Azərbaycan Respublikası adından QƏRAR Bakı şəhəri İş № 3(003)-1803/2024 26.08.2024 BAKI ŞƏHƏRİ XƏZƏR RAYON MƏHKƏMƏSİ Hakim Xəzri Ramilə Həşim qızının sədrliyi Mehdizadə Nigar Namizəd qızının katibliyi, Azərbaycan Respublikası Daxili İşlər Nazirliyi Xəzər Rayon Polis İdarəsinin 2-ci Polis Şöbəsinin rəisi polis leytenantı Natiq Teymurovun, zərərçəkmiş şəxs X1, barəsində inzibati xəta haqqında iş üzrə icraat aparılan Şəxs iştirakları ilə, xx xxxxxx 1958-ci il tarixdə İsmayıllı rayonunda doğulmuş, Azərbaycan Respublikası vətəndaşı, orta təhsilli, subay, Bakı şəhəri Albalılıq day. Keçid 1349, 4-cü yataqxana ünvanında qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 157-ci maddəsi ilə tərtib olunan inzibati xəta haqqında protokol üzrə inzibati xəta haqqında işə açıq məhkəmə iclasında baxaraq, MÜƏYYƏN ETDİ: Məhkəmənin icraatına 26 avqust 2024-cü il tarixdə Azərbaycan Respublikası Daxili İşlər Nazirliyi Xəzər Rayon Polis İdarəsinin 2-ci Polis Şöbəsinin rəisi polis leytenantı Natiq Teymurov tərəfindən Şəxs barəsində tərtib olunmuş inzibati xəta haqqında protokol və ona əlavə edilmiş sənədlər daxil olmuşdur. Həmin protokolda göstərilir ki, Şəxs 28 iyul 2024-cü il tarixdə ünvan 3 ünvanında keçmiş həyat yoldaşı X2 döyşmüşdür. Bununla da, onun barəsində Azərbaycan Respublikasının İXM-nin 157-ci maddəsi ilə inzibati xətanın törətməsini nəzərdə tutan MN ******* nömrəli 26 avqust 2024-cü il tarixli həmin inzibati xəta haqqında protokol tərtib olunmuşdur. İnzibati xəta haqqında protokol tərtib etmiş şəxs Azərbaycan Respublikası Daxili İşlər Nazirliyi Xəzər Rayon Polis İdarəsinin 2-ci Polis Şöbəsinin rəisi polis leytenantı Natiq Teymurov məhkəmə iclasında protokolda qeyd olunanlara uyğun çıxış edib bildirmişdir ki, X1 şikayət ərizəsi əsasında Xəzər RPİ-nin 2-ci Polis Şöbəsində araşdırma aparılmış və 06 avqust 2024-cü il tarixdə cinayət işinin başlanmasının rədd edilməsi barədə qərar qəbul edilmişdir. Şəxs 28 iyul 2024-cü il tarixdə ünvan 3 ünvanında keçmiş həyat yoldaşı X2 döyməsinə ilə bağlı barəsində inzibati xəta haqqında protokol tərtib olunması üçün qərarın surəti Xəzər RPİ 2-ci PŞ-nə göndərilmişdir. Həmin qərar əsasında 26 avqust 2024-cü iltarixdə Şəxs barəsində həmin inzibati xəta haqqında protokol tərtib edilmiş və baxılması üçün məhkəməyə göndərilmişdir. Şəxs barəsində inzibati tənbeh tətbiq edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs Şəxs özünü təqsirli bilməyərək izahatında göstərmişdir ki, keçmiş həyat yoldaşı X3 ilə eyni evdə yaşadığını, onunla mütəmadi olaraq ailə-məişət zəmnində mübabisələri olduğunu, onu evdən qovmaq istəməsini bildirmişdir. 28 iyul 2024-cü il tarixdədə yenə eyni qaydada mübahisələri düşdüyünü, keçmiş həyat yoldaşı onu təhqir etdiyi üçün oda onu təhqir etmişdir. X2 döymədiyini ona qarşı hır hansı bir zor tətbiq etmədiyini qeyd edərək barəsində olan inzibati xəta haqqında iş üzrə icraata xitam verilməsini xahiş etmişdir. Məhkəmə iclasında zərərçəkmiş şəxs qismində dindirilmiş X4 izahatında qeyd etmişdir ki, xx.xx.2024-cü il tarixdə saat 22:00 radələrində yaşadığı evdə keçmiş həyat yoldaşı onu təhqir edərək söyüş söymüş və onu itələyərək boğazını əli ilə sıxmışdır. Bu səbəbdən DİN 102 Xidmətinə zəng