Bakı Şəhəri Yasamal Rayon Məhkəməsi Qərar — İş №3(004)-1210/2024

Azərbaycan Respublikası adından QƏRAR Bakı şəhəri İş № 3(004)-1210/2024 28.03.2024 BAKI ŞƏHƏRİ YASAMAL RAYON MƏHKƏMƏSİ Hakim Əkbərli Günel Bəkir qızının sədrliyi, Hacıyev Ceyhun Kamal oğlunun katibliyi, şikayətçi - X1 iştirakı ilə, Azərbaycan Respublikası DİN-nin Bakı şəhəri Yasamal rayonu RPİ-nin DYPŞ-i tərəfindən qəbul edilmiş xx.xx.2024-cü il tarixli TP seriyalı ******* nömrəli qərardan X3 tərəfindən verilmiş şikayətə məhkəmənin binasında açıq məhkəmə iclasında baxaraq, məhkəmə MÜƏYYƏN ETDİ: X3 şikayətlə məhkəməyə müraciət edərək Azərbaycan Respublikası DİN-nin Bakı şəhəri Yasamal rayonu RPİ-nin DYPŞ-nin polis baş leytenantı X2 tərəfindən qəbul edilmiş 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərarın ləğv edilərək, əməlində inzibati xəta tərkibi olmaması əsası ilə iş üzrə icraata xitam verilməsini məhkəmədən xahiş etmişdir. Şikayətçi ərizəsini onunla əsaslandırmışdır ki, onun barəsində Bakı şəhəri Yasamal rayonu RPİ-nin DYPŞ-nin polis baş leytenantı X2 tərəfindən qəbul edilmiş 10 fevral 2024cü il tarixli TP seriyalı ******* nömrəli inzibati tənbeh vermə haqqında qərarla razı deyildir. Maşın rəsmi servisdən keçmiş və heç bir əlavə səs quraşdırılmadığı müəyyən edilmişdir. Azərbaycan Respublikası İXM-nin 342.2.2-ci maddəsi ilə barəsində qəbul edilmiş 10 fevral 2024-cü il tarixli TP seriyalı ******* saylı inzibati tənbeh vermə haqqında qərarın ləğv edilərək inzibati xəta haqqında iş üzrə icraata xitam verilməsi barədə qərar qəbul edilməsini məhkəmədən xahiş etmişdir. Məhkəmə iclasında iştirak edən şikayətçi X3 ərizəsini müdafiə edərək təmin edilməsini məhkəmədən xahiş etdi. Belə ki, o, izahatında bildirdi ki, istifadəsində olan “Fiat Abarth 124 Spider” markalı **-DE-*** dövlət qeydiyyat nişanlı nəqliyyat vasitəsində mövcud olan bütün avadanlıqlar zavod istehsalı olmaqla, tərəfindən hər hansı dəyişiklik edilməmiş və əlavə avadanlıq quraşdırılmamışdır. xx.xx.2024-cü il traixdə Yasamal rayon ərazisində hərəkətdə olarkən Yasamal DPŞ-nin əməkdaşları onu saxlamış və bildirmişlər ki, səsboğucu sistemi yerləşdirilmişdir. O, buna etiraz etmiş, lakin etirazına baxmayaraq avtomobilini cərimə meydançasına aparmışlar və barəsində qeyd olunan qərar qəbul edilmişdir. O, bundan sonra nəqliyyat vasitəsini servisdən keçirmiş və ona rəsmi qaydada arayış verilmişdir ki, avtomobildə hər hansı kənar avadanlıq quraşdırılmamış və arxa səsboğucu sistemin istehsalçı zavod tərəfindən quraşdırılması və konstruktiv göstəricilərinə tam şəkildə uyğun olması müəyyən edilmişdir. Odur ki, göstərilənlərə əsasən şikayətin təmin edilməsini məhkəmədən xahiş edir. Məhkəmə iclasının vaxtı və yeri barədə Bakı şəhəri Yasamal rayonu RPİ-nin DYPŞnə lazımi qaydada məlumat verilsə də, qərar qəbul etmiş qurumun səlahiyyətli nümayəndəsi məhkəmə iclasında iştirak etməmiş və iştirak etməməsinin səbəbləri haqqında məhkəməyə məlumat verməmişdir. Məhkəmə Azərbaycan Respublikasının İXM-nin 133.2.4-cü maddəsinə əsasən işə Yasamal rayonu RPİ-nin DYPŞ-nin səlahiyyətli nümayəndəsinin iştirakı olmadan baxılmasını mümkün hesab edir. Məhkəmə şikayət ərizəsini və digər iş materiallarını araşdıraraq hesab edir ki, şikayət qismən təmin olunmalı və Bakı şəhəri Yasamal rayonu RPİ-nin DYPŞ-si tərəfindən qəbul edilmiş 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərar ləğv edilərək əlavə araşdırılması üçün səlahiyyətli orqana göndərilməlidir. Belə ki, iş materiallarında olan Azərbaycan Respublikası DİN-nin Bakı şəhəri Yasamal RPİ-nin DYPŞ-nin Yol Patrul Xidmətinin