Bakı Şəhəri Xəzər Rayon Məhkəməsi Qərar — İş №3(003)-1860/2025

Azərbaycan Respublikası adından QƏRAR Bakı şəhəri İş № 3(003)-1860/2025 23.07.2025 BAKI ŞƏHƏRİ XƏZƏR RAYON MƏHKƏMƏSİ Hakim Xəzri Ramilə Həşim qızının sədrliyi, Mehdiyeva Nigar Namizəd qızının katibliyi, şikayət vermiş şəxs X1 iştirakı ilə, X1 Azərbaycan Respublikası DİN Baş X4 İdarəsinin inzibati xəta haqqında iş üzrə EQ 28620785 nömrəli xx.xx.2025-ci il tarixli protokol əsasında qəbul edilmiş qərardan verdiyi şikayətə açıq məhkəmə iclasında baxaraq, MÜƏYYƏN ETDİ: X2 Azərbaycan Respublikası DİN Baş X4 İdarəsinin inzibati xəta haqqında iş üzrə EQ 28620785 nömrəli xx.xx.2025-ci il tarixli protokol əsasında qəbul edilmiş qərardan şikayətlə Bakı şəhəri Xəzər Rayon Məhkəməsinə müraciət etmişdir. Şikayət onunla əsaslandırılmışdır ki, MAN TGX YÜK markalı avtomobili ilə M-l 65.1 km Xızı rayonu Giləzi kəndi, Bakı istiqamətində xx.xx.2025-ci il tarixdə saat 16:30 radələrində törətmədiyi inzibati xətaya dair barəsində Azərbaycan Respublikası İnzibati Xətalar Məcəlləsinin 353.5-ci maddəsində nəzərdə tutulmuş EQ 28620785 saylı protokol tərtib olunmuş və 1200 AZN cərimə edilmişdir. Belə ki **-SN-*** dövlət qeydiyyat nişanlı MAN TGX YÜK markalı avtomobildə olan yüklə bağlı, iş materiallarına əlavə olunmuş tərəzi qəbzindəndə görünür ki, avtomobilin ümumi çəkisi yüklə birlikdə 39920 kq-dır (digər sənədlər iş materiallarına əlavə olunur). Bu səbəbdən də qərar əsassız olduğundan ləğv olunmalıdır. Barəsində DİN BDYP tərəfindən qəbul edilən inzibati tənbeh vermə barədə xx.xx.2025-cü il tarixli EQ28620785 saylı qərarın ləğv edilməsi və inzibati xəta haqqında işin icraatına xitam verilməsinə dair qərar qəbul edilməsini xahiş etmişdir. Məhkəmə iclasında şikayət vermiş şəxs X2 şikayəti müdafiə edərək təmin edilməsini xahiş etdi. Məhkəmədə inzibati işə baxılması zamanı görülmüş müvafiq tədbirlərə baxmayaraq, inzibati xəta haqqında qərar qəbul etmiş Azərbaycan Respublikası DİN Baş X4 İdarəsinin nümayəndəsi məhkəmə iclaslarında iştirak etməmişdir. Baxmayaraq ki, qanunvericiliyin tələbinə görə sübut etmək vəzifəsi onun üzərinə düşür. Məhkəmə Azərbaycan Respublikası İXM-in 133.2.4-cü maddəsinə əsasən işə qeyd edilən şəxsin nümayəndəsinin iştirakı olmadan baxılmasını mümkün hesab etmişdir. Məhkəmə işdə iştirak edən şəxsin izahatını dinləyib, şikayətin dəlillərini nəzərdən keçirərək və iş materiallarını araşdıraraq, hesab edir ki, şikayət qismən təmin edilməli, Azərbaycan Respublikası DİN Baş X4 İdarəsinin X1 Azərbaycan Respublikası İXM-nin 353.5-ci maddəsi ilə təqsirli bilinərək cərimə olunmasına dair inzibati xəta haqqında EQ 28620785 nömrəli xx.xx.2025-ci il tarixli qərarı ləğv edilməli, həmin qərar yenidən baxılması üçün Azərbaycan Respublikası Daxili İşlər Nazirliyinin Baş X4 İdarəsinə göndərilməlidir. Belə ki, iş materiallarında olan və məhkəmə iclasında tədqiq edilmiş: -26 may 2025-ci il tarixli EQ 28179783 nömrəli qərara əsasən X2 Azərbaycan Respublikası İnzibati Xətalar Məcəlləsinin 353.2-ci maddəsi ilə təqsirli bilinərək 600 manat məbləğində cərimə edilmişdir. - Azərbaycan Respublikası DİN Baş X4 İdarəsi tərəfindən tərtib edilmiş inzibati