Bakı Şəhəri Yasamal Rayon Məhkəməsi Qərar — İş №3(004)-115/2024

Azərbaycan Respublikası adından QƏRAR Bakı şəhəri İş № 3(004)-115/2024 19.01.2024 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Daşdəmirov Rauf Məhərrəməli oğlunun sədrliyi, X4 iclas katibliyi ilə X1 Azərbaycan Respublikası Daxili İşlər Nazirliyi (DİN) Baş X10 İdarəsi (BDYPİ) 25 dekabr 2023-cü il tarixli, EQ seriyalı 17289459 nömrəli inzibati xəta haqqında iş üzrə elektron qərarından verdiyi şikayətə açıq məhkəmə iclasında baxılaraq, məhkəmə MÜƏYYƏN ETDİ: X5 şikayətlə məhkəməyə müraciət edərək barəsində BDYPİ-i tərəfindən qəbul edilmiş 25 dekabr 2023-cü il tarixli, EQ seriyalı 17289459 nömrəli inzibati tənbeh vermə haqqında elektron qərarın ləğv edilərək iş üzrə icraata xitam verilməsini məhkəmədən xahiş etmişdir. Şikayətçi ərizəsini onunla əsaslandırmışdır ki, “VAZ 11174” minik ** LN *** dövlət qeydiyyat nişanlı avtomobil ona məxsusdur. xx.xx.2023-cü il tarixdə saat 15:00 radələrində ASAN ödəniş sisteminə mobil telefonla daxil olduğu zaman EQ 17289459 №li qərarla 40 manat məbləğində cərimə olunduğunu görmüşdür. xx.xx.2023-cü il tarixdə o ümumiyyətlə yaşadığı evdə olmuş və yaşayış evini tərk etməmişdir. Həmin qərara əlavə edilmiş şəkillərə baxanda görmüşdür ki, avtomobildə çəkilmiş fotoşəkildə o deyil, tanımadığı bir kişidir. Nəticədə 05 oktyabr 2023-cü il tarixli EQ 17289459 nömrəli qərarla 40 manat məbləğində inzibati məsuliyyətə qanunsuz cəlb edilmişdir. EQ 17289459 nömrəli qərara əlavə edilmiş fotoşəkilə baxandada vizual görünür ki, fotoşəkildəki şəxs o deyil. Fotoşəkildə açıq aşkar görünür ki, kişi cinsli naməlum şəxsdir. Onun barəsində tərtib edilmiş DİN-nin BDYPİ-nin Mərkəzi Məlumat Xidmətinin rəisi, polis polkovnik-leytenantı Elçin Xasiyev tərəfindən tərtib edilmiş 05 oktyabr 2023-cü il tarixli EQ 17289459 №li qərar qanunsuz olduğu üçün və fotoşəkildəki şəxs o olmadığı üçün xx.xx.2023-cü il tarixdə Yasamal rayon məhkəməsininin 3(004)-5280/2023 nömrəli qərarı ilə ləğv edilmiş, qeyd olunan inzibati xəta haqqında iş baxılması üçün Azərbaycan Respublikası Daxili İşlər Nazirliyi Baş X10 İdarəsinə göndərilmişdir. DİN-nin Baş X10 idarəsinin əməkdaşı xx.xx.2023-cü il tarixdə Yasamal rayon məhkəməsinin 3(004)-5280/2023 nömrəli qərarı ilə onun təqsiri olmadığı üçün barəsində ləğv etdiyi inzibati qərar üzrə təkrar araşdırma aparıb həmin qərarı heçə sayaraq EQ 17289459 №li qərarı yenidən uçota qoyub onun barəsində yenidən həmin eyni EQ 17289459 №li lakin 25 dekabr 2023-cü il tarixli qərar qəbul edib onu 40 manat cərimə etmişdirlər. Onun təqsirsiz olduğunu müəyyən edən və artıq onun əməlinə qiymət verdiyi məhkəmə qərarına əhəmiyyət verməyən ikinci dəfə onu eyni inzibati xətaya görə məsuliyyətə cəlb edən DİN-nin Baş X10 idarəsinin əməkdaşının EQ 17289459 №li 25 dekabr 2023-cü il tarixli qərarı tam qanunsuzdur və ona görədə ləğv edilməlidir. Göstərilənləri nəzərə alaraq Azərbaycan Respublikası Daxili İşlər Nazirliyi (DİN) Baş X10 İdarəsi (BDYPİ) 25 dekabr 2023-cü il tarixli, EQ seriyalı 17289459 saylı qərarın ləğv edilməsi və inzibati xəta haqqında işin icraatına xitam verilməsi barədə qərar qəbul edilməsini xahiş etmişdir. İnzibati xəta haqqında qərar qəbul etmiş səlahiyyətli orqana və şikayət vermiş şəxsə məhkəmə iclasının vaxtı və yeri barədə lazımi qaydada xəbərdar edilməsinə baxmayaraq, inzibati xəta haqqında qərar qəbul etmiş səlahiyyətli orqan məhkəmə iclasında səlahiyyətli nümayəndəsinin iştirakını təmin etməyib bunun səbəbləri barədə məhkəməyə məlumat verməmişdir. X2 elektron kabinet vasitəsi ilə müraciət edərək məhkəmə iclasının onun iştirakı olmadan keçirilməsini xahiş etmişdir. Buna görə də məhkəmə inzibati xəta haqqında protokolu tərtib etmiş səlahiyyətli orqanın nümayəndəsinin iştirakı olmadan işə baxılmasını mümkün hesab etmişdir. Məhkəmə şikayət ərizəsini və digər iş materiallarını araşdıraraq hesab edir ki, X3 barəsində qəbul edilmiş 25 dekabr 2023-cü il tarixli, EQ seriyalı 17289459 nömrəli inzibati xəta haqqında iş üzrə qərar ləğv edilərək başlanılmış inzibati xəta haqqında icraata xitam verilməlidir. Belə ki, iş materiallarına əlavə edilmiş BDYPİ tərəfindən qəbul edilmiş 25 dekabr 2023-cü il tarixli, EQ seriyalı 17289459 nömrəli inzibati xəta haqqında iş üzrə qərarından görünür ki, X5 05 oktyabr 2023-cü il tarixdə saat 12:08-də “Vaz 11174” markalı **-LN-*** dövlət qeydiyyat nişanlı avtomobillə Xırdalan şəhəri, Heydər Əliyev prospektində təhlükəsizlik kəmərini bağlamadan nəqliyyat vasitəsini idarə etməyə görə barəsində Azərbaycan Respublikası İXM-nin 329.1-ci maddəsində nəzərdə tutulmuş əməli törətməkdə təqsirli bilinərək 40 manat məbləğində inzibati qaydada cərimə edilmişdir. Belə ki, iş materiallarına əlavə edilmiş, Bakı şəhəri Yasamal Rayon Məhkəməsinin 3(004)-5280/2023 nömrəli, 03 noyabr 2023-cü il tarixli qərarından görünür ki, X3 şikayəti qismən təmin olunmuş, Azərbaycan Respublikası Daxili İşlər Nazirliyi Baş X10 İdarəsi tərəfindən qəbul edilmiş 05 oktyabr 2023-cü il tarixli, EQ seriyalı 17289459 nömrəli inzibati tənbeh vermə haqqında qərar ləğv edilmiş və qeyd olunan inzibati xəta haqqında iş baxılması üçün Azərbaycan Respublikası Daxili İşlər Nazirliyi Baş X10 İdarəsinə göndərilmişdir. BDYPİ tərəfindən qəbul edilmiş 25 dekabr 2023-cü il tarixli, EQ seriyalı 17289459 nömrəli inzibati xəta haqqında iş üzrə qərara əlavə edilmiş fotoşəkillərdən görünür ki, “Vaz 11174” markalı **-LN-*** dövlət qeydiyyat nişanlı avtomobili idarə edən kişi cinsli şəxsdir. Qeyd edilən 25 dekabr 2023-cü il tarixli, EQ seriyalı 17289459 nömrəli inzibati tənbeh vermə haqqında qərar məhkəmə iclasında tədqiq edilərkən müəyyən edilmişdir ki, qeyd edilən inzibati xəta kişi cinsli şəxs tərəfindən törədilməsinə baxmayaraq X5 həmin inzibati xətanı törətməkdə təqsirli bilinərək barəsində qərar qəbul olunmuşdur. Təqsirliliyi sübut etmək yükü məhkəmənin və ya barəsində protokol tərtib edilmiş şəxsin üzərinə düşmür. Bu yük protokol tərtib etmiş səlahiyyətli orqanın üzərinə düşür. Çünki barəsində protokol tərtib edilmiş