Bakı Şəhəri Xəzər Rayon Məhkəməsi Qərardad — İş №3(003)-405/2022

Azərbaycan Respublikası adından QƏRARDAD Bakı şəhəri İş № 3(003)-405/2022 14.04.2022 BAKI ŞƏHƏRİ XƏZƏR RAYON MƏHKƏMƏSİ Hakim Hüseynli Hüseyn İnanc oğlunun sədrliyi, Namazov Fərəc Elman oğlunun katibliyi, Barəsində inzibati xəta haqqında iş üzrə icraat aparılan Şəxs etibarnamə əsasında səlahiyyətli nümayəndəsi və vəkili Vəkil iştirakı ilə, Şəxs MMC tərəfindən Azərbaycan Respublikası İnzibati Xətalar Məcəlləsinin 430.4-cü maddəsi ilə nəzərdə tutulmuş inzibati xətanı törədilməsinə dair Azərbaycan Respublikasının Mərkəzi Bankından daxil olmuş inzibati xəta haqqında işə açıq məhkəmə iclasında baxaraq, məhkəmə MÜƏYYƏN ETDİ Azərbaycan Respublikasının Mərkəzi Bankından daxil olmuş EP ******* saylı, 02 mart 2022-ci il tarixli inzibati xəta haqqında protokolda göstərilmişdir ki, Şəxs tərəfindən 812500 ABŞ dolları məbləğində vəsaiti 23 yanvar 2020-ci il tarixdə xaricə köçürmüş və 02 il müddət keçsə də, 10850,42 ABŞ dolları məbləğində vəsait hesabına alınan malları (xidməti) ölkəyə idxal etməmiş, valyuta vəsaitini geri qaytarmamışdır. Xəta 24 yanvar 2022-ci il tarixdə hüquqi şəxsin ünvanında törədilmişdir. Bu səbəbdən Şəxs barəsində Azərbaycan Respublikası İnzibati Xətalar Məcəlləsinin 430.4-cü maddəsində nəzərdə tutulmuş inzibati xətanı törətməsinə dair inzibati xəta haqqında protokol tərtib edilmişdir. Məhkəmə iclasında iştirak edən barəsində inzibati iş üzrə icraat aparılan Şəxs etibarnamə əsasında səlahiyyətli nümayəndəsi və vəkili Vəkil qeyd etmişdir ki, inzibati xətanın törədilməsi barədə Azərbaycan Respublikası Mərkəzi Bankı tərəfindən Şəxs MMC-nin hüquqi ünvanına rəsmi olaraq bildiriş göndərilməmişdir. Əlavə olaraq bildirmişdir ki, Şəxs MMC ilə Gürcüstan Republikasının “Rustavi Azot” şirkəti arasında 20.01.2020-ci il tarixli və 04.02.2020-ci il tarixli alqı-satqı müqavilələri bağlanmışdır. Həmin şitkətin hesabına 20.01.2020-ci il tarixli müqaviləyə əsasən 812500 ABŞ dolları, 04.02.2020-ci il tarixli müqaviləyə əsasən ******* ABŞ dolları məbləğində pul vəsaiti, ümumilikdə ******* ABŞ dolları məbləğində pul vəsaiti köçürülmüşdür. 20.01.2020-ci il tarixli müqaviləyə əsasən ödənilmiş 812500 ABŞ dolları məbləğində vəsait hesabına 801649 ABŞ dolları məbləğində mallar ölkəyə idxal edilmişdir. 04.02.2020-ci il tarixli müqaviləyə əsasən ödənilmiş ******* ABŞ dolları məbləğində vəsait hesabına 1635127,42 ABŞ dolları məbləğində mallar ölkəyə idxal edilmişdir. Beləliklə şirkətlər arasında bağlanmış iki müqavilə üzrə Şəxs MMC tərəfindən ümumilikdə ******* ABŞ dolları məbləğində pul vəsaiti köçürülmüş və bunun əvəzində iki müqavilə üzrə ******* ABŞ dolları məbləğində mallar ölkə ərazisinə idxal edilmişdir. İdxal olunmayan malların gömrük bəyannamələri üzrə toplam dəyəri 723 ABŞ dolları təşkil etmişdir. Bundan sonra tərəflər arasında iki müqavilə üzrə üzləşmə aktı tərtib edilmiş və “Rustavi Azot” şirkəti Şəxs MMC tərəfindən aparılmış ödənişləri üzrə 708,45 ABŞ dolları məbləğində malların Şəxs MMCyə verilmədiyi təsdiqlənmişdir. Hər iki şirkətin hesablamaları nəticəsində arada 14,55 ABŞ dolları fərq yarandığı nəzərə alaraq göstərilən üzləşmə aktı təsdiq edilmiş və 708,45 ABŞ dolları məbləğində pul vəsaiti “Rustavi Azot” şirkəti tərəfindən 13.01.2021-ci il tarixdə Şəxs MMC-yə qaytarılmışdır. Bununla da hər iki müqavilə üzrə tərəflər arasındakı öhdəliklər taçm şəkildə icra edilmişdir. Qeyd edilən bütün məlumatlar xaricə ödəmələri həyata keçirən müvəkkil bank "xxxx" ASC-yə tam şəkildə təsdiqedici sənədlər ilə birlikdə tərdim edilmiş, lakin məlim olmayan səbəblərdən həmin bank tərəfindən işin araşdırılması Azərbaycan Respublikasının Mərkəzi Bankına göndərilmişdir. Qeyd edilənlərə əsasən iş üzrə icraata xitam verilməsini xahiş etmişdir. Məhkəmə iclasının vaxtı və yeri barədə inzibati xəta haqqında protokolu tərtib edən orqan xəbərdar olunmasına baxmayaraq həmin orqan öz nümayəndəsinin məhkəmə iclasında iştirakını təmin etməmiş və işə onların nümayəndəsinin iştirakı olmadan baxılmasını xahiş etməmişdir. Məhkəmə Azərbaycan Respublikası İnzibati Xətalar Məcəlləsinin 61.3-cü maddəsinə əsasən inzibati xəta haqqında protokolu tərtib edən orqanın nümayəndəsinin iştirakı olmadan işə baxılmasını mümkün hesab etmişdir. Məhkəmə barəsində inzibati xəta haqqında iş üzrə icraat aparılan hüquqi şəxsin nümayəndəsini dinləyib, inzibati xəta haqqında protokolu və ona əlavə edilmiş sənədləri nəzərdən keçirərək hesab edir ki, aşağıda göstərilənlərə əsasən protokol və ona əlavə edilmiş sənədlər onu göndərmiş orqana geri qaytarılmalıdır. Belə ki, Azərbaycan Respublikası İnzibati Xətalar Məcəlləsinin 109.1.6cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Həmin Məcəllənin 430.4-cü maddəsinə əsasən avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmaması inzibati məsuliyyət yaradır. Məhkəmə qeyd edir ki, Azərbaycan Respublikası Mərkəzi Bankı tərəfindən baş vermiş inzibati xətanın törədilməsinə dair Şəxs məlumatlandırması barədə sübut inzibati xəta haqqında protokola əlavə edilməmişdir. Beləliklə, inzibati xəta haqqında protokola inzibati xəta haqqında iş üzrə icraat aparılan Şəxs törədilməsi ehtimal edilən inzibati xətaya aidiyyətinin olmasını təsdiq edən zəruri sənədlər əlavə olunmamışdır. Bu səbəbdən məhkəmə qeyd olunanları inzibati xəta haqqında materialın natamamlığı kimi qiymətləndirərək, işə baxılarkən bu natamamlığın aradan qaldırılmasını qeyri-mümkün hesab edir və belə qənaətə gəlir ki, Şəxs barəsində Azərbaycan Respublikası İnzibati Xətalar Məcəlləsinin 430.4-cü maddəsi ilə nəzərdə tutulan inzibati xətanı törətməsinə dair daxil olmuş inzibati xəta haqqında protokol və ona əlavə olunmuş sənədlər Azərbaycan Respublikası Mərkəzi Bankına geri qaytarılmalıdır. Azərbaycan Respublikası İnzibati Xətalar Məcəlləsinin 128-ci maddəsi baxımından həmin Məcəllənin 109-cu maddəsinin şərh edilməsinə dair Azərbaycan Respublikası Konstitusiya Məhkəməsi Plenumunun 3 may 2019cu il-ci il tarixli Qərarından görünür ki, Azərbaycan Respublikası İnzibati Xətalar Məcəlləsinin 128-ci maddəsinin tələbləri baxımından həmin Məcəllənin 109-cu maddəsində nəzərdə tutulmuş inzibati xətalar haqqında işin baxılmasına hazırlanması zamanı qəbul edilən qərardadlardan apellyasiya şikayəti vermək hüququ istisna edilir. İnzibati protokolu tərtib etmək səlahiyyəti olan orqan (vəzifəli şəxs) həmin protokolu tərtib edərkən Azərbaycan Respublikası İnzibati Xətalar Məcəlləsinin tələblərinə ciddi riayət etməlidir. Azərbaycan Respublikası İnzibati Xətalar Məcəlləsinin 43, 109, 114 və 115-ci maddələrini rəhbər tutaraq, məhkəmə QƏRARA ALDİ Şəxs Azərbaycan Respublikası İnzibati Xətalar Məcəlləsinin 430.4-cü maddəsi ilə nəzərdə tutulan inzibati xətanı törətməsinə dair EP ******* saylı, 02 mart 2022-ci il tarixli inzibati xəta haqqında protokol və ona əlavə olunmuş sənədlər Azərbaycan Respublikası Mərkəzi Bankına geri qaytarılsın. Qərardaddan apellyasiya şikayəti və və protesti verilə bilməz. Sədrlik edən Hüseyn Hüseynli