xəta haqqında EQ 28620785 nömrəli xx.xx.2025-ci il tarixli inzibati xəta haqqında protokoldan görünür ki, X2 MAN TGX YÜK markalı **-SN-*** dövlət qeydiyyat nişanlı MAN TGX YÜK markalı avtomobili ilə M-l 65.1 km Xızı rayonu Giləzi kəndi, Bakı istiqamətində xx.xx.2025-ci il tarixdə saat 16:30 radələrində bu Məcəllənin 353.2-ci maddəsində nəzərdə tutulan xətanın il ərzində inzibati xəta törətmiş şəxsin təkrar törədilməsi nəticəsində Azərbaycan Respublikası İnzibati Xətalar Məcəlləsinin 353.5-ci maddəsi ilə qərar qəbul edilmiş və X2 Azərbaycan Respublikası İXM-nin 353.5-ci maddəsində nəzərdə tutulan inzibati xəta törətdiyi üçün 1200 manat məbləğində cərimə edilmişdir. Məhkəmə, işin faktiki hallarına hüquqi qiymət verərək hesab edir ki X2 tərəfindən yol hərəkəti qaydasının pozulması ilə bağlı inzibati icraat qanun pozuntularına yol verilməsi ilə aparılmışdır. İnzibati məsuliyyətə cəlb olunmuş şəxs öz təqsirsizliyini sübut etməyə borclu olmadığından, onun təqsirli olması barəsində olan şübhələr onun xeyrinə həll olunduğundan, inzibati orqan xətanı təsdiq edən sübutları məhkəməyə təqdim etmədiyindən, EQ 28620785 nömrəli xx.xx.2025 saylı qərarda inzibati xətanının törədilməsini təsdiq edən heç bir sübut göstərilmədiyindən şikayət əsaslıdır. Belə olan halda məhkəmə hesab edir ki, X2 barəsində qəbul edilmiş EQ 28620785 nömrəli xx.xx.2025 saylı inzibati tənbeh vermə haqqında protokol əsasında qəbul edilmiş qərar bütün sübutlara istinad edilmədən və qiymət verilmədən qəbul edilmiş, həmçinin X1 həmin qərarla İnzibati Xətalar Məcəlləsinin 353.5-ci maddəsində nəzərdə tutulan inzibati xətanı törətməsi tam araşdırılmamış və qərar qəbul edilərkən səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki hallar araşdırılmamış və inzibati xəta haqqında qanunvericiliyin tələbləri inzibati xəta haqqında işin hallarının hərtərəfli, tam və obyektiv araşdırılmasına maneə törədəcək dərəcədə pozulmuşdur Belə ki, Azərbaycan Respublikası İnzibati Xətalar Məcəlləsinin 120-ci maddəsinə əsasən yol hərəkəti qaydaları, yol hərəkəti təhlükəsizliyinin təmin edilməsi və avtomobil yollarından istifadə qaydaları əleyhinə olan inzibati xətalar haqqında işlərə baxılma bu Məcəllə ilə müəyyən edilmiş qaydada baxılır. Maddə 122. İnzibati xəta hadisəsi foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə icraatın aparılması qaydası Həmin Məcəllənin 122.1-ci , Bu Məcəllənin 327.1 - 327.5, 327-1.1, 328, 329.1, 329.2, 330, 339.1-1, 346, 346-1, 353.1, 353.2, 353.4, 353.5 və 469.3-cü maddələrində nəzərdə tutulmuş xətalar foto və ya video qeydiyyat funksiyalarına malik xüsusi texniki vasitələrin köməyi ilə aşkar edildikdə, xüsusi texniki vasitələrin məlumatları müvafiq icra hakimiyyəti orqanının müəyyən etdiyi orqanın (qurumun) müvafiq informasiya sisteminin proqram təminatı əsasında real vaxt rejimində elektron formada birbaşa həmin mərkəzi informasiya sisteminə ötürülür, inzibati xətanı törətmiş şəxsin iştirakı olmadan real vaxt rejimində, “Elektron imza və elektron sənəd haqqında” Azərbaycan Respublikasının Qanunu ilə müəyyən edilmiş qaydada elektron sənəd şəklində inzibati tənbeh vermə haqqında elektron qərar çıxarılır və