Bakı Şəhəri Xəzər Rayon Məhkəməsi Qərardad — İş №3(003)-717/2025

Azərbaycan Respublikası adından QƏRARDAD Bakı şəhəri İş № 3(003)-717/2025 15.04.2025 BAKI ŞƏHƏRİ XƏZƏR RAYON MƏHKƏMƏSİ Bakı şəhəri Xəzər Rayon Məhkəməsinin hakimi Cəfərzadə İlham Nizami oğlu, Bakı şəhəri Suraxanı Rayon Polis İdarəsinin Dövlət Yol Polisi İdarəsinin TP7103918 nömrəli, xx.xx.2025-ci il tarixli inzibati tənbeh vermə haqqında qərarından X1 tərəfindən verilmiş şikayəti keçirərək, müəyyən etdim X1 şikayət ərizəsi ilə məhkəməyə müraciət edərək, Bakı şəhəri Suraxanı Rayon Polis İdarəsinin Dövlət Yol Polisi İdarəsinin əməkdaşı polis kapitanı X2 tərəfindən barəsində qəbul edilmiş Azərbaycan Respublikası İnzibati Xətalar Məcəlləsinin 327.1-ci maddəsinə əsasən 40 manat məbləğində cərimə edilməsi haqqında inzibati tənbeh növü tətbiq edilməsinə dair xx.xx.2025-ci il tarixli qərarın ləğv edilməsi bardə qərar qəbul edilməsini xahiş etmişlər. Şikayəti və ona əlavə edilmiş sənədləri nəzərdən keçirərək hesab edirəm ki, şikayət, ona əlavə edilmiş sənədlərlə birlikdə baxılması üçün aidiyyəti üzrə Bakı şəhəri Suraxanı Rayon Məhkəməsinə göndərilməlidir. Belə ki, Azərbaycan Respublikası İXM-nin 110.1-ci maddəsinə əsasən inzibati xəta haqqında işə onun törədildiyi yerdə baxılır. Barəsində inzibati xəta haqqında iş üzrə icraat aparılan şəxsin vəsatətinə əsasən inzibati xəta haqqında işə onun yaşadığı yer üzrə baxıla bilər. Həmin Məcəllənin 129.1.2 və 129.1.3-cü maddələrinə əsasən kollegial orqanın qərarından məhkəməyə verilən şikayət və ya protest - birbaşa kollegial orqanın olduğu yer üzrə rayon (şəhər) məhkəməsinə, səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh olunmasına dair” Azərbaycan Respublikası Konstitusiya Məhkəməsi Plenumunun 4 noyabr 2020-ci il tarixli qərarına əsasən qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Hazırda Bakı şəhəri Suraxanı Rayon Polis İdarəsinin Dövlət Yol Polisi İdarəsinin TP7103918 nömrəli, xx.xx.2025-ci il tarixli inzibati tənbeh vermə haqqında elektron qərarından X1 şikayət verilsə də şikayətə onların yaşadığı yer üzrə baxılması barədə vəsatət əlavə edilməmişdir. İş materiallarında isə müəyyən olunur ki, inzibati xəta hadisəsi Bakı şəhəri, Suraxanı rayonu ərazisində törədilmişdir. Ona görə də məhkəmə hesab edir ki, şikayətə Bakı şəhəri Xəzər Rayon Məhkəməsinə baxılması üçün əsas olmadığından şikayətə baxılması üçün aidiyyəti üzrə müvafiq məhkəməyə göndərilməlidir. Qeyd edilənlərə əsasən məhkəmə hesab edir ki, Bakı şəhəri Suraxanı Rayon Polis İdarəsinin Dövlət Yol Polisi İdarəsinin TP7103918 nömrəli, xx.xx.2025-ci il tarixli inzibati tənbeh vermə haqqında elektron qərarından X1 tərəfindən verilmiş şikayət baxılması üçün aidiyyəti üzrə Bakı şəhəri Suraxanı Rayon Məhkəməsinə göndərilməlidir. Qeyd olunanları və Azərbaycan Respublikasının İnzibati Xətalar Məcəlləsinin 110cu maddəsini rəhbər tutaraq, məhkəmə qərara aldım: Bakı şəhəri Suraxanı Rayon Polis İdarəsinin Dövlət Yol Polisi İdarəsinin TP7103918 nömrəli, xx.xx.2025-ci il tarixli inzibati tənbeh vermə haqqında elektron qərarından X1 tərəfindən verilmiş şikayət, ona əlavə edilmiş sənədlərlə birlikdə baxılması üçün aidiyyəti üzrə Bakı şəhəri Suraxanı Rayon Məhkəməsinə göndərilsin. Qərardaddan şikayət verilə bilməz. Hakim İlham Cəfərzadə