Bakı Şəhəri Xəzər Rayon Məhkəməsi Qərar — İş №3(003)-2249/2024

Azərbaycan Respublikası adından QƏRAR Bakı şəhəri İş № 3(003)-2249/2024 25.11.2024 BAKI ŞƏHƏRİ XƏZƏR RAYON MƏHKƏMƏSİ Hakim Rüstəmov Emin Şahin oğlunun sədrliyi Şükürlü Murad Şahin oğlunun katibliyi, Bakı şəhəri Xəzər rayon Polis İdarəsinin 3-cü Polis Şöbəsinin sahə inspektoru, polis mayoru Ramil Cəfərovun, Barəsində inzibati xəta haqqında iş üzrə icraat aparılan şəxs Şəxs iştirakları ilə xx xxxxx 1986-cı il tarixdə Quba rayonunda doğulmuş, Azərbaycan Respublikasının vətəndaşı, evli, orta təhsilli, Quba rayonu Xınalıq kəndində qeydiyyatda olan və Bakı şəhəri Xəzər rayonu Qala qəsəbəsi ünvanında yaşayan Şəxs barəsində Bakı şəhəri Xəzər rayon Polis İdarəsinin 3-cü Polis Şöbəsi (bundan sonra mətndə Xəzər RPİ 3-cü PŞ) tərəfindən Azərbaycan Respublikası İnzibati Xətalar Məcəlləsinin (bundan sonra mətndə Azərbaycan Respublikası İXM-nin) 510 və 535.1-ci maddələri ilə tərtib edilmiş inzibati xəta haqqında protokola məhkəmənin inzibati binasında açıq məhkəmə iclasında baxaraq, məhkəmə müəyyənetdi: Şəxs 24 noyabr 2024-cü il tarixdə Qala yolunda yerləşən “Araz” Marketin qarşısında ictimai yerdə polisin ünvanına söyüş söymüş və polisin qanuni tələblərinə qəsdən tabe olmamışdır. Bununla əlaqədar Şəxs barəsində Xəzər rayon Polis İdarəsinin 3-cü Polis Şöbəsinin sahə inspektoru, polis mayoru Ramil Cəfərov tərəfindən 24 noyabr 2024-cü il tarixdə Azərbaycan Respublikası İXM-nin 510 və 535.1-ci maddələri ilə MN seriyalı ******* saylı protokol tərtib olunaraq baxılması üçün Xəzər Rayon Məhkəməsinə təqdim edilmişdir. Məhkəmə iclasında Xəzər rayon Polis İdarəsinin 3-cü Polis Şöbəsinin sahə inspektoru, polis mayoru Ramil Cəfərov tərtib edilmiş protokolun məzmununa uyğun izahat verərək göstərdi ki, 24 noyabr 2024-cü il tarixdə polis əməkdaşları Qala yolunda yerləşən “Araz” marketin qarşısında bir nəfərin nalayiq ifadələr işlətdiyini görüb ona yaxınlaşmışlar. Ona bu barədə irad bildirilmişdir. Lakin o, öz hərəkətlərini davam etdirərək polis əməkdaşlarını təhqir etmiş və onlara qarşı tabesizlik göstərmişdir. Həmin vaxt o, içkili vəziyyətdə olmuşdur. Bu əməlləri ilə Şəxs Azərbaycan Respublikası İXM-nin 510-cu və 535.1-ci maddələri ilə nəzərdə tutulmuş inzibati xətaları törətmişdir. Barəsində inzibati xəta haqqında iş üzrə icraat aparılan şəxs - Şəxs məhkəmə iclasında törətdiyi inzibati xətanı etiraf edərək göstərdi ki, xx.xx.2024-cü il tarixdə Qala qəsəbəsində yerləşən adsız kafedə yeyib içdikdən sonra Qala yolunda yerləşən “Araz” marketdən siqaret alıb çıxdıqdan sonra yadında qalmayan səbəbdən söyüş söymüşdür. Marketin qarşısında polis əməkdaşı ona yaxınlaşaraq ictimai qaydaya əməl etməsini tələb etmişdir. Sərxoş olduğundan hadisələri tamamilə xatırlaya bilmir. Daha sonra polis əməkdaşları onu şöbəyə aparmışlar. Himayəsində üç övladı var. Əməlindən peşmandır. Məhkəmə iclasında şahid Xəzər RPİ-nin PPXB-nin əməkdaşı X3 bildirdi ki, 24 noyabr 2024-cü il tarixdə Qala yolunda yerləşən “Araz” marketin qarşısında bir nəfərin nalayiq ifadələr işlətdiyini görüb ona yaxınlaşmışdır. Həmin şəxsə söyüş söyməməsi barədə irad bildirmişdir. Lakin o, öz hərəkətlərini davam etdirərək onları təhqir etmiş və onlara qarşı tabesizlik göstərmişdir. Həmin vaxt həmin şəxs içkili vəziyyətdə olmuşdur. Ətrafda olan insanlar da həmin şəxsin söyüş söyməsindən narahat olmuşlar. Sonra əlavə dəstək üçün polis maşını çağırmış və hadisə yerinə gələn əməkdaşlarla həmin şəxsi polis şöbəsinə aparmışlar. Məhkəmə iclasında şahid Xəzər RPİ-nin PPXB-nin əməkdaşı X2 bildirdi ki, 24 noyabr 2024-cü il tarixdə onlar Binə qəsəbəsində xitmətdə olan zaman növbətçi hissədən Qala yolunda yerləşən “Araz” marketin