Bakı Şəhəri Xəzər Rayon Məhkəməsi Qərar — İş №3(003)-1695/2024

Azərbaycan Respublikası adından QƏRAR Bakı şəhəri İş № 3(003)-1695/2024 06.08.2024 BAKI ŞƏHƏRİ XƏZƏR RAYON MƏHKƏMƏSİ Hakim Cəfərzadə İlham Nizami oğlunun sədrliyi, Qasımova Leyla Nurəddin qızının katibliyi, Bakı şəhəri Xəzər rayon İcra Şöbəsinin nümayəndəsi, icra məmuru X2, Barəsində inzibati xəta haqqında iş üzrə icraat aparılan şəxs Şəxs iştirakları ilə, 08.021977-ci ildə Bakı şəhərində doğulmuş, Azərbaycan Respublikasının vətəndaşı, evli, ünvan 1 ünvanında qeydiyyatda olan, Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətaları törətməsinə dair Bakı şəhəri Xəzər rayon İcra Şöbəsindən daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, məhkəmə müəyyən etdi Bakı şəhəri Xəzər rayon İcra Şöbəsinin icra məmuru X3 tərəfindən Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə nəzərdə tutulmuş əməllərin törədilməsi barədə protokol tərtib edilərək onun inzibati məsuliyyətə cəlb olunmasına baxılması üçün məhkəməyə təqdim edilmişdir. Məhkəmə iclasında Bakı şəhəri Xəzər rayon İcra Şöbəsinin nümayəndəsi, icra məmuru X4 izahat verərək bildirdi ki, Bakı şəhəri Yasamal Rayon Məhkəməsinin 2(004)- 2751/2017 saylı, xx.xx.2017-ci il tarixli icra vərəqəsinə əsasən xx.xx.2007-ci il təvəllüdlü X5 yetkinlik yaşına çatanadək saxlanılması üçün hər ay 136.6 manat sabit pul məbləğində aliment Şəxs X1 xeyrinə tutulmalıdır. Əvvəllər icra sənədi üzrə tələbkarla aralarında razılıq olmuş və tələbkar ərizə ilə icra şöbəsinə müraciət edərək ona qarşı şikayətinin olmadığını və barəsində tədbir görülməməsini xahiş etmişdir. Daha sonra xx.xx.2024-cü il tarixdə tələbkar ərizə ilə məhkəməyə müraciət edərək icra sənədi üzrə borcun 4953 manat olduğunu bildirmiş və Şəxs barəsində tədbir görülməsini xahiş etmişdir. Bundan sonra Şəxs icra şöbəsinə dəvət olunmuş, lakin o, icra şöbəsinə gəlmədiyindən barəsində axtarış elan edilmişdir. Hazırda isə polis tərəfindən saxlanılaraq icra şöbəsinə təhvil verilmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs izahatında bildirdi ki, əvvəllər işi olmuş və alimenti vaxtı vaxtında ödəmişdir. Daha sonra pandemiya olmuş və işi ilə əlaqədar götürdüyü kreditlər ödəyə bilmədiyindən bankrot olmuşdur. Bundan sonra alimenti ödəyə bilməmişdir. Həmçinin bildirdi ki, tələbkarla aralarında razılıq olmuş və ona görə ödənişlər etməmişdir. İcra şöbəsinə çağırılması barədə məlumatı olmamışdır. Hazırda icra sənədi üzrə ödəniş edə bilmir, lakin vaxt veriləcəyi təqdirdə ödəniş edəcəkdir. Məhkəmə proses iştirakçılarını dinləyib, iş materiallarını araşdırıb hesab edir ki, inzibati xəta haqqında iş üzrə icraata xitam verilməlidir. Belə ki, iş materiallarında olan: -MN ******* nömrəli, xx.xx.2024-cü il tarixli inzibati xəta haqqında protokoldan görünür ki, Şəxs Bakı şəhəri Yasamal Rayon Məhkəməsinin 2(004)-2751/2017 saylı, xx.xx.2017-ci il tarixli icra sənədi üzrə tələbi ödəməkdən yayınması səbəbinə görə Azərbaycan Respublikası İXM-in 528.1-ci maddəsində nəzərdə tutulan inzibati xətanı törətmişdir. Yaranmış borcun məbləği 4953 manat təşkil edir. -Bakı şəhəri Yasamal Rayon Məhkəməsinin 2(004)-2751/2017 saylı, xx.xx.2017-ci il tarixli icra vərəqəsinin surətindən görünür ki, xx.xx.2007-ci il təvəllüdlü X5 yetkinlik yaşına çatanadək saxlanılması üçün hər ay 136.6 manat sabit pul məbləğində aliment Şəxs X1 xeyrinə tutulmalıdır. -X1 Xəzər rayon İcra şöbəsinə ünvanladığını xx.xx.2022-ci il tarixli ərizəsinin surətindən görünür ki, o, həmin ərizədə bildirmişdir ki, Bakı şəhəri Yasamal Rayon Məhkəməsinin 2(004)-2751/2017 saylı, xx.xx.2017-ci il tarixli icra sənədi üzrə borclu Şəxs qarşı şikayət və tələbi yoxdur. Onun işlə təmin olunana qədər müddət verir. Bu müddətdə ödəmədiyi halda barəsində yenidən şikayət ərizəsi ilə müraciət edəcəkdir. - X1 Xəzər rayon İcra şöbəsinə ünvanladığını xx.xx.2024-cü il tarixli ərizəsinin surətindən görünür ki, o, həmin ərizədə bildirmişdir ki, borclu Şəxs ona 4953 manat aliment borcu var və barəsində tədbir görülməsini xahiş etmişdir. İşin araşdırılmış hallarından müəyyən olunur ki, Bakı şəhəri Yasamal Rayon Məhkəməsinin 2(004)-2751/2017 saylı, xx.xx.2017-ci il tarixli icra sənədi barədə Şəxs məlumatı vardır və onun hal-hazırda həmin icra sənədi