Bakı Şəhəri Xəzər Rayon Məhkəməsi Qərar — İş №3(003)-2253/2023

Azərbaycan Respublikası adından QƏRAR Bakı şəhəri İş № 3(003)-2253/2023 25.08.2023 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi, Mirzəyeva Mahirə Bayaz qızının katibliyi, Xəzər rayon İcra şöbəsinin icra məmuru Yaqub Qafarovun, Barəsində inzibati xəta haqqında icraat aparılan şəxs Şəxs iştirakı ilə xx xxx 1966-cı ildə Şamaxı rayonu Ərəbşalbaş kəndində doğulmuş, Azərbaycan Respublikası vətəndaşı, deməsinə görə ailəli, işləməyən, əvvəllər inzibati məsuliyyətə cəlb olunmayan, ünvan 1 ünvanda yaşayan Şəxs haqqında Xəzər rayon İcra şöbəsindən daxil olmuş inzibati xəta haqqında materiala açıq məhkəmə iclasında baxaraq, məhkəmə M Ü Ə Y Y Ə N E T D İ: Xəzər rayon İcra şöbəsinin icra məmuru Yaqub Qafarov tərəfindən tərtib olunmuş 25 avqust 2023-cü il tarixli inzibati xəta haqqında protokola əsasən borclu Quliyev X5 Rayon Məhkəməsinin xx.xx.2017-ci il tarixli icra sənədinin icrasından qərəzli boyun qaçırmışdır. Bununla da Şəxs Azərbaycan Respublikası İXM-nin 528.1-ci maddəsində göstərilən inzibati xətanı törətmişdir. Məhkəmə iclasında Xəzər rayon İcra şöbəsinin icra məmuru Yaqub Qafarov göstərdi ki, Qobustan Rayon Məhkəməsinin xx.xx.2017-ci il tarixli icra sənədinə əsasən X2, X4, Şəxs, X3 və X1 müştərək qaydada ümumilikdə 18.647,91 ABŞ dolları borc və 30 manat dövlət rüsumu tutularaq "xxxx" QSC-nin xeyrinə ödənilməlidir. İcra sənədi üzrə icraata başlamaq haqqında xx.xx.2017-ci il tarixli qərar qəbul edilmiş, tələbin könüllü icrası barədə borcluya bildiriş göndərilmişdir. Bundan başqa borclunun əmlak vəziyyəti barədə sorğular verilmiş və Şəxs hər hansı bir əmlakının olmaması barədə cavablar alınmışdır. İcra sənədi üzrə bu günə kimi borclu tərəfindən heç bir ödəniş olmamışdır. Borclu icra məmurunun çağırışlarına gəlmədiyinə görə barəsində xx.xx.2023-cü il tarixli axtarış qərarı qəbul edilmişdir. Borclu bu gün saat 11:00-da polis əməkdaşları vasitəsilə icra şöbəsinə gəlmişdir. Bununla da Şəxs qeyd olunan icra sənədinin icrasından üzürsüz səbəbdən qəsdən boyun qaçırmışdır. Məhkəmə iclasında borclu Şəxs göstərdi ki, deyilənə görə əsas borclu Habil Bayramov tərəfindən 1700 ABŞ dolları məbləğində pul ödənilmişdir. Özü tərəfindən heç bir ödəniş olmamışdır. Belə ki, o, pul götürməmiş, zamin olmuşdur. Barəsində hər hansı qərar çıxarılmasını məhkəmənin mülahizəsinə buraxdığını bildirdi. Məhkəmə proses iştirakçılarını dinləyib, iş materiallarını tam, hərtərəfli və obyektiv araşdırıb hesab edir ki, Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətmişdir. İş materiallarına əlavə olunmuş Qobustan Rayon Məhkəməsinin xx.xx.2017-ci il tarixli icra sənədindən görünür ki, X2, X4, Şəxs, X3 və X1 müştərək qaydada ümumilikdə 18.647,91 ABŞ dolları borc və 30 manat dövlət rüsumu tutularaq "xxxx" QSC-nin xeyrinə ödənilməlidir. İş materiallarına əlavə edilmiş xx.xx.2017-ci il tarixli qərardan görünür ki, Qobustan Rayon Məhkəməsinin icra sənədi üzrə icraata başlamaq barədə qərar qəbul edilmişdir. İş materiallarına əlavə edilmiş xx.xx.2023-cü il tarixli qərarlardan görünür ki, Şəxs barəsində axtarış elan edilmişdir. Məhkəmədə müəyyən olundu ki, Şəxs icra sənədini heç bir üzürlü səbəb olmadan icra etməmişdir. O, icra məmurunun çağırışlarından yayındığına görə barəsində axtarış qərarı qəbul edilmişdir. İcra sənədi üzrə onun tərəfindən heç bir ödəniş olmamışdır. Məhkəmə hesab edir ki, Şəxs məhkəmə qərarını qəsdən icra etməmiş, onun icrasından qərəzli olaraq boyun qaçırmış və o, Azərbaycan Respublikası İXM-nin 528.1-ci maddəsində göstərilən inzibati xətanı törətmişdir. Məhkəmə Şəxs məsuliyyətini ağırlaşdıran və yüngülləşdirən halları müəyyən etmədi. Məhkəmə Şəxs şəxsiyyətini, icra sənədini heç bir üzürlü səbəb olmadan icra etməməsini nəzərə alıb hesab edir ki, onun barəsində cərimə cəzası tətbiq olunması məqsədə uyğun deyil, barəsində həmin maddənin sanksiyasında nəzərdə tutulan həddə inzibati həbs tətbiq olunmalıdır. Məhkəmədə müəyyən olundu ki, barəsində inzibati xəta haqqında iş üzrə icraat aparılan şəxs Şəxs xx.xx.2023-cü il tarixdə saat 11:00-da icra şöbəsinə gəlmişdir. Məhkəmə hesab edir ki, Şəxs barəsində həbsetmənin əvvəli həmin vaxtdan hesablanmalıdır. Yuxarıda göstərilənlərə əsasən və Azərbaycan Respublikası İXM-nin 40, 43, 53, 115-117, 128-130 maddələrini rəhbər tutaraq, məhkəmə QƏRARAALDİ: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikası İXM-nin 528.1-ci maddəsi ilə təqsirli bilinib 08 (səkkiz) gün müddətinə inzibati həbs edilsin. İnzibati həbsetmənin əvvəli 25 avqust 2023-cü il tarixdən, saat 11:00-dan hesab edilsin. Qərarın icrası Xəzər rayon Polis İdarəsinə həvalə edilsin. Qərarın surəti təqdim edildiyi və ya alındığı gündən 10 gün müddətində Bakı şəhəri Xəzər rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Hakim Əkrəm Qəhrəmanov