Bakı Şəhəri Xəzər Rayon Məhkəməsi Qərar — İş №3(003)-1866/2023

Azərbaycan Respublikası adından QƏRAR Bakı şəhəri İş № 3(003)-1866/2023 22.08.2023 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi Məhkəmə iclasının katibi Hüseynova Mətanət Təbriz qızının katibliyi, Bakı şəhəri Xəzər RPİ 3-cü PŞ-nin sahə inspektoru Fərid Hüseynlinin və barəsində inzibati xəta haqqında iş üzrə icraat aparılan şəxs Şəxs iştirakları ilə Şəxs xx.xx.1975-ci il tarixdə Bakı şəhərində doğulmuş, Azərbaycan Respublikasının vətəndaşı, evli, himayəsində yetkinlik yaşına çatmayan iki uşağı olan, orta təhsilli, Binə qəsəbəsi Rəhman Əşrəfov küçəsində yerləşən Məşədi Kazım icmasının rəhbəri, Bakı şəhəri Xəzər rayonu Binə qəsəbəsi Rəhmanov küçəsi ev 20-də yaşayan barəsində Bakı şəhəri Xəzər rayon Polis İdarəsinin 3-cü Polis Şöbəsindən Azərbaycan Respublikasının İnzibati Xətalar Məcəlləsinin (bundan sonra İXM-nin) 515.0.2-ci maddəsi ilə daxil olmuş inzibati xəta haqqında materiala məhkəmənin inzibati binasında açıq məhkəmə iclasında baxaraq, müəyyənetdi: 25 iyul 2023-cü il tarixdə Bakı şəhəri Xəzər RPİ 3-cü PŞ-nin sahə inspektoru Fərid Hüseynli tərəfindən Şəxs barəsində Azərbaycan Respublikası İXM-nin 515.0.2-ci maddəsində nəzərdə tutulan inzibati xətanı törətməsinə dair inzibati xəta haqqında MN № ******* saylı protokol tərtib olunmuşdur. Protokola əsasən Şəxs xx.xx.2023-cü il tarixdə Binə qəsəbəsi Rəhman Əşrəfov küçəsində yerləşən Məşədi Kazım məscidində dini mərasimlərin təşkili və keçirilməsi qaydalarının pozulması, həmçinin uşaqlar və gənclər üçün xüsusi yığıcaqların keçirilməsi dini ayinlərin icrası ilə əlaqədar olmayan qanun pozuntularına yol vermişdir. Məhkəmə iclasında protokol tərtib etmiş şəxs Bakı şəhəri Xəzər RPİ 3-cü PŞ-nin sahə inspektoru Fərid Hüseynli protokolun məzmununa uyğun izahat verdi və barəsində inzibati xəta haqqında iş üzrə icraat aparılan şəxs barəsində müfafiq inzibati tənbeh tədbirinin tətbiq edilməsini xahiş etdi. Məhkəmə iclasında barəsində inzibati xəta haqqında iş üzrə icraat aparılan şəxs, Binə qəsəbəsi Rəhman Əşrəfov küçəsində yerləşən Məşədi Kazım icmasının rəhbəri Şəxs Azərbaycan Respublikasının İXM-nin 515.0.2-ci maddəsində nəzərdə tutulmuş inzibati xətanı törətməkdə özünü təqsirli bilərək göstərdi ki, onun azyaşlı uşaqların, həmçinin həddi-büluğa çatmış gənclərin moizə oxumaları və sinə vurmaları ilə bağlı heç bir məlumatı yoxdur, xx.xx.2023-cü il tarixdə o, nəzarət işlərinə baxmışdır, orada olmamışdır. Halbuki, tövsiyə xarakterli olaraq valideynlərə xəbərdarlıq etmişdir ki, azyaşlı uşaqları məscidə imkan daxilində gətirməsinlər. Məsuliyyətini dərk edir, həmçinin bildirir ki, dini ayinlərin və dini mərasimlərin təşkilində və keçirilməsində yol verdiyi nöqsanlara görə adı sonradan ona məlum olan İbrahim adlı şəxsin digər məsciddə mərsiyə deməsinə baxmayaraq, hadisə günü Məşədi Kazım məscidində mərsiyə deməsi və dini mərasimə aid olmayan yol verdiyi qanun pozuntularından hadisədən sonra xəbər tutmuşdur. Belə bir hadisənin baş verməsindən peşman olmuşdur. Bir də belə hərəkətlərə yol verməyəcəyinə söz verir. Bunların üzrlü hal kimi nəzərə alınaraq ona tənbeh verilməməsinii xahiş etdi. Müvafiq inzibati xətanın baş verməsi faktı inzibati xəta haqqında izahatlarla yanaşı, iş üzrə toplanmış digər sənədlərlə də sübuta yetirilir. Məhkəmə inzibati xəta haqqında protokolu tərtib etmiş şəxsin, barəsində inzibati xəta haqqında iş üzrə icraat aparılan şəxsin izahatlarını dinləyərək və iş materiallarını araşdıraraq belə qənaətə gəlir ki, Şəxs həmin hərəkətləri ilə Azərbaycan Respublikasının İXM-nin 515.0.2-ci maddəsində nəzərdə tutulmuş inzibati xətanı törətmişdir. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 515.0.2-ci maddəsinə əsasəndini yığıncaqlar, yürüşlər və digər məasimlərin təşkili və keçirilməsinin qanunla müəyyən edilmiş qaydalarınınpozulmasına görə fiziki şəxslər min beş yüz manatdan iki min manatadək məbləğdə, vəzifəli şəxslər yeddi min manatdan səkkiz min manatadək məbləğdə cərimə edilir. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Məhkəmə Şəxs əməlini etiraf etməsini və peşman olmasını iş üzrə məsuliyyəti yüngülləşdirən hallar kimi qiymətləndirir. İş üzrə məsuliyyəti ağırlaşdıran hallar müəyyən edilməmişdir. İş materiallarını araşdıraraq, törədilmiş inzibati xətanın xarakterini və inzibati xəta törətmiş şəxsin şəxsiyyətini, əməlindən peşmançılıq çəkməsini nəzərə alıb, onun Azərbaycan Respublikası İXM-nin 515.0.2-cü maddəsinin sanksiyasında nəzərdə tutulan inzibati cərimə növündə tənbeh edilməsini məqsədəmüvafiq hesab edirəm. Yuxarıda göstərilənlərə əsasən və Azərbaycan Respublikası İXM-nin 25, 40, 43, 114-cü maddələrini rəhbər tutaraq q ə r a r a a l d ı m: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İXM-nin 515.0.2-ci maddəsində nəzərdə tutulmuş İnzibati xətanı törətməkdə təqsirli bilinərək barəsində 1500 (min beş yüz) manat məbləğdə inzibati cərimə tənbehi tətbiq edilsin. Qərardan 10 gün müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Sədrlik edən: Əkrəm Qəhrəmanov