Bakı Şəhəri Yasamal Rayon Məhkəməsi Qərardad — İş №3(004)-1188/2021

Azərbaycan Respublikası adından QƏRARDAD Bakı şəhəri İş № 3(004)-1188/2021 04.06.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Daşdəmirov Rauf Məhərrəməli oğlunun sədrliyi, X1 iclas katibliyi ilə, Azərbaycan Respublikası Baş Prokurorluğu Cinayət təqibindən kənar icraatlar idarəsinin rəisi Elnur Musayevin Azərbaycan Respublikası Əmək və Əhalinin Sosial Müdafiəsi Nazirliyi yanında X3 Xidmətinin 04 mart 2021-ci il tarixli MN seriyalı ******* saylı qərarından verdiyi protestə və ona əlavə edilmiş sənədləri məhkəmə iclasında baxaraq, MÜƏYYƏN ETDİ: Azərbaycan Respublikası Baş Prokurorluğu Cinayət təqibindən kənar icraatlar idarəsinin rəisi Elnur Musayevin Azərbaycan Respublikası Əmək və Əhalinin Sosial Müdafiəsi Nazirliyi yanında X3 Xidmətinin 04 mart 2021-ci il tarixli MN seriyalı ******* saylı qərarından verdiyi protest məhkəməyə daxil olmuşdur. Azərbaycan Respublikası Baş Prokurorluğu Cinayət təqibindən kənar icraatlar idarəsinin böyük prokuroru X2 ərizə ilə məhkəməyə müraciət edərək Azərbaycan Respublikası Əmək və Əhalinin Sosial Müdafiəsi Nazirliyi yanında X3 Xidmətinin “xxxx” MMC-nin vəzifəli şəxsləri barəsində inzibati xəta haqqında iş üzrə icraata xitam verilməsi haqqında 04 mart 2021-ci il tarixli MN seriyalı ******* saylı qərarından Baş Prokurorluğun Cinayət təqibindən kənar icraatlar idarəsi tərəfindən verilmiş protestin baxılmadan geri qaytarılmasını məhkəmədən xahiş etmişdir. Göstərilənlərə əsasən, məhkəmə hesab edir ki, protest baxılmadan geri qaytarılmalıdır. Belə ki, İXM-in 128.1-ci maddəsinə əsasən barəsində qərar çıxarılmış fiziki şəxs, yetkinlik yaşına çatmayanların qanuni nümayəndəsi, hüquqi şəxsin nümayəndəsi, zərər çəkmiş şəxs, müdafiəçi və nümayəndə, həmçinin bu Məcəllənin 43.2-ci maddəsində nəzərdə tutulan vəzifəli şəxs inzibati xəta haqqında iş üzrə qərardan şikayət, prokuror isə protest verə bilər. Beləliklə İXM-ə əsasən qərardan protestə baxılması həmin qərardan protest verən prokurorun iradəsində asılıdır. Bu səbəbdən də prokuror protestin geri qaytarılmasını tələb etdiyindən protestə baxılmayaraq geri qaytarılmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 128-137-ci maddələrinə əsasən, QƏRARA ALDİ: Azərbaycan Respublikası Baş Prokurorluğu Cinayət təqibindən kənar icraatlar idarəsinin rəisi Elnur Musayevin Azərbaycan Respublikası Əmək və Əhalinin Sosial Müdafiəsi Nazirliyi yanında X3 Xidmətinin 04 mart 2021-ci il tarixli MN seriyalı ******* saylı qərarından verdiyi protest və ona əlavə edilmiş sənədlər geri qaytarılsın. Hakim: Rauf Daşdəmirov