şəxs sübut etməli deyildir ki, inzibati xəta törədilməyib. Şəxs təqsirsizliyini sübut edə bilməməsi əsası ilə inzibati məsuliyyətə cəlb edilə bilməz. Belə bir vəziyyətdə şəxs təqsirsizliyini sübut etməlidir ki, təqsirli sayılmasın. X6 Məcəlləsinin vəzifələri və prinsiplərinə əsasən məhkəmənin ziddiyyətli və şübhəli məqamların şəxsin ziyanına aradan qaldırıb, barəsində protokol tərtib edilmiş şəxsin ziyanına onun inzibati xəta törətməsini təsdiq edən sübutlar toplamaq yox, həmin şübhələri və ziddiyyətli məqamları həmin şəxsin xeyrinə həll etməli olması müəyyən edilib. Şəxsin əməlində inzibati xətanın elementlərindən olan obyektiv və subyektiv cəhətlər yoxdur. Belə bir vəziyyətdə şəxsin inzibati xətanın törədilməsində qəsdinin və ya ehtiyatsızlığının nədən ibarət olmasına dair də sübut təqdim etməmişdir. Ümumiyyətlə bunları təsdiq edən sübut toplamamışdır. Azərbaycan Respublikasının İnzibati Xətalar Məcəlləsinin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 134.1.4-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Həmin Məcəllənin 135.1.1-ci maddəsinə əsasən hakimin və ya səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması; 135.1.6-cı maddəsinə əsasən isə bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardır. Məhkəmə hesab edir ki, X3 əməlində inzibati xəta tərkibinin əlamətləri aşkar edilməmişdir. Şəxsin təqsiri qanunla müəyyən edilmiş qaydada sübuta yetirilmədiyi üçün, Azərbaycan Respublikası Daxili İşlər Nazirliyi Baş X10 İdarəsi tərəfindən qəbul edilmiş 25 dekabr 2023-cü il tarixli, EQ seriyalı 17289459 nömrəli qərar ləğv edilməli, X5 əməlin törədilməsində təqsirsiz bilinməli və həmin inzibati xəta haqqında iş üzrə icraata xitam verilməlidir. Çünki İXM-in 133.2.8-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxılarkən qəbul edilmiş qərarın qanuniliyi və əsaslılığı iş üzrə olan və əlavə təqdim edilmiş materiallar əsasında yoxlanılır. İXM-in 134.1.3-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq həmin Məcəllənin 53-cü maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında qərar qəbul edilir. Yuxarıda göstərilənlərə əsasən və Azərbaycan Respublikasının İXM-nin 133-137-ci maddələrini rəhbər tutaraq, məhkəmə QƏRARA ALDİ : X3 şikayəti təmin olunsun. X5 barəsində Azərbaycan Respublikası Daxili İşlər Nazirliyi Baş X10 İdarəsi tərəfindən qəbul edilmiş 25 dekabr 2023-cü il tarixli, EQ seriyalı 17289459 nömrəli inzibati tənbeh vermə haqqında qərar ləğv edilsin və inzibati xəta haqqında iş üzrə icraata xitam verilsin. Azərbaycan Respublikası Daxili İşlər Nazirliyi Baş X10 İdarəsi tərəfindən qəbul edilmiş 25 dekabr 2023-cü il tarixli, EQ seriyalı 17289459 nömrəli inzibati tənbeh vermə haqqında qərar əsasında Azərbaycan Respublikası Daxili İşlər Nazirliyi Mərkəzi İnformasiya sistemində X3 barəsində yerləşdirilmiş inzibati cərimə silinsin. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş Bakı şəhəri Yasamal Rayon Məhkəməsi vasitəsilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Rauf Daşdəmirov