edərək məlumat vermişdir. Son olaraq Şəxs qarşı şikayətçi olduğunu qeyd edərək, barəsində ciddi tənbeh tədbirinin tətbiq edilməsini xahiş etmişdir Məhkəmə baxışında tədqiq edilmiş 1224 saylı rədd materialından və məhkəməyə təqdim olunmuş digər sənədlərdən görünür: - “Cinayət işinin başlanmasının rədd edilməsi haqqında” 06 avqust 2024-cü il tarixli qərardan görünür ki, X1 və Şəxs əməlləriində cinayət tərkibi olmadığından toplanmış material üzrə cinayət işinin başlanılması rədd edilmiş və qərarın surəti Şəxs barəsində Azərbaycan Respublikası İXM-nin 157-ci maddəsi ilə tədbir görülməsi üçün Nərimanov RPİ-nin 16-cı PB-nə göndərilməsi qərara alınmışdır. Məhkəmə iclasında tədqiq edilmiş sübutlarla barəsində inzibati xəta haqqında iş üzrə icraat aparılan Şəxs Azərbaycan Respublikası İXM-nin 157-ci maddəsində nəzərdə tutulan inzibati xətanı törətməsi sübuta yetdiyindən, məhkəmə hesab edir ki, Şəxs həmin maddə ilə təqsirli bilinərək, inzibati məsuliyyətə cəlb edilməlidir. Azərbaycan Respublikası İnzibati Xətalar Məcəlləsinin 157-ci maddəsinə əsasən döymə və sair zorakı hərəkətlərlə qəsdən fiziki ağrı yetirməyə görə - üç yüz manatdan beş yüz manatadək məbləğdə cərimə edilir və ya işin hallarına görə, xətanı törədənin şəxsiyyəti nəzərə alınmaqla, iki ayadək müddətə inzibati həbs tətbiq olunur. Barəsində inzibati xəta haqqında iş üzrə icraat aparılan şəxs Şəxs əməlində inzibati xətaya görə məsuliyyəti yüngülləşdirən ağırlaşdıran hallar müəyyən olunmadı. Azərbaycan Respublikası İXM-in aşağıda qeyd olunan maddələrinə görə: 3.Yalnız həmin Məcəllə ilə nəzərdə tutulmuş inzibati xətaların törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizlik) törətmiş şəxs inzibati məsuliyyətə cəlb olunur və tənbeh edilir.
4. Bu Məcəllə insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır. 6.1. İnzibati xətalara görə inzibati tənbeh həmin Məcəlləyə uyğun olaraq tətbiq edilir. 9.1. İnzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına uyğun, qanuni və əsaslı olmalıdır. 12.1.Həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur.
21. İnzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Beləliklə, məhkəmə törədilmiş inzibati xətanın xarakterini, inzibati xətanı törətmiş şəxsin şəxsiyyətini, səmimi peşimançılığını məsuliyyəti yüngülləşdirən hallar kimi qiymətləndirib və ağırlaşdıran halların müəyyən edilməməsini nəzərə alıb hesab edir ki, Şəxs Azərbaycan Respublikası İnzibati Xətalar Məcəlləsinin 157-ci maddəsində nəzərdə tutulmuş inzibati xətanı törətməkdə təqsirli bilinərək barəsində həmin maddənin sanksiyasında nəzərdə tutulmuş inzibati cərimə növündə inzibati tənbeh tətbiq edilməlidir. Şərh olunanlara əsasən və Azərbaycan Respublikası İXM-nin 40.0.1, 43, 48-51, 55,114, 115,128-130 maddələrini rəhbər tutaraq, məhkəmə
QƏRARA ALDİ: Şəxs Azərbaycan Respublikası İnzibati Xətalar Məcəlləsinin 157-ci maddəsi ilə nəzərdə tutulan inzibati xətanı törətməkdə təqsirli bilinsin və barəsində 300 (üç yüz) manat inzibati cərimə tənbeh növü tətbiq edilsin. Qərarın surəti təqdim edildiyi və ya alındığı gündən 10 gün müddətində Xəzər Rayon Məhkəməsi vasitəsilə və ya bilavasitə Bakı Apelyasiya Məhkəməsinə apelyasiya şikayəti verilə bilər.
Hakim Ramilə Xəzri