həmin mərkəzi informasiya sisteminin müvafiq səlahiyyətli əməkdaşının elektron imzası ilə təsdiqlənir. Təsdiq edilmiş həmin qərar real vaxt rejimində, xüsusi texniki vasitələrin məlumatları əlavə edilməklə, elektron qaydada müvafiq icra hakimiyyəti orqanının informasiya sisteminə göndərilir. Həmin Məcəllənin 124.2-ci maddəsinə əsasən inzibati xətalar haqqında işlərə baxmaq hüququ səlahiyyətli orqana (vəzifəli şəxsə) aid edilmiş yol hərəkəti qaydaları əleyhinə olan inzibati xətalar səlahiyyətli vəzifəli şəxs tərəfindən bilavasitə aşkar edildikdə və barəsində inzibati xəta haqqında iş üzrə icraat aparılan şəxs inzibati xəta hadisəsinin mövcudluğu ilə razılaşdıqda, inzibati tənbeh tətbiq etmə haqqında qərar çıxarılır. Həmin Məcəllənin maddə 353. İriqabaritli və ya ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərinə dair tələblərin pozulması- İnzibati xətalar məcəlləsinin 353.1 -ci maddəsinə əsasən İriqabaritli və ya ağırçəkili nəqliyyat vasitələrinin icazə verilən qabarit parametrlərinə dair tələbləri pozmaqla (eni üzrə 0,15 metr və daha artıq, uzunluğu üzrə 0,20 metr və daha artıq, hündürlüyü üzrə 0,20 metr və daha artıq) ümumi istifadədə olan avtomobil yollarında idarə edilməsinə görə fiziki şəxslər iki yüz manat məbləğində cərimə edilir. Həmin məcəllənin 353.2-ci maddəsinəəsasən İriqabaritli və ya ağırçəkili nəqliyyat vasitələrinin icazə verilən çəki və yüklə birlikdə oxa düşən kütlə parametrlərini aşmaqla (icazə verilən ümumi kütlə və ya oxa düşən yükün kütləsi üzrə 5 faiz və daha artıq) ümumi istifadədə olan avtomobil yollarında idarə edilməsinə görə fiziki şəxslər altı yüz manat məbləğində cərimə edilir. Həmin məcəllənin 353.3-cü maddəsinə əsasən iriqabaritli və ya ağırçəkili nəqliyyat vasitələrinin icazə verilən qabarit, çəki və yüklə birlikdə oxa düşən kütlə parametrlərini aşmaqla (eni üzrə 0,15 metr və daha artıq, uzunluğu üzrə 0,20 metr və daha artıq, hündürlüyü üzrə 0,20 metr və daha artıq, icazə verilən ümumi kütlə və ya oxa düşən yükün kütləsi üzrə 5 faiz və daha artıq) yüklənməsinə görə - 353.2-ci maddəsinə əsasən Bu Məcəllənin 353.1 -ci maddəsində nəzərdə tutulmuş xətanın il ərzində inzibati tənbeh almış şəxs tərəfindən təkrar törədilməsinə görə -fiziki şəxslər dörd yüz manat məbləğində cərimə edilir. İnzibati Xətalar Məcəlləsinin 353.5-ci maddəsinə əsasən bu məcəllənin 353.2-ci maddəsinə nəzərdə tutulmuş xətanın il ərzində inzibati tənbeh almış şəxs tərəfindən təkrar törədilməsinə görə -fiziki şəxslər min iki yüz manat məbləğində cərimə edilir Bu məcəllənin 353.6-cı maddəsinə əsasən bu Məcəllənin 353.3-cü maddəsində nəzərdə tutulmuş xətanın il ərzində inzibati tənbeh almış şəxs tərəfindən təkrar törədilməsinə görə -vəzifəli şəxslər iki min beş yüz manat məbləğində, hüquqi şəxslər yeddi min manat məbləğində cərimə edilir. İXM-in 101 -ci maddəsinə əsasən İnzibati xətanın törədilməsi faktı aşkar edildikdən dərhal sonra inzibati xəta haqqında protokol tərtib edilir. İşin hallarının, eləcə də barəsində inzibati xəta haqqında iş üzrə icraat aparılan fiziki şəxsin şəxsiyyətinin və ya hüquqi şəxs barəsində məlumatların əlavə aydınlaşdırılması tələb olunduğu hallarda, inzibati