Bakı Şəhəri Xəzər Rayon Məhkəməsi Qərardad — İş №3(003)-37/2025

Azərbaycan Respublikası adından QƏRARDAD Bakı şəhəri İş № 3(003)-37/2025 10.01.2025 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Rüstəmov Emin Şahin oğlu, X1 barəsində tərtib edilmiş xx.xx.2024-cü il tarixli İXP ******* saylı protokoldan verdiyi şikayətə baxaraq müəyyənetdi: X2 barəsində tərtib edilmiş xx.xx.2024-cü il tarixli İXP ******* saylı protokoldan şikayət vermişdir. İş materiallarını araşdırıb hesab edirəm ki, X2 tərəfindən verilmiş şikayət geri qaytarılmalıdır. Belə ki, Azərbaycan Respublikası İnzibati Xətalar Məcəlləsində fiziki şəxsin barəsində qəbul edilmiş inzibati tənbeh vermə haqqında qərardan şikayət verməsi nəzərdə tutulmuşdur. Hazırkı halda isə şikayətçi X2 tərtib edilmiş protokoldan şikayət vermişdir. Azərbaycan Respublikası İnzibati Xətalar Məcəlləsinin 100.1.4-cü maddəsinə əsasən inzibati xəta haqqında protokolda inzibati xətanın törədildiyi yer, vaxt və bu xətanın mahiyyəti göstərilməlidir. Həmin Məcəllənin 100.1.7-ci maddəsinə əsasən inzibati xəta haqqında protokolda barəsində inzibati xəta haqqında iş üzrə icraat aparılan fiziki şəxsin və ya hüquqi şəxsin nümayəndəsinin izahatları göstərilməlidir. Müəyyən olundu ki, X2 verdiyi şikayət ərizəsinə onun barəsində tərtib edilmiş protokolu və qəbul edilmiş inzibati tənbeh vermə haqqında qərarı əlavə etməmişdir. Azərbaycan Respublikası İXM-nin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqdan, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda və işə baxılarkən tamamlamaq mümkün olmadıqda, inzibati xətalar haqqında protokolun və digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Beləliklə, şikayət ərizəsi natamam olduğundan verilmiş şikayət geri qaytarılmalıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 109-cu maddəsini rəhbər tutaraq, məhkəmə qəraraaldı: X1 barəsində tərtib edilmiş xx.xx.2024-cü il tarixli İXP ******* saylı protokoldan verdiyi şikayət baxılmadan geri qaytarılsın. Hakim Emin Rüstəmov