Bakı Şəhəri Xəzər Rayon Məhkəməsi Qərar — İş №3(003)-2436/2025

Azərbaycan Respublikası adından QƏRAR Bakı şəhəri İş № 3(003)-2436/2025 21.10.2025 BAKI ŞƏHƏRİ XƏZƏR RAYON MƏHKƏMƏSİ X4 Hidayət oğlunun sədrliyi, Nəcəfova Səbinə Aydın qızının katibliyi, Bakı şəhəri Xəzər Rayon Polis İdarəsinin 1-ci Polis Şöbəsinin sahə inspektoru, polis leytenantı X2, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx.xx.1991-ci ildə Salyan rayonunun, Qaraçala qəsəbəsində anadan olmuş, Azərbaycan Respublikası vətəndaşı, evli, Salyan rayonu, Qaraçala qəsəbəsi ünvanında qeydiyyatda olmaqla Bakı şəhəri, Xəzər rayonu, Zirə qəsəbəsi, Yeni sahədə, nömrəsiz fərdi evdə yaşayan Şəxs Azərbaycan Respublikası İnzibati Xətalar Məcəlləsinin (bundan sonra mətndə İXM) 510-cu maddəsi ilə nəzərdə tutulmuş inzibati xətanı törətməsinə dair Bakı şəhəri Xəzər Rayon Polis İdarəsinin 1-ci Polis Şöbəsindən daxil olmuş inzibati xəta haqqında işə açıq məhkəmə iclasında baxaraq, məhkəmə Müəyyənetdi: Bakı şəhəri Xəzər Rayon Polis İdarəsinin 1-ci Polis Şöbəsinin sahə inspektoru, polis leytenantı X6 tərəfindən Şəxs İXM-nin 510-cu maddəsi ilə nəzərdə tutulmuş inzibati xətanın törədilməsi barədə xx.xx.2025-ci il tarixli MN seriyalı ******* saylı protokol tərtib edilərək baxılması üçün məhkəməyə təqdim edilmişdir. Protokoldan görünür ki, Şəxs ictimai yerdə spirtli içkinin təsiri altında nalayiq ifadələr işlədərək xırda xuliqanlıq etmişdir. Məhkəmə iclasında protokolu tərtib etmiş Bakı şəhər Xəzər Rayon Polis İdarəsinin 1ci Polis Şöbəsinin sahə inspektoru, polis leytenantı X6 izahat verərək bildirmişdir ki, xx.xx.2025-ci il tarixdə X6 ictimai yerdə X1 üzərinə yürüyərək, nalayiq ifadələr işlətmişdir. Bu səbəbdən X2 barəsində xx.xx.2025-ci il tarixli MN seriyalı ******* saylı inzibati xəta haqqında protokol tərtib olunmuşdur. Məhkəmə iclasında barəsində inzibati xəta haqqında protokol tərtib edilmiş şəxs Şəxs izahat verərək bildirmişdir ki, Bakı şəhəri, Xəzər rayonu, Zirə qəsəbəsində yerləşən dönərxanada dönərçi kimi fəaliyyət göstərir. 120 saylı orta məktəbdə təhsil alan övladı Hüseynə sinif yoldaşı tərəfindən xəsarət yetiridiyi üçün həmin şagirdin müəlliminə şikayət etmiç, müəllim cavab olaraq şagirdin ata-anasının olmadığını söyləmişdir. Həmin vaxt şagirdi aparan taksi sürücüsünü görüb şagirdin valideyninə övladına tərbiyə verməsini deməsini xahiş etmişdir. Axşam saatlarında işlədiyi dönərxanaya bir qadın daxil olub, onu soruşmuş, daha sonra onun barəsində nalayiq ifadələr işlədərək üstünə hücum edib köynəyini cırmışdır. Gülzadə Mikayılovanın bu hərəkətlərinə cavab olaraq əli ilə onu geriyə itələyib, onun təhqirlərinə qarşılıq vermişdir. Eyni zamanda Şəxs bildirmişdir ki, hadisədən əvvəl spirtli içki qəbul etmiş, mübahisə zamanı dönərxanada kənar şəxslər də olmuşt, törətdiyi əməldən peşmandır. xx.xx.2025-ci il tarixli inzibati qaydada tutma haqqında protokoldan görünür ki, Şəxs xx.xx.2025-ci il tarixdə saat 17:13-də inzibati qaydada tutulmuş, xx.xx.2025-ci il tarixdə saat 10:43-də isə azad olunmuşdur. Məhkəmə tərəflərin izahatlarını, eləcə də inzibati xəta haqqında materialı araşdırıb hesab edir ki, Şəxs İXM-nin 510-cu maddəsi ilə nəzərdə tutulmuş inzibati xətanı törətməsi özünün etirafı ilə yanaşı digər sənədlərlə tam sübuta yetirilir. İXM-nin müddəalarına görə himayəsində on dörd yaşınadək uşağı olan qadınlar barəsində inzibati həbs tətbiq edilə bilməz (maddə 30.2). İnzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz (maddə 31.4-1). Şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər (maddə 34.3). İnzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir (maddə 84.1). Məhkəmə, inzibati xəta törətmiş Şəxs şəxsiyyətini, törətdiyi əməlin təhlükəliliyini və iş üzrə tədqiq olunmuş digər halları araşdırıb hesab edir ki, o, İXM-nin 510-cu maddəsi ilə təqsirli bilinərək inzibati məsuliyyətə cəlb edilməli, onun bir gün müddətinə inzibati qaydada tutulması nəzərə alınaraq barəsində 50 (əlli) manat məbləğində inzibati cərimə təyin olunmalıdır. Şərh olunanlara əsasən və İXM-nin 40, 43, 114, 117, 128-130-cu maddələrini rəhbər tutaraq, məhkəmə Qəraraaldı: Barəsində inzibati xəta haqqında iş üzrə icraat aparılan şəxs Şəxs İXM-nin 510-cu maddəsində nəzərdə tutulmuş inzibati xətanı törətməkdə təqsirli bilinsin və onun inzibati qaydada tutulması nəzərə alınaraq barəsində 50 (əlli) manat məbləğində inzibati cərimə növündə inzibati tənbeh tədbiri tətbiq edilsin. Şəxs dərhal məhkəmə iclas zalında azad edilsin. Qərardan rəsmi qaydada verildiyi vaxtdan 10 gün müddətində Bakı şəhəri Xəzər Rayon Məhkəməsinin vasitəsilə şikayət və ya protest verilə bilər. X5