polis baş leytenantı X2 tərəfindən qəbul edilmiş 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərardan görünür ki, sürücü P.N.Məmmədli xx.xx.2024-cü il tarixdə, saat 19:35-də idarə etdiyi “Flat Abarth 124 Spider minik” markalı, **-DE-*** dövlət qeydiyyat nişanlı nəqliyyat vasitəsi ilə nəqliyyat vasitələrinin sürücüləri tərəfindən normativ tələblər pozulmaqla avadanlığın quraşdırılması, nəqliyyat vasitələrinin sürücüləri tərəfindən normativ tələblər pozulmaqla avadanlığın dəyişdirilməsinə görə, Azərbaycan Respublikası İXM-nin 342.2.2ci maddəsi ilə təqsirli bilinərək barəsində 150 manat məbləğində inzibati cərimə növündə tənbeh tədbiri tətbiq edilmişdir. Lakin qeyd olunan qərardan konkret olaraq hansı normanın pozulması və ya hansı avandanlığın quraşdırılması qeyd edilməmişdir. Məhkəmə iclasında müəyyən olundu ki, P.N.Məmmədli xx.xx.2024-cü il tarixdə, saat 19:35-də idarə etdiyi “Flat Abarth 124 Spider minik” markalı, **-DE-*** dövlət qeydiyyat nişanlı nəqliyyat vasitəsini idarə edərkən Azərbaycan Respublikası Daxili İşlər Nazirliyi Yasamal RPİ DYPŞ-nin Yol Patrul Xidmətinin polis baş leytenantı X2 tərəfindən saxlanılmış və barəsində Azərbaycan Respublikası İXM-nin 342.2.2-ci maddəsi 10 fevral 2024-cü il tarixli İXP seriyalı ******* nömrəli inzibati xəta haqqında protokol tərtib edilmişdir. Məhkəmə işin halların müəyyən edilir ki, normativ tələblər pozulmaqla, avadanlığın quraşdırılmasına və ya dəyişdirilməsinə görə inzibati xəta haqqında protokol tərtib edilərkən və həmin protokol əsasında qərar qəbul edilərkən işin halları hərtərəfli, tam və obyektiv araşdırılmamışdır. Belə ki, işin mübahisəsiz halı ondan ibarətdir ki, 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərar əsasında X3 İXM-nin 342.2.2-ci maddəsi ilə inzibati məsuliyyətə cəlb edilərək barəsində 150 manat cərimə növündə tənbeh tədbiri təyin edilmişdir. Azərbaycan Respublikası İXM-nin 342.2.2-ci maddəsinin məzmununa görə nəqliyyat vasitələrinin sürücüləri tərəfindən nəqliyyat vasitələrinin texniki vəziyyətinə dair tələblərin pozulmasına, yəni: normativ tələblər pozulmaqla, avadanlığın quraşdırılmasına və ya dəyişdirilməsinə yüz əlli manat məbləğində cərimə edilir. Məhkəmə tərəfindən qərarından şikayət verilən orqana məhkəmə iclasının vaxtı və yeri barədə məlumat verilməklə sübutların təqdim edilməsi təklif edilməsinə baxmayaraq buna dair məhkəməyə hər hansı sübut təqdim edilməmişdir. Həmçinin protokolda Pərvin Məmmədli tərəfindən nəqliyyat vasitələrinin texniki vəziyyətinə dair hansı tələblərin pozulmasına, yəni: normativ tələblər pozulmaqla, hansı avadanlığın quraşdırılması və ya dəyişdirilməsi öz əksini tapmamışdır. Həmçinin məhkəmə hesab edir ki, qeyd olunan nəqliyyat vasitəsində aparılmış dəyişikliklərin nəqliyyat vasitələrinin texniki vəziyyətinə dair tələblərinə uyğunluğunun yoxlanılması xüsusi bilik tələb etdiyindən, yəni mütəxəssis rəyi və ya ekspert rəyi zəruri olduğundan hazırkı iş üzrə zəruri sübut təqdim edilmədən qanuni və obyektiv qərar qəbul edilməsi mümkün deyildir. Məhkəməyə təqdim edilmiş inzibati xəta haqqında protokol və qərardan görünür ki, sübut olaraq hər hansı rəyə istinad edilməmişdir. Həmçinin şikayətçi tərəfinən təqdim edilmiş 23 fevral 2024-cü il tarixli 060 nömrəli Autolux xidmət mərkəzinin verdiyi arayışdan müəyyən edilir ki, Fiat Abarth 124 markalı, ZFANF6EK00120259 BAN nömrəli **-DE-*** dövlət qeydiyyat nişanlı avtomobildə aparılmış texniki yoxlama nəticəsində avtomobilin səs boğucu sisteminin zavod istehsalına uyğun olduğu təsdiq edilmişdir. Avtomobil üçün istehsalçı tərəfindən