Bakı Şəhəri Xəzər Rayon Məhkəməsi Qərardad — İş №3(003)-53/2022

Azərbaycan Respublikası adından QƏRARDAD Bakı şəhəri İş № 3(003)-53/2022 12.01.2022 BAKI ŞƏHƏRİ XƏZƏR RAYON MƏHKƏMƏSİ Hakim Qəhrəmanov Əkrəm Sabir oğlunun sədrliyi, Hüseynova Mətanət Təbriz qızının katibliyi ilə Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta törətməsinə dair Bakı şəhər Xətai rayon Polis idarəsindən daxil olmuş inzibati xəta haqqında materiala baxaraq, məhkəmə M Ü Ə Y Y Ə N E T D İ: İnzibati xəta haqqında EQ seriyalı ******* nömrəli, 10 may 2021-ci il tarixli protokola əsasən sürücü Şəxs barəsində Azərbaycan Respublikası İnzibati Xətalar Məcəlləsinin 328.2-ci maddəsi ilə nəzərdə tutulmuş inzibati xəta törətməsi barədə protokol tərtib olunaraq 50 manat məbləğində cərimə olunmuşdur. Şəxs barəsində qəbul edilmiş qərarın qanuni qüvvəyə mindiyi gündən 3 ay müddətində qanunla müəyyən edilmiş əsaslar olmadan ödəmədiyinə görə barəsində İnzibati Xətalar Məcəlləsinin 529.3-cü maddəsi ilə məsuliyyət nəzərdə tutan İXP seriyalı ******* nömrəli, 28 sentyabr 2021-ci il tarixli inzibati xəta haqqında protokol tərtib edilmiş və inzibati xəta haqqında material baxılması üçün məhkəməyə göndərilmişdir. Məhkəmə inzibati xəta haqqında protokolu və işdə olan sənədləri nəzərdən keçirib hesab edir ki, Şəxs EQ seriyalı ******* nömrəli, 10 may 2021-ci il tarixli protokola əsasən yazılmış 50 manat məbləğində cəriməni yaşayış yeri üzrə icra etmədiyindən, yəni inzibati xəta hadisəsi Bakı şəhəri Pirallahı rayonu ərazisində törədildiyindən işin materialları baxılması üçün aidiyyəti üzrə Bakı şəhəri Pirallahı rayon Məhkəməsinə göndərilməlidir. Belə ki, DİN-nin DYP Web portalından çıxarışdan görünür ki, Şəxs ünvan 1 ünvanında qeydiyyatdadır. İnzibati Xətalar Məcəlləsinin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında iş onun yaşadığı yer üzrə baxıla bilər. Azərbaycan Respublikası İnzibati Xətalar Məcəlləsinin 109.1.6-cı maddəsinə əsasən inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib olunduqda, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda və işə baxılarkən tamamlamaq mümkün olmadıqda, inzibati xətalar haqqında protokolun və digər sənədlərin onu tərtib etmiş orqana, vəzifəli şəxsə geri qaytarılması barədə qərardad qəbul edilir. Yuxarıda qeyd olunanlara əsasən və Azərbaycan Respublikası İnzibati Xətalar Məcəlləsinin 109.1.6 və 110-cu maddələrini rəhbər tutaraq, məhkəmə Q Ə R A R A A L D İ: Şəxs Azərbaycan Respublikası İnzibati Xətalar Məcəlləsinin 529.3-cü maddəsi ilə inzibati xəta törətməsinə dair Bakı şəhər Xətai rayon Polis idarəsindən daxil olmuş inzibati xəta haqqında material aidiyyati üzrə Bakı şəhəri Pirallahı rayon Məhkəməsinə göndərilsin. Qərardaddan şikayət verilə bilməz. Hakim Əkrəm Qəhrəmanov