xəta haqqında protokol inzibati xətanın aşkar edildiyi vaxtdan iki gün müddətində tərtib edilir. İnzibati araşdırma aparıldığı hallarda, inzibati xəta haqqında protokol bu Məcəllənin 102.5-ci maddəsində göstərilən müddətdə tərtib edilir. Azərbaycan Respublikası İnzibati Xətalar Məcəlləsinin 48-ci maddəsinə əsasən, inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir; Azərbaycan Respublikası İXM-in 134.1, 134.1.4-cü maddələrinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir: Həmin Məcəllənin 135.1, 135.1.6-ci maddəsinə əsasən hakimin, səlahiyyətli orqanın (vəzifəli şəxsin) bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi üçün müəyyən edilən əsaslar sırasına daxildir. Belə ki, Səlahiyyətli orqan tərəfindən təqdim edilmiş RN 035336 nömrəli ÖVY 160854 saylı şəhadətnamə və Azərbaycan Respublikasının İqtisadiyyat Nazirliyinin yannda Antiinhisar və İstehlak bazarına nəzarət Dövlət Xidmətinin standart nümunənin və ya ölçmə vasitəsinin tipinin təsdiq barədə sertifikatdan görünür ki, həmin yükü ölçən texniki qurğulara (tərəzilər) ümumi olaraq sertifikat verilmişdir. Halbu ki, sertifikatda tək nümunəyə şamil edilir qeyd edilmişdir. Bu isə məhz Xızı rayonu Giləzi kəndi, Bakı istiqamətində xx.xx.2025-ci il tarixdə saat 16:30 radələrində törədilmiş inzibati xətanı müəyyən etmiş qurğunun hansı sertifikat əsasında quraşdırıldığı və işlək vəziyyətdə olmasını sübut etmir. Başqa sözlə desək Xızı rayonu Giləzi kəndi istiqamətində quraşdırılmış cihazın hansı nömrə adı altında olması və ona dair hansı sertifikat və şəhadətnamənin mövcud olması müəyyən edilməmişdir. Beləliklə, məhkəmə hesab edir ki, inzibati xəta haqqında icraat aparılarkən səlahiyyətli orqan (vəzifəli şəxsin) İXM ilə müəyyən edilmiş tələbləri işin hallarının hərtərəfli, tam və obyektiv araşdırılmasına maneə törədəcək dərəcədə pozaraq, X1 barəsində inzibati xəta haqqında qərar qəbul edərək, sonuncunun hüquqlarını pozmuşdur. Ona görə də, Azərbaycan Respublikası DİN Baş X4 İdarəsi tərəfindən qəbul edilmiş X1 Azərbaycan Respublikası İXM-nin 353.5-ci maddəsi ilə cərimə olunmasına dair inzibati xəta haqqında EQ 28620785 nömrəli xx.xx.2025-ci il tarixli qərar ləğv edilməli, X2 barəsində Azərbaycan Respublikası İXM-nin 353.5-ci maddəsi ilə inzibati xəta haqqında işə yenidən baxılması Azərbaycan Respublikası DİN Baş X4 İdarəsinə tapşırılmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 133, 134, 135-ci maddələrini rəhbər tutaraq, məhkəmə QƏRARA ALDİ: Şikayət qismən təmin edilsin. Azərbaycan Respublikası DİN Baş X4 İdarəsi tərəfindən qəbul edilmiş X1 Azərbaycan Respublikası İXM-nin 353.5-ci maddəsi ilə cərimə olunmasına dair inzibati xəta haqqında EQ 28620785 nömrəli xx.xx.2025-ci il tarixli protokol əsasında qəbul edilmiş 16 iyun 2025-ci il tarixli qərar ləğv edilsin. X2 barəsində Azərbaycan Respublikası İXM-nin 353.5-ci maddəsi ilə inzibati xəta haqqında işə yenidən baxılması Azərbaycan Respublikası DİN Baş X4 İdarəsinə tapşırılsın. Qərarın surəti təqdim edildiyi və ya alındığı gündən 10 gün müddətində Bakı Apellyasiya Məhkəməsinə Bakı şəhəri Xəzər Rayon Məhkəməsi vasitəsilə şikayət verilə bilər. Hakim Ramilə Xəzri