arxa səs boğucu qazanın quraşdırılması nəzərdə tutulmamışdır. Məhkəmə qeyd edir ki, Azərbaycan Respublikası İXM-nin 8.1-ci maddəsinə əsasən barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. Həmin Məcəllənin 48-ci maddəsinə əsasən inzibati xətalar haqqında işlər üzrə icraatın vəzifələri şəxslərin hüquqlarını və azadlıqlarını, onların qanuni mənafelərini qorumaqdan, inzibati xəta haqqında hər bir işin hallarını vaxtında, hərtərəfli, tam və obyektiv surətdə aydınlaşdırmaqdan, inzibati xəta törətmiş şəxsi aşkar etməkdən və onu inzibati məsuliyyətə cəlb etməkdən, çıxarılmış qərarın icrasını təmin etməkdən, habelə inzibati xətanın törədilməsinə kömək edən səbəbləri və şəraiti aşkar etməkdən və inzibati xətaların qarşısını almaqdan ibarətdir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 129.1.3-cü maddəsinin tələbinə əsasən inzibati xəta haqqında iş üzrə səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Həmin Məcəllənin 134.1.4-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 135.1.1 və 135.1.6-cı maddələri ilə müəyyən edilmiş hallarda qərarın ləğv edilməsi və inzibati xəta haqqında işin yenidən baxılmaq üçün hakimə, səlahiyyətli orqana (vəzifəli şəxsə) göndərilməsi haqqında qərar qəbul edilir. Həmin Məcəllənin 135.1.1. hakimin, səlahiyyətli orqanın (vəzifəli şəxsin) gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Həmin Məcəllənin 135.1.6-cı maddəsinə əsasən isə bu Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsasdır. Beləliklə, məhkəmə hesab edir ki, X1 əməlində Azərbaycan Respublikası İXM-nin 342.2.2-ci maddəsində nəzərdə tutulmuş inzibati xətanın tərkib əlamətlərinin olmasına dair inzibati xəta haqqında protokol və həmin protokol əsasında qəbul edilmiş inzibati tənbeh vermə haqqında qərar səlahiyyətli orqanın gəldiyi nəticələr üzrə mühüm əhəmiyyət kəsb edən bütün faktiki halların araşdırılmaması səbəbiylə, yəni İXM-nin 135.1.1-ci maddəsinin tələbi pozulduğundan şikayət qismən təmin edilməli, X1 barəsində Azərbaycan Respublikası DİN-nin Bakı şəhəri Yasamal rayonu RPİ-nin DYPŞ-nin polis baş leytenantı X2 tərəfindən qəbul edilmiş 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərar ləğv edilməli, qeyd olunan inzibati xəta haqqında iş şəxsin əməlinə hüquqi qiymət verilmədən Azərbaycan Respublikasının İXMnin tələblərinə əməl edilməklə yenidən baxılması üçün Bakı şəhəri Yasamal rayonu RPİnin DYPŞ-nə göndərilməlidir. Həmçinin həmin qərar əsasında Azərbaycan Respublikası DİN BDYPİ-nin Mərkəzi İnformasiya sistemində X1 barəsində yerləşdirilmiş 150 (bir yüz əlli) manat məbləğində inzibati cərimə silinməlidir. Yuxarıda göstərilənlərə əsasən və Azərbaycan Respublikasının İXM-nin 133-137-ci maddələrini rəhbər tutaraq, məhkəmə QƏRARA ALDİ : X1 şikayəti qismən təmin olunsun. X1 barəsində Azərbaycan Respublikası DİN-nin Bakı şəhəri Yasamal rayonu RPİnin DYPŞ-nin baş polis leytenantı X2 tərəfindən qəbul edilmiş 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərar ləğv edilsin və qeyd olunan inzibati xəta haqqında iş yenidən baxılması üçün Bakı şəhəri Yasamal rayonu RPİnin DYPŞ-nə göndərilsin. Qəbul edilmiş 10 fevral 2024-cü il tarixli TP seriyalı ******* nömrəli inzibati tənbeh vermə haqqında qərar əsasında Azərbaycan Respublikası DİN BDYPİ-nin Mərkəzi İnformasiya sistemində X1 barəsində yerləşdirilmiş inzibati cərimə silinsin. Qərarın surəti rəsmi qaydada verildiyi vaxtdan 10 (on) gün müddətində qərarı qəbul etmiş hakim (Bakı şəhəri Yasamal Rayon Məhkəməsi) vasitəsilə və ya bilavasitə Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Günel Əkbərli