üzrə 4953 manat manat aliment borcu təşkil edir. Həmçinin işin hallarından görünür ki, icra sənədi üzrə tələbkarla onun arasında olan razılıq əsasında ondan müəyyən müddətdə icra sənədi üzrə tələbin yerinə yetirilməsi tələb olunmamışdır. Daha sonra isə, yəni xx.xx.2024-cü il tarixdə icra sənədi üzrə tələbkarın ərizəsi əsasında icra məmuru tərəfindən Şəxs axtarış başlanmışdır. Lakin icra məmuru tərəfindən icra sənədi üzrə tələbin yerinə yetirilməsi yeni müddət təyin edilməmişdir. Azərbaycan Respublikası Konstitusiyasının 12.1-ci maddəsinə əsasən “İnsan və vətəndaş hüquqlarının və azadlıqlarının, Azərbaycan Respublikasının vətəndaşlarına layiqli həyat səviyyəsinin təmin edilməsi dövlətin ali məqsədidir.” “İcra Haqqında” Azərbaycan Respublikası Qanununun 3.1-ci maddəsinə əsasən “Məhkəmə və digər orqanların qərarlarının icrası ilə əlaqədar icra məmurunun tələbləri Azərbaycan Respublikasının ərazisində bütün orqanlar, hüquqi şəxslər, onların vəzifəli şəxsləri və fiziki şəxslər üçün məcburidir.” Azərbaycan Respublikasının İnzibati Xətalar Məcəlləsinin 2-ci maddəsinə əsasən “Azərbaycan Respublikasının inzibati xətalar qanunvericiliyinin vəzifələri insan və vətəndaş hüquqlarını və azadlıqlarını, onların sağlamlığını, əhalinin sanitariya-epidemioloji salamatlığını, ictimai mənəviyyatı, mülkiyyəti, şəxslərin iqtisadi maraqlarını, ictimai qaydanı və ictimai təhlükəsizliyi, ətraf mühiti, idarəçilik qaydalarını qorumaqdan, qanunçuluğu möhkəmləndirməkdən və inzibati xətaların qarşısını almaqdan ibarətdir.” Azərbaycan Respublikasının İnzibati Xətalar Məcəlləsinin 12.1-ci maddəsinə əsasən “Bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur.” Azərbaycan Respublikasının İnzibati Xətalar Məcəlləsinin 528.1-ci maddəsinə əsasən icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Qeyd olunan maddənin dispozisiyasından görünür ki, icra sənədindəki tələbin üzrsüz səbəbdən icra məmuru tərəfindən müəyyən olunmuş müddətdə icra edilməməsinə və ya icra məmurunun məhkəmə və ya başqa dövlət orqanlarının qərarlarının icrası ilə əlaqədar digər qanuni tələblərinin yerinə yetirilməməsinə görə inzibati məsuliyyət yaradır. Göründüyü kimi qanunvericilik icra sənədindəki tələbin məhz üzrsüz səbəbdən və icra məmuru tərəfindən müəyyən olunmuş müddətdə icra edilməməsi nəzərdə tutulmuşdur ki, bu halların mövcudluğu inzibati məsuliyyətə səbəb olur. Hazırki işin müəyyən edilmiş hallarından görünür ki, əvvəllər icra sənədi üzrə tələbkarın ərizəsi əsasında təyin edilmiş ərzində Şəxs borcun ödənilməsi tələb olunmamışdır. Lakin, icra sənədi üzrə tələbkarın şikayəti əsasında yenidən icra hərəkətlərinin həyata keçirilməsi davam etdirilməsinə baxmayaraq icra məmuru tərəfindən icra sənədi üzrə tələbin yerinə yetirilməsi üçün yeni müddət təyin edilməmişdir. Bu halda isə məhkəmə hesab edir ki, Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsinin tərkib əlamətləri mövcud deyil. Belə ki, borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədləri istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. İcra Haqqında Azərbaycan Respublikası qanunun 82.1-ci maddəsinə əsasən “Borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir (vergilər, faizlər və maliyyə sanksiyaları üzrə borcların alınması (vergilərin ödənilməməsi) ilə əlaqədar qanuni qüvvəyə minmiş məhkəmə qərarları ilə bağlı verilmiş icra sənədləri istisna olmaqla). İnzibati məsuliyyətə cəlb etmə haqqında qərar qəbul edildikdən sonra icra məmuru tərəfindən borcluya icra üçün yeni müddət təyin edilir. Azərbaycan Respublikasının İnzibati Xətalar Məcəlləsinin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Beləliklə, məhkəmə hesab edir ki, Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta tərkibi olmadığından iş üzrə icraata xitam verilməlidir. Şərh olunanlara əsasən və Azərbaycan Respublikası İXM-nin 43, 115, 128-130 və 528.1-ci maddələrini rəhbər tutaraq, məhkəmə qərara aldı Şəxs Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törətməsinə dair iş üzrə icraata inzibati xəta tərkibi olmadığından xitam verilsin. Qərardan, qərarın surəti rəsmi qaydada verildiyi vaxtdan 10 gün müddətində Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və protesti verilə bilər. Sədrlik edən İlham Cəfərzadə