Bakı Şəhəri Xəzər Rayon Məhkəməsi Qərar — İş №3(003)-376/2022

Azərbaycan Respublikası adından QƏRAR Bakı şəhəri İş № 3(003)-376/2022 29.03.2022 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi, Hüseynova Mətanət Təbriz qızının katibliyi, barəsində inzibati xəta haqqında iş üzrə icraat aparılan hüquqi şəxs "xxxx" MMCnin nümayəndəsi Nəcəfov Cümşüd Haxverdi oğlunun iştirakı ilə "xxxx" MMC-nin Azərbaycan Respublikası İnzibati Xətalar Məcəlləsinin 430.4-ci maddəsi ilə nəzərdə tutulmuş inzibati xəta törətməsi barədə Azərbaycan Respublikasının Mərkəzi Bankından daxil olmuş materiala açıq məhkəmə iclasında baxaraq, məhkəmə M Ü Ə Y Y Ə N E T D İ: İnzibati xəta haqqında EP seriyalı ******* nömrəli, 28 fevral 2022-ci il tarixli protokola əsasən "xxxx" MMC 12285,73 Avro məbləğində vəsaiti 15 yanvar 2020-ci il tarixdə Azərbaycan Respublikasından kənara qabaqcadan ödəniş etməklə köçürmüşdür. Lakin ödənişin aparıldığı gündən 2 il müddət keçməsinə baxmayaraq 12285,73 Avro məbləğində vəsait hesabına alınan malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi banka təqdim etməmiş, qabaqcadan ödənilmiş valyuta vəsaiti xaricdən geri qaytarılmamışdır. Bununla da, "xxxx" MMC Azərbaycan Respublikası İnzibati Xətalar Məcəlləsinin 430.4-cü maddəsində göstərilən inzibati xətanı törətmişdir. Məhkəmə iclasında barəsində inzibati xəta haqqında iş üzrə icraat aparılan hüquqi şəxs "xxxx" MMC-nin nümayəndəsi Nəcəfov Cümşüd Haxverdi oğlu göstərdi ki, "xxxx" MMC Fransada fəaliyyət göstərən «Euro Parfums FZE» şirkəti ilə bağladığı 01 aprel 2019cu il tarixli müqaviləyə əsasən onun bank hesabına 15 yanvar 2020-ci il tarixdə köçürmüş olduğu 12285,73 Avro məbləğində vəsaitin qarşılığında 30 mart 2020-ci il tarixdə mallar göndərilmiş və bununla bağlı müvafiq gömrük bəyannaməsi verilmişdir. Lakin gömrük bəyannaməsində 120 kodu düzgün olaraq göstərilməmişdir. Bununla bağlı Dövlət Gömrük Komitəsinə müraciət olunmuş və həmin texniki yalnışlıq düzəldilərək onlara təqdim olunacaqdır. "xxxx" MMC-nin əməlində inzibati xəta tərkibi olmadığı üçün məhkəmədən inzibati xəta haqqında iş üzrə icraata xitam verilməsini xahiş etdi. Azərbaycan Respublikasının Mərkəzi Bankına məhkəmə iclasının vaxtı və yeri barədə qanunla nəzərdə tutulmuş qaydada poçt vasitəsi ilə bildiriş göndərilmişdir. Lakin onun nümayəndəsi məhkəməyə gəlməmiş və gəlməməsinin səbəbləri barəsində məhkəməyə məlumat verməmişdir. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən işə Azərbaycan Respublikasının Mərkəzi Bankının nümayəndəsinin iştirakı olmadan baxılmasını mumkün hesab etmişdir. Məhkəmə barəsində inzibati xəta haqqında iş üzrə icraat aparılan hüquqi şəxsin nümayəndəsini dinləyib, iş materiallarını və təqdim olunmuş sənədləri araşdırıb hesab edir ki, inzibati xəta hadisəsi olmadığından inzibati xəta haqqında iş üzrə icraata xitam verilməlidir. Belə ki, iş materiallarına əlavə edilmiş 01 aprel 2019-cu il tarixli müqavilədən görünür ki, "xxxx" MMC ilə «Euro Parfums FZE» şirkəti arasında alqı-satqı barədə müqavilə bağlanmışdır. İş materiallarına əlavə edilmiş "xxxx" ASC-nin köçürmə ərizəsinin surətindən görünür ki, "xxxx" MMC tərəfindən «Euro Parfums FZE» şirkətinin xeyrinə 01 aprel 2019cu il tarixli müqaviləyə əsasən 15 yanvar 2020-ci il tarixdə 12285,73 Avro məbləğində ödəniş olunmuşdur. İş materiallarına əlavə edilmiş 30 mart 2020-ci il tarixli gömrük bəyannaməsindən görünür ki, «Euro Parfums FZE» şirkəti tərəfindən "xxxx" MMC-nin ünvanına 01 aprel 2019-cu il tarixli müqaviləyə əsasən göndərilmiş 12285,73 Avro məbləğində mallar bəyan edilmişdir. Azərbaycan Respublikası İnzibati Xətalar Məcəlləsinin 18.1-ci maddəsinə görə hüquqi şəxslər, o cümlədən xarici hüquqi şəxslər və xarici hüquqi şəxslərin filial və nümayəndəlikləri bu Məcəllənin Xüsusi hissəsində nəzərdə tutulmuş inzibati xətalara görə inzibati məsuliyyətə cəlb olunurlar. Həmin Məcəllənin 18.5-ci maddəsinə görə hüquqi şəxs barəsində inzibati tənbeh yalnız hakim tərəfindən tətbiq edilir. İnzibati Xətalar Məcəlləsinin 12-ci maddəsinə görə bu Məcəllə ilə qorunan ictimai münasibətlərə qəsd edən, hüquqa zidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 53.0.1-ci maddəsinə görə inzibati xəta hadisəsi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Məhkəmədə müəyyən olundu ki, "xxxx" MMC tərəfindən «Euro Parfums FZE» şirkətinin xeyrinə avans yolu 01 aprel 2019-cu il tarixli müqaviləyə əsasən 06 noyabr 2018ci il tarixli müqaviləyə əsasən 15 yanvar 2020-ci il tarixdə 12285,73 Avro məbləğində ödəniş olunmuşdur. Həmin pulun müqabilində 30 mart 2020-ci il tarixdə 12285,73 Avro məbləğində mallar 2 il müddət ərzində Azərbaycan Respublikasına idxal edilmişdir. Lakin gömrük bəyannaməsində texniki yalnışlığa yol verilmişdir. Məhkəmə hesab edir ki, Azərbaycan Respublikası İnzibati Xətalar Məcəlləsinin 430.4-cü maddəsi ilə inzibati xəta hadisəsi olmadığına görə "xxxx" MMC-nin barəsində inzibati xəta haqqında iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikası İXM-nin 40, 43, 48-51, 115-117, 128-130 maddələrini rəhbər tutaraq, məhkəmə QƏRARAALDİ: Barəsində inzibati xəta haqqında iş üzrə icraat aparılan hüquqi şəxs "xxxx" MMCnin Azərbaycan Respublikası İnzibati Xətalar Məcəlləsinin 430.4-ci maddəsi ilə nəzərdə tutulmuş inzibati xəta törətməsi barədə iş üzrə icraata inzibati xəta hadisəsi olmadığına görə xitam verilsin. Qərarın surəti təqdim olunduğu və ya alındığı gündən 10 gün müddətində şikayət və ya protest verilə bilər. Qərardan apellyasiya şikayəti verilmədikdə, qərar həmin müddət başa çatdığı vaxtdan sonrakı gün qüvvəyə minir. Hakim Əkrəm Qəhrəmanov