Bakı Şəhəri Xəzər Rayon Məhkəməsi Qərardad — İş №3(003)-2390/2023

Azərbaycan Respublikası adından QƏRARDAD Bakı şəhəri İş № 3(003)-2390/2023 08.09.2023 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi, Mirzəyeva Mahirə Bayaz qızının katibliyi ilə Şəxs barəsində Azərbaycan Respublikasının İXM-nin 535-ci maddəsi ilə Xəzər RPİ 1-ci Polis şöbəsindən daxil olmuş inzibati xəta haqqında protokola və ona əlavə edilmiş sənədlərə baxaraq, məhkəmə müəyyənetdi: Şəxs barəsində Xəzər RPİ 1-ci Polis şöbəsinin sahə inspektoru, polis kapitanı Təbriz Nəsirov tərəfindən 08 sentyabr 2023-cü il tarixdə Azərbaycan Respublikasının İXMnin 535-ci maddəsi ilə inzibati xəta haqqında protokol tərtib edilərək baxılması üçün məhkəməyə göndərilmişdir. Azərbaycan Respublikası İXM-nin 111.3 və 61.5-ci maddələrinə əsasən «İnzibati həbs tənbeh növü nəzərdə tutan inzibati xətalar haqqında işlərə inzibati xəta haqqında protokol daxil olduğu gün, inzibati qaydada tutulan şəxslər barəsində isə onların tutulduğu vaxtdan ən geci 48 saat kecənədək baxılır», «İnzibati həbs və ya Azərbaycan Respublikasının hüdudlarından kənara əcnəbiləri və vətəndaşlığı olmayan şəxsləri inzibati qaydada çıxartma nəzərdə tutan inzibati xətalar haqqında işlərə baxılarkən barəsində inzibati xəta haqqında iş üzrə icraat aparılan şəxsin iştirakı məcburidir». Şəxs təqsirləndirildiyi Azərbaycan Respublikası İXM-nin 535-ci maddəsinin sanksiyasında inzibati həbs tənbeh növü nəzərdə tutulmuşdur. Beləliklə, inzibati xəta haqqında materiala barəsində inzibati xəta haqqında iş üzrə icraat aparılan şəxs Şəxs iştirakı ilə baxılmalıdır. Qanunveriçiliyin yuxarıda qeyd olunan müddəalarına zidd olaraq Şəxs məhkəməyə təqdim olunmamışdır. Buna görə də hesab edirəm ki, barəsində inzibati xəta haqqında iş üzrə icraat aparılan Şəxs Azərbaycan Respublikasının İXM-nin 535-ci maddəsi ilə inzibati xəta törətməsinə dair toplanmış material Bakı şəhəri Xəzər RPİ-nin 1-ci PŞ-nə geri qaytarılmalıdır. Yuxarıda göstərilənlərə əsasən və Azərbaycan Respublikası İXM-nin 111.3 və 61.5ci maddələrini rəhbər tutaraq Q Ə R A R A A L D İ M: Şəxs Azərbaycan Respublikası İXM-nin 535-ci maddəsi ilə nəzərdə tutulmuş inzibati xəta törətməsi barədə Xəzər RPİ-nin 1-ci PŞ-dən daxil olmuş material geri qaytarılsın. Hakim Əkrəm Qəhrəmanov