Bakı Şəhəri Xəzər Rayon Məhkəməsi Qərar — İş №3(003)-2806/2023

Azərbaycan Respublikası adından QƏRAR Bakı şəhəri İş № 3(003)-2806/2023 28.10.2023 BAKI ŞƏHƏRİ XƏZƏR RAYON MƏHKƏMƏSİ Hakim Rüstəmov Emin Şahin oğlunun sədrliyi Şükürlü Murad Şahin oğlunun katibliyi, Bakı şəhəri Xəzər rayon Polis İdarəsinin 3-cü Polis Şöbəsinin sahə rəisi, polis mayoru Pərviz Qurbanovun, Zərərçəkmiş şəxslər X5, X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, 20 mart 1975-ci il tarixdə Lənkəran rayonunda doğulmuş, Azərbaycan Respublikasının vətəndaşı, evli, orta təhsilli, Bakı şəhəri Xəzər rayonu, Binə qəsəbəsi, Hövsan südçülük sovxozu, Lələtəpə yaşayış massivində fərdi evdə yaçayan Şəxs barəsində Bakı şəhəri Xəzər rayon Polis İdarəsinin 3-cü Polis Şöbəsi (bundan sonra mətndə Xəzər RPİ 3-cü PŞ) tərəfindən Azərbaycan Respublikası İnzibati Xətalar Məcəlləsinin (bundan sonra mətndə Azərbaycan Respublikası İXM-nin) 510-cu maddəsi ilə tərtib edilmiş inzibati xəta haqqında protokola məhkəmənin inzibati binasında açıq məhkəmə iclasında baxaraq, məhkəmə müəyyənetdi: Şəxs 24 oktyabr 2023-cü il tarixdə vət. X5 və X2 Binə qəsəbəsində nalayiq söyüşlərlə söyüb təhqir etmişdir. Bununla əlaqədar Şəxs barəsində Xəzər rayon Polis İdarəsinin 3-cü Polis Şöbəsinin sahə rəisi, polis mayoru Pərviz Qurbanov tərəfindən 27 oktyabr 2023-cü il tarixdə Azərbaycan Respublikası İXM-nin 510-cu maddəsi ilə MN seriyalı ******* saylı protokol tərtib olunmuşdur. Məhkəmə iclasında Xəzər rayon Polis İdarəsinin 3-cü Polis Şöbəsinin sahə rəisi, polis mayoru Pərviz Qurbanov tərtib edilmiş protokolların məzmununa uyğun izahat verərək göstərdi ki, 24 oktyabr 2023-cü il tarixdə İbrahimov X4 Zahir Şəki oğlu və X2 Binə qəsəbəsi ərazisində nalayiq söyüşlərlə söyüb təhqir etmişdir. Bu baədə zərərçəkmiş şəxslər tərəfindən “102” xidmətinə şikayət edilmişdir. Şikayətlərlə bağlı Şəxs izahatı alınmış və sonuncu etdiyi xətanı etiraf etmişdir. Bu əməlləri ilə Şəxs Azərbaycan Respublikası İXM-nin 510-cu maddəsi ilə nəzərdə tutulmuş inzibati xətanı törətmişdir. Barəsində inzibati xəta haqqında iş üzrə icraat aparılan şəxs - Şəxs məhkəmə iclasında törətdiyi inzibati xətanı qismən etiraf edərək göstərdi ki, 24 oktyabr 2023-cü il tarixdə qonşuluqda yaşayan Zahir və Bəxtiyar onun qonşularıdır. Özü usta kimi tikinti-təmir işləri görür. Zahirin evində bir müddət əvvəl təmir işləri görmüş, lakin pulunu alamadığından işləri yarımçıq qalmışdır. Bununla əlaqədar olaraq zərərçəkmiş şəxslərlə arasında gərginlik olmuş və onları təhqir etmişdir. Əməlindən peşman olduğunu, ilk dəfə inzibati məsuliyyətə cəlb olunmasını nəzərə alaraq barəsində yüngül tənbeh tətbiq edilməsini məhkəmədən xahiş etdi. Məhkəmə iclasında zərərçəkmiş şəxs X5 bildirdi ki, onunla qonşuluqda yaşayan Şəxs mütəmadi olaraq heç bir səbəb olmadan yaşadıqları məhəllədə onu, qonşuları küçə söyüşləri ilə söyüb təhqir etmişdir. Onlar artıq Akifin təhqirlərindən bezmişlər, bu səbəbdən məhəllədən köçüb getmək istəyirlər. Onun həbs edilməsini deyil, nalayiq ifadələr işlətməyini dayandırmasını tələb edir. Məhkəmə iclasında zərərçəkmiş şəxs X3 bildirdi ki, onunla qonşuluqda yaşayan Şəxs mütəmadi olaraq heç bir səbəb olmadan yaşadıqları məhəllədə onunla və qonşularla mübahisə edir, onlara sataşır və ağır küçə söyüşləri