Bakı Şəhəri Yasamal Rayon Məhkəməsi Qərardad — İş №3(004)-1318/2021

Azərbaycan Respublikası adından QƏRARDAD Bakı şəhəri İş № 3(004)-1318/2021 16.06.2021 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi, Barəsində inzibati xəta haqqında protokol tərtib edilmiş hüquqi şəxs Şəxs MMC-nin nümayəndəsi X1 iştirakları ilə, Şəxs MMC-nin barəsində Azərbaycan Respublikası İnzibati Xətalar Məcəlləsinin 483-cü maddəsi ilə tənbeh tədbirinin tətbiq edilməsinə dair materiala baxaraq, məhkəmə MÜƏYYƏN ETDİ: Azərbaycan Respublikası Dövlət Gömrük Komitəsi Şimal Ərazi Baş Gömrük İdarəsindən daxil olmuş 19 may 2021-ci il tarixli № 01400-0543/21 nömrəli inzibati xəta haqqında protokolda göstərilmişdir ki, Şəxs MMC tərəfindən Azərbaycan Respublikası İnzibati Xətalar Məcəlləsinin 483-cü maddəsində nəzərdə tutulmuş inzibati xəta törədilmişdir. Məhkəmə iclasında barəsində inzibati xəta haqqında protokol tərtib edilmiş hüquqi şəxs Şəxs MMC-nin nümayəndəsi X2 bildirmişdir ki, MMC 2019-cu ildə Şimal Ərazi Baş Gömrük İdarəsində rəsmişəldirilmiş “tütün xammalı” məhsullarının Belarusiya Respublikasına 5 gömrük bəyənnaməsi üzrə konsiqnasiya yolu ilə ixrac edilmişdir. İxrac olunan yükdə nəmlik olduğundan aralarında olan razılaşmaya görə göndərilmiş tütün xammalına 5 % endirim olunmuşdur. Bu barədə şifahi olaraq müvafiq orqanlara o, cümlədən gömrük orqanlarına məlumat verilməsinə baxmayaraq onlar barəsində araşdırma aparılmadan barələrində inzibati xəta haqqında protokol tərtib olunmuşdur.Digər tərəfdən onların təqdim etdikləri sənədlər nəzərə alınsa idi barələrində müvafiq protokol tərtib edilməzdi.Qeyq edilənləri nəzərə alaraq tərtib edilmiş inzibati protokol natamam olduğu üçün onun geri qaytarılmasını xahış etmişdir. Məhkəmə iclasının yeri və vaxtı barədə lazımi qaydada xəbərdarlıq edilməsinə baxmayara protokol tərtib etmiş orqan məhkəməyə nümayəndələrini göndərməmiş, bunun səbəbləri barədə heç bir məlumat verməmişlər. Məhkəmə işə onların iştirakı olmadan baxılmasını mümkün hesab etmişdir. Məhkəmə, inzibati xəta haqqında protokolu və ona əlavə edilmiş sənədləri nəzərdən keçirib hesab edir ki, inzibati xəta haqqında protokol onu tərtib etmiş səlahiyyətli orqanına geri qaytarılmalıdır. Azərbaycan Respublikası İnzibati Xətalar Məcəlləsinin 483-cü maddəsində nəzərdə tutulmuş xətalar nəticəsində inzibati xətanın bilavasitə obyekti olan xarici valyutanın dəyərinin otuz faizindən əlli faizinədək məbləğdə cərimə edilir. Tərtib edilmiş protokolda Şəxs MMC-nın İXM-nin 483-cü maddəsinin tərkibi tam araşdırılmamaqla yanaşı, protokol tərtib edilərkən İXM-nin 100.1.7-ci maddəsinin tləblərinə də riayət olunmamışdır. Azərbaycan Respublikası nzibati Xətalar Məcəlləsinin 106.0.3-cü və 106.0.5-ci maddələrinə əsasən hakim, səlahiyyətli orqan (vəzifəli şəxs) inzibati xətalar haqqında işlərə baxarkən inzibati xəta haqqında protokol və işin digər materialları bu Məcəllənin tələblərinə müvafiq olaraq tərtib edilməsini və mahiyyəti üzrə baxılması üçün işdə kifayət qədər sübutların toplanması məsələlərini həll edir. Həmin Məcəllənin 109.1.6-cı maddəsinə görə inzibati xəta haqqında işin baxılmağa hazırlanması zamanı protokol və digər materiallar səlahiyyəti olmayan şəxslər tərəfindən tərtib edildikdə, protokol və digər sənədlər düzgün tərtib olunmadıqda, yaxud təqdim edilmiş materiallar natamam olduqda, işə baxılarkən tamamlamaq mümkün olmadıqda, inzibati xətalar haqqında protokolun və ya digər sənədlərin onu tərtib etmiş orqana, vəzifəli şəxsə geri qaytarılması barəsində qərardad qəbul edilir. Yuxarıda göstərilənlərə əsasən və Azərbaycan Respublikası İnzibati Xətalar Məcəlləsinin 106-cı və 109-cu maddələrini rəhbər tutaraq QƏRARA ALDİ: Şəxs MMC-nın Azərbaycan Respublikası İnzibati Xətalar Məcəlləsinin 483-cü maddəsi ilə nəzərdə tutulmuş inzibati xətanı törətməsinə dair tərtib olunmuş inzibati xəta haqqında protokol və ona əlavə olunmuş sənədlər Azərbaycan Respublikası Dövlət Gömrük Komitəsi Şimal Ərazi Baş Gömrük İdarəsinə geri qaytarılsın. Hakim: Rəşad Cavadzadə