Bakı Şəhəri Xəzər Rayon Məhkəməsi Qərar — İş №3(003)-1716/2023

Azərbaycan Respublikası adından QƏRAR Bakı şəhəri İş № 3(003)-1716/2023 07.07.2023 BAKI ŞƏHƏRİ XƏZƏR RAYON MƏHKƏMƏSİ Hakim Tağıyev Zaur Müzəffər oğlunun sədrliyi Məhkəmə iclasının katibi Eyvazlı Məhəmməd Asəf oğlunun katibliyi, Bakı şəhəri Xəzər rayon İcra şöbəsinin icra məmuru X1, tələbkar X2, barəsində inzibati xəta haqqında iş üzrə icraat aparılan şəxs Şəxs iştirakları ilə xx.xx.1980-ci il tarixdə Bakı şəhərində anadan olan, Azərbaycan Respublikası vətəndaşı, ünvan 1 ünvanında yaşayan Şəxs barəsində Azərbaycan Respublikası İnzibati Xətalar Məcəlləsinin (bundan sonra Azərbaycan Respublikası İXM-nin) 528.1-ci maddəsi ilə Xəzər rayon İcra şöbəsindən daxil olmuş inzibati xəta haqqında protokola baxaraq, müəyyənetdi: Bakı şəhəri Xəzər rayon İcra şöbəsinin icra məmuru X3 tərəfindən tərtib olunmuş 07 iyul 2023-cü il tarixli inzibati xəta haqqında protokoldan göründüyü kimi, Şəxs Bakı şəhəri Xəzər Rayon Məhkəməsinin 2(003)-305/2023 saylı xx.xx.2023-cü il tarixli icra vərəqəsini icra etməmişdir. İcra sənədinin icrasını təmin etmək məqsədi ilə borclu Şəxs göndərilmiş bildirişə, xəbərdarlıqlara baxmayaraq, o, heç bir üzrlü səbəb olmadan icra vərəqələrini icra etməkdən yayınaraq icra məmurunun qanuni tələbinə tabe olmamışdır. Məhkəmə iclasında inzibati xəta haqqında protokol tərtib etmiş şəxs - Bakı şəhəri Xəzər rayon İcra şöbəsinin icra məmuru X3 inzibati xəta haqqında protokolun məzmununa uyğun izahat verərək göstərdi ki, tələb borclunun əmək haqqına yönəldilmiş, əmək haqqı gec köçürüldüyündən tutulmalar gecikir, xx.xx.2023-cü ildə ilk dəfə əmək haqqından 364 manat köçürülüb, lakin tələbkar çoxsaylı şikayətlərinə əsasən protokol tərtib edilmişdir. Şəxs bu günə olan borcu 2016 manat təşkil etmişdir. Borclu barəsində müvafiq inzibati tənbeh tətbiq edilməsini xahiş etdi. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs göstərdi ki, o, “Bakı Cihazqayırma Zavodun”da işləyir və 517 manat təşkil edir. Maddi vəziyyəti ancaq aldığı əmək haqqına bağlıdır. Əmək haqqı gecikmələrlə verilir. Borcu ödəməyin onun vəzifəsi olduğunu bilir, lakin ondan asılı olmayan səbəblərdən əmək haqqı vaxtlı vaxtında verilmir ki, o alimenti ödəsin Hazırki iş üzrə tutmalar xx.xx.2023-cü il tarixdə onun əmək haqqısına yönəldilmişdir. 01 iyun 2023-cü il tarixdə borcundan 364 manat ödəmişdir. O, bundan sonra da borcun hissə-hissə ödəyəcəkdir. Bütün bunların nəzərə alınmasını və barəsində inzibati işin icraatına xitam verilməsini xahiş etdi. Məhkəmə iclasında tələbkar X4 bildirmişdir ki, Şəxs tərəfindən borcdan 01 iyun 2023-cü il tarixdə 364 manat ödənilmişdir. Bundan başqa, tutmaların onun əmək haqqısına yönəldiyini də bilir. Lakin borclunun əmək haqqısında gecikmələr olur. O, kirayədə yaşayır, maddi çətinlikləri var. Bu səbəbdən də borcun tam şəkildə ödənilməsini tələb edir. Məhkəmə proses iştirakçılarını dinləyib, iş materiallarını araşdırıb hesab edir ki, barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsində göstərilən əlamətlər olmadığından, onun barəsində başlanmış inzibati xəta haqqında iş üzrə icraata xitam verilməlidir. Həmin Məcəllənin 528.1-ci maddəsinə əsasən, məhkəmə və digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati məsuliyyət yaradır. İş materiallarından müəyyən oldu ki, Bakı şəhəri Xəzər Rayon Məhkəməsinin 2(003)-305/2023 saylı xx.xx.2023-cü il tarixli icra vərəqəsi üzrə Şəxs bu günə olan borcu 2016 manat təşkil edir. O, xx.xx.2023-cü ildə borcundan 364 manat ödəmişdir. Bundan başqa, Bakı şəhəri Xəzər Rayon Məhkəməsinin 2(003)-305/2023 saylı xx.xx.2023-cü il tarixli icra vərəqəsi üzrə tutmaların aparılması onun əmək haqqısına yönəldilmişdir. Məhkəmə hesab edir ki, Şəxs icra sənədlərinin icrasından qərəzli şəkildə boyun qaçırmamış və onun hərəkətlərində Azərbaycan Respublikasının İnzibati Xətalar Məcəlləsinin 528.1-ci maddəsində göstərilən inzibati xəta tərkibi yoxdur. Azərbaycan Respublikasının İnzibati Xətalar Məcəlləsinin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 53.0.2-ci maddəsinə görə inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Məhkəmə hesab edir ki, barəsində inzibati xəta haqqında iş üzrə icraat aparılan şəxs Şəxs əməlində Azərbaycan Respublikasının İnzibati Xətalar Məcəlləsinin 528.1-ci maddəsində göstərilən inzibati xəta tərkibi olmadığına görə inzibati xəta haqqında iş üzrə icraata xitam verilməlidir. Şərh olunanlara əsasən və Azərbaycan Respublikasının İXM-nin 30, 40, 43, 114- 117, 128-130-cu maddələrini rəhbər tutaraq, məhkəmə qəraraaldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xəta törətməsinə dair işin icraatına xitam verilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Xəzər rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Qərardan apellyasiya şikayəti və ya apellyasiya protesti verilmədikdə, qərar həmin müddət başa çatdığı vaxtdan sonrakı gün qüvvəyə minir Sədrlik edən Zaur Tağıyev