qarşısında bir nəfərin nalayiq ifadələr işlətdiyini və bu səbəbdən ora getmələrini bildirmişlər. Hadisə yerinə çatdıqda Bəhruz adlı şəxsin sərxoş vəziyyətdə nalayiq ifadələr işlədərək pis söyüşlər söydüyünü və polis əməkdaşlarının qanuni tələblərinə tabe olmadığını görmüşdür. Həmin şəxsi polis maşını vasitəsilə polis şöbəsinə gətirmişlər. Müvafiq inzibati xətaların baş verməsi faktı inzibati xəta haqqında izahatlarla yanaşı, iş üzrə toplanmış digər sənədlərlə də sübuta yetirilir. İş materiallarında olan 24 noyabr 2024-cü il tarixli tutma haqqında protokoldan görünür ki, Şəxs 24 noyabr 2024-cü il tarixdə saat 23:35-də inzibati qaydada tutulmuşdur. Sərxoşluq hallarının təyini məqsədilə aparılan tibbi müayinəyə dair xx.xx.2024-cü il tarixli protokoldan məlum olur ki, Şəxs hadisə baş verən gün orta dərəcəli sərxoş olmuşdur. Beləliklə, məhkəmə inzibati xəta haqqında protokolu tərtib etmiş şəxsin və barəsində inzibati xəta haqqında iş üzrə icraat aparılan şəxsin izahatlarını dinləyərək və iş materiallarını araşdıraraq belə qənaətə gəlir ki, Şəxs həmin hərəkətləri ilə Azərbaycan Respublikasının İXM-nin 510 və 535.1-ci maddələrində nəzərdə tutulmuş inzibati xətanı törətmişdir. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 510-cu maddəsinə əsasən Xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Azərbaycan Respublikası İXM-nin 535.1-ci maddəsinə əsasən Polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Azərbaycan Respublikası İXM-nin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Şəxs eyni vaxtda öz hərəkətləri (hərəkətsizliyi) ilə bir neçə inzibati xəta törətdiyindən, həmin xətalara dair işlərə baxılması məhkəmənin səlahiyyətinə aid olduğundan, bu halda həmin şəxs daha ciddi xətaya görə müəyyən edilmiş sanksiya çərçivəsində tənbeh edildiyindən məhkəmə hesab edir ki, Şəxs daha ciddi xətaya görə - Azərbaycan Respublikası İXM-nin 535.1-ci maddəsi ilə təqsirli bilinərək həmin maddənin sanksiyası həddində tənbeh edilməlidir. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Şəxs əməlindən peşman olması iş üzrə tənbehi yüngülləşdirən hal kimi müəyyən edilməlidir. Tənbehi ağırlaşdıran hallar müəyyən edilməmişdir. İş materiallarını araşdıraraq, törədilmiş inzibati xətanın xarakterini, inzibati xəta törətmiş şəxsin şəxsiyyətini nəzərə alıb, Şəxs Azərbaycan Respublikası İXM-nin 510 və 535.1-ci maddələrində nəzərdə tutulmuş inzibati xətanı törətməkdə təqsirli bilinib 535.1-ci maddəsinin sanksiyasında nəzərdə tutulan inzibati həbs növündə tənbeh edilməsini məqsədəmüvafiq hesab edirəm. Azərbaycan Respublikası İXM-nin 30.3-cü maddəsinə əsasən inzibati qaydada tutma müddəti inzibati həbs müddətinə daxil edilir. Məhkəmə hesab edir ki, həbsetmənin əvvəli 24 noyabr 2024-cü il tarixdə saat 23:35-dən, yəni, Şəxs tutulduğu tarixdən hesablanmalıdır. Şərh olunanlara əsasən və Azərbaycan Respublikasının İXM-nin 30, 40, 43, 115- 117, 128-130-cu maddələrini rəhbər tutaraq, məhkəmə qəraraaldı: Şəxs Azərbaycan Respublikasının İXM-nin 510 və 535.1-ci maddələrində nəzərdə tutulmuş inzibati xətanı törətməkdə təqsirli bilinib onun barəsində Azərbaycan Respublikasının İXM-nin 535.1-ci maddəsi ilə 08 (səkkiz) gün müddətə inzibati həbs növündə inzibati tənbeh tətbiq edilsin. Həbsetmənin əvvəli 24 noyabr 2024-cü il tarixdən hesablansın. Qərarın icrası Azərbaycan Respublikası Daxili İşlər Nazirliyinə bilavasitə tabe olan X4 X1 həvalə edilsin. Qərardan 10 gün müddətində Bakı şəhəri Xəzər Rayon Məhkəməsi vasitəsilə Bakı Apellyasiya Məhkəməsinə apellyasiya şikayəti və protesti verilə bilər. Qərardan apellyasiya şikayəti və protesti verilmədikdə, qərar həmin müddət başa çatdığı vaxtdan sonrakı gün qüvvəyə minir. Hakim Emin Rüstəmov