Bakı Şəhəri Xəzər Rayon Məhkəməsi Qərardad — İş №3(003)-332/2025

Azərbaycan Respublikası adından QƏRARDAD Bakı şəhəri İş № 3(003)-332/2025 14.02.2025 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Rüstəmov Emin Şahin oğlu, X1 barəsində tərtib edilmiş xx.xx.2025-ci il tarixli MN ******* saylı protokoldan verdiyi şikayətə baxaraq müəyyənetdi: X2 barəsində tərtib edilmiş xx.xx.2025-ci il tarixli MN ******* saylı protokoldan şikayət vermişdir. İş materiallarını araşdırıb hesab edirəm ki, X2 tərəfindən verilmiş şikayət geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 100.1.4-cü maddəsinə əsasən inzibati xəta haqqında protokolda inzibati xətanın törədildiyi yer, vaxt və bu xətanın mahiyyəti göstərilməlidir. Həmin Məcəllənin 100.1.7-ci maddəsinə əsasən inzibati xəta haqqında protokolda barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları göstərilməlidir. Müəyyən olundu ki, X2 barəsində Xəzər RPİ-nin 3-cü PŞ-nin sahə inspektoru X3 tərəfindən 04 fevral 2025-ci il tarixdə Azərbaycan Respublikası İXM-nin 232-1-ci maddəsi ilə tərtib edilmiş protokola ekspertiza rəyi əlavə edilməmişdir. Maddi zərərin 500 manat miqdarında qiymətləndirilməsinin necə aparılması barədə hər hansı məlumat və sübut yoxdur. Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqdan, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda və işə baxılarkən tamamlamaq mümkün olmadıqda, inzibati xətalar haqqında protokolun və digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Beləliklə, inzibati xəta haqqında material natamam olduğundan inzibati xəta haqqında protokol və ona əlavə olunmuş sənədlər geri qaytarılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq, məhkəmə qəraraaldı: X2 barəsində Xəzər rayon Polis İdarəsinin 3-cü Polis Şöbəsinin sahə inspektoru Zaur Babayev tərəfindən 04 fevral 2025-ci il tarixdə Azərbaycan Respublikası İXM-nin 232-1-ci maddəsi ilə MN seriyalı ******* saylı protokol və ona əlavə olunmuş sənədlər baxılmadan geri qaytarılsın. Hakim Emin Rüstəmov