilməsini məhkəmədən xahiş etdi. Bakı şəhəri Yasamal rayon Polis idarəsinə məhkəmə iclasının vaxtı və yeri barədə qanunla nəzərdə tutulmuş qaydada poçt vasitəsi ilə bildiriş göndərilməsinə baxmayaraq nümayəndəsi məhkəməyə gəlməmiş və gəlməməsinin səbəbləri barəsində məhkəməyə məlumat verməmişdir. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə onun iştirakı olmadan baxılmasını mumkün hesab etmişdir. Məhkəmə barəsində inzibati xəta haqqında iş üzrə icraat aparılan hüquqi şəxsin nümayəndəsini dinləyib, iş materiallarını araşdırıb müəyyən etdi ki, inzibati xəta hadisəsi olmadığından Şəxs MMC-nin Azərbaycan Respublikası İXM-nin 347-ci maddəsində nəzərdə tutulmuş inzibati xəta törətməsi haqqında iş üzrə icraata xitam verilməlidir. Belə ki, iş materiallarına əlavə edilmiş xəbərdarlıq məktubundan görünür ki, Şəxs MMC-nin mülkiyyətində olan «Kia Rio» minik markalı, **-TG-*** dövlət qeydiyyat nişanlı avtomobilin Mərdəkan yolu Aviasiya Akademiyasının yanındakı NN-nin surət tablosunun üzrəində şəhər istiqamətində mülki məsuliyyəti icbari qaydada sığorta etdirmək üçün sığortaçı ilə icbari sığorta müqaviləsi bağlamadığı müəyyən olunmuşdur. Bununla da, Azərbaycan Respublikası İnzibati Xətalar Məcəlləsinin 469.3-cü maddəsi ilə nəzərdə tutulmuş inzibati xəta törənmişdir. Ona görə də, Şəxs MMC-dən xətanın törədilməsi zamanı nəqliyyat vasitəsini idarə etmək hüququna malik fiziki şəxs barədə məlumatların 5 gün müddətində verilməsi xahiş olunmuşdur. İş materiallarına əlavə edilmiş İcbari sığorta müqaviləsinə dair məlumatdan görünür ki, «Daewoo BS090» avtobus markalı, **-TG-*** dövlət qeydiyyat nişanlı nəqliyyat vasitəsi 16 dekabr 2021-ci il tarixli icbari sığorta müqaviləsinə əsasən 25 dekabr 2021-ci il tarixdən 25 dekabr 2022-ci il tarixədək sığorta olunmuşdur. Azərbaycan Respublikası İnzibati Xətalar Məcəlləsinin 347-ci maddəsinə əsasən hüquqi şəxsin mülkiyyətində və ya istifadəsində, yaxud dövlət qurumunun istifadəsində olan nəqliyyat vasitəsini inzibati xətanın törədilməsi zamanı idarə etmiş fiziki şəxs haqqında məlumatın səlahiyyətli orqanın (vəzifəli şəxsin) bu barədə sorğusu daxil olduğu vaxtdan 5 gün müddətində verilməməsinə görəhttps://eqanun.az/framework/46960 vəzifəli şəxslər yüz əlli manat məbləğində, hüquqi şəxslər üç yüz manat məbləğində cərimə edilir. Azərbaycan Respublikası İnzibati Xətalar Məcəlləsinin 18.1-ci maddəsinə görə hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Həmin Məcəllənin 18.5-ci maddəsinə görə hüquqi şəxs barəsində inzibati tənbeh yalnız hakim tərəfindən tətbiq edilir. Məhkəmədə müəyyən olundu ki, «Daewoo BS090» avtobus markalı, **-TG-*** dövlət qeydiyyat nişanlı nəqliyyat vasitəsi Şəxs MMC-nin mülkiyyətində olmaqla 16 dekabr 2021-ci il tarixli icbari sığorta müqaviləsinə əsasən 25 dekabr 2021-ci il tarixdən 25 dekabr 2022-ci il tarixədək sığorta olunmuşdur. «Kia Rio» minik markalı, **-TG-*** dövlət qeydiyyat nişanlı avtomobil isə Şəxs MMC-nin mülkiyyətində deyildir. Lakin xəbərdarlıq məktubunda Şəxs MMC-nin mülkiyyətində olan «Kia Rio» minik markalı, **-TG-*** dövlət qeydiyyat nişanlı avtomobilin icbari sığorta müqaviləsi bağlamadığı qeyd olunmuş və həmin nəqliyyat vasitəsini idarə etmək hüququna malik fiziki şəxs barədə məlumatların 5 gün müddətində verilməsi Şəxs MMC-dən xahiş olunmuşdur. Ona görə də, məhkəmə hesab edir ki, Azərbaycan Respublikasının İnzibati Xətalar Məcəlləsinin 347-ci maddəsində göstərilən inzibati xəta hadisəsi yoxdur. Azərbaycan Respublikasının İnzibati Xətalar Məcəlləsinin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 53.0.1-ci maddəsinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40-cı, 43-cü, 115-ci, 117-ci, 128-ci və 130-cu maddələrini rəhbər tutatarq, məhkəmə Q Ə R A R A A L D İ: Barəsində inzibati xəta haqqında iş üzrə icraat aparılan hüquqi şəxs Şəxs MMC-nin Azərbaycan Respublikası İnzibati Xətalar Məcəlləsinin 347-ci maddəsi ilə nəzərdə tutulmuş inzibati xəta törətməsinə dair işin icraatına inzibati xəta hadisəsi olmadığına görə xitam verilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Xəzər rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qərardan apellyasiya şikayəti verilmədikdə, qərar həmin müddət başa çatdığı vaxtdan sonrakı gün qüvvəyə minir. Hakim Əkrəm Qəhrəmanov