ilə söyüb təhqir etmişdir. Onlar artıq Akifin təhqirlərindən bezmişlər, bu səbəbdən məhəllədən köçüb getmək istəyirlər. xx.xx.2023-cü il tarixdə Akif yenidən yaşadıqları məhəllədə onu və qonşuları söyüb təhqir etmişdir. Müvafiq inzibati xətaların baş verməsi faktı inzibati xəta haqqında izahatlarla yanaşı, iş üzrə toplanmış digər sənədlərlə də sübuta yetirilir. Beləliklə, məhkəmə inzibati xəta haqqında protokolu tərtib etmiş şəxsin, zərərçəkmiş şəxslərin və barəsində inzibati xəta haqqında iş üzrə icraat aparılan şəxsin izahatlarını dinləyərək və iş materiallarını araşdıraraq belə qənaətə gəlir ki, Şəxs həmin hərəkətləri ilə Azərbaycan Respublikasının İXM-nin 510-cu maddəsində nəzərdə tutulmuş inzibati xətanı törətmişdir. Azərbaycan Respublikasının İXM-nin 9.1-ci maddəsinə görə inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətanın xarakterinə, onun törədilməsi hallarına uyğun, qanuni və əsaslı olmalıdır. Azərbaycan Respublikası İXM-nin 510-cu maddəsinə əsasən Xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Şəxs eyni vaxtda öz hərəkətləri (hərəkətsizliyi) bir neçə inzibati xəta törətdiyindən, həmin xətalara dair işlərə baxılması məhkəmənin səlahiyyətinə aid olduğundan, bu halda həmin şəxs daha ciddi xətaya görə müəyyən edilmiş sanksiya çərçivəsində tənbeh edildiyindən məhkəmə hesab edir ki, Şəxs daha ciddi xətaya görə - Azərbaycan Respublikası İXM-nin 535.1-ci maddəsi ilə təqsirli bilinərək həmin maddənin sanksiyası həddində tənbeh edilməlidir. Azərbaycan Respublikası İXM-nin 32.2-ci maddəsinə əsasən inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınmalıdır. Şəxs ilk dəfə inzibati məsuliyyətə cəlb olunmasını onun məsuliyyətini yüngülləşdirən hal kimi qəbul edir. İş üzrə inzibati xətaya görə məsuliyyəti ağırlaşdıran hal müəyyən edilməmişdir. İş materiallarını araşdıraraq, törədilmiş inzibati xətanın xarakterini, inzibati xəta törətmiş şəxsin şəxsiyyətini nəzərə alıb, Şəxs Azərbaycan Respublikası İXM-nin 510-cu maddəsinin sanksiyasında nəzərdə tutulan inzibati cərimə növündə tənbeh edilməsini məqsədəmüvafiq hesab edirəm. İş materiallarında olan 27 oktyabr 2023-cü il tarixli tutma haqqında protokoldan görünür ki, Şəxs 27 oktyabr 2023-cü il tarixdə saat 17:06-da inzibati qaydada tutulmuşdur. Azərbaycan Respublikası İXM-nin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Buna görə də Şəxs barəsində 70 (yetmiş) manat məbləğində cərimə növündə inzibati tənbeh tətbiq edilməsini məqsədə müvafiq hesab edirəm. Şərh olunanlara əsasən və Azərbaycan Respublikasının İXM-nin 30, 40, 43, 115- 117, 128-130-cu maddələrini rəhbər tutaraq, məhkəmə qəraraaldı: Barəsində inzibati xəta haqqında iş üzrə icraat aparılan şəxs Şəxs Azərbaycan Respublikasının İXM-nin 510-cu maddəsində nəzərdə tutulmuş inzibati xətanı törətməkdə təqsirli bilinib barəsində 70 (yetmiş) manat məbləğində cərimə növündə inzibati tənbeh tədbiri tətbiq edilsin. Şəxs məhkəmə iclas zalından dərhal azad olunsun. Qərarın surəti təqdim edildiyi və ya alındığı gündən 10 gün muddətində Bakı şəhəri Xəzər Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti və protesti verilə bilər. Qərardan apellyasiya şikayəti və protesti verilmədikdə, qərar həmin müddət başa çatdığı vaxtdan sonrakı gün qüvvəyə minir. Hakim Emin Rüstəmov