Bakı Şəhəri Yasamal Rayon Məhkəməsi Qərar — İş №3(004)-1404/2023

Azərbaycan Respublikası adından QƏRAR Bakı şəhəri İş № 3(004)-1404/2023 20.04.2023 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclas katibi Əliyeva Zəminə Səməd qızının katibliyi ilə, Azərbaycan Respublikası İnzibati Xətalar Məcəlləsinin 215.1-ci maddəsi ilə Azərbaycan Respublikası Səhiyyə Nazirliyindən daxil olmuş inzibati xəta haqqında işə baxaraq, məhkəmə MÜƏYYƏN ETDİ: İnzibati xəta haqqında protokola əsasən ünvan 1 ünvanında fəaliyyət göstərən Şəxs MMC-yə məxsus tibb müəssisəsində xx.xx.2023-xx.xx.3023-cü il tarixdə, saat 13:00-də plandankənar yoxlama keçirilərkən lisenziyadan kənar (nevroloji) tibb fəaliyyətinin təşkil olunması aşkar edilmişdir. Bununla da Şəxs MMC İXM-in 215.1-ci maddəsində nəzərdə tutulmuş inzibati xətanı törətmişdir.Onun barəsində xx.xx.2023-cü il tarixli, MN ******* saylı inzibati xəta haqqında protokol tərtib olunmuşdur. Əvvəlki məhkəmə iclasında iştirak edən N.Med Center MMC-nin direktoru X2 protokolda yazılanları qəbul edərək N.Med Center MMC barəsində yüngül tənbeh tədbiri tətbiq edilməsini xahiş etmişdir. Məhkəmə iclasının vaxtı və yeri barədə protokol tərtib etmiş orqana lazımi qaydada məlumat verilməsinə baxmayaraq məhkəmə iclasına nümayəndələrini göndərməmiş və məhkəmə iclasının təxirə salınması barədə vəsatət daxil olmamışdır. Məhkəmə onların nümayəndələrinin iştirakı olmadan məhkəmə iclasının keçirilməsini mümkün hesab etmişdir. Məhkəmə iş materiallarını araşdırıb, toplanmış sübutlara məcmu halda hüquqi qiymət verərək hesab edir ki, Şəxs MMC-nin Azərbaycan Respublikasının İnzibati Xətalar Məcəlləsinin 215.1-ci maddəsində nəzərdə tutulan əməli törətməsi tam sübuta yetirilir. İş materiallarında olan 27 fevral 2023-cü il tarixli KY231897095 nömrəli çıxarışdan görünür ki, xx.xx.2023-xx.xx.2023-cü il tarixində N.Med Center MMC barəsində plandankənar yoxlama keçirilməsi qərara alınmışdır. İş materiallarında olan 134 nömrəli aktdan görünür ki, şikayət ərizəsinə əlavə olunan müəssisənin özü tərtib etdiyi ressept blankında X1 şəxsi möhürü vurulmuşdur. Həmin ressept blankında qeyd olunan dərman vasitələri nevroloji xəstəliklərin müalicəsi üçün nəzərədə tutlumuşdur. Müəssisə tərəfindən araşdırmaya təqdim olunmuş sertifikasiya şəhadətnaməsindən Javanshir Mohammadrezaya oftalmologiya ixtisası üzrə praktik fəaliyyətlə məşğul olmaq üçün icazə verilməsi təsdiq olunur. Bekə ki, İXM-in 215.1-ci maddəsinə əsasən tibb fəaliyyəti ilə məşğul olan şəxslər tərəfindən dövlət tibb müəssisələrinin nizamnamələrində və ya özəl tibb fəaliyyəti sahəsində onlara verilmiş lisenziyada göstərilən işlərdən və xidmətlərdən kənar tibb fəaliyyətinin həyata keçirilməsinə görə - fiziki şəxslər üç yüz manatdan beş yüz manatadək məbləğdə, vəzifəli şəxslər səkkiz yüz manatdan min manatadək məbləğdə, hüquqi şəxslər altı min manatdan səkkiz min manatadək məbləğdə cərimə edilir. Şəxs MMC-nin həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokolla və iş materiallarına əlavə edilmiş yoxlama aktı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114,128-130-cu maddərini rəhbər tutaraq, məhkəmə QƏRARA ALDİ: Şəxs MMC İnzibati Xətalar Məcəlləsinin 215.1-ci maddəsi ilə təqsirli bilinərək, 6000 (altı min) manat məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində həmin qərarı qəbul etmiş hakim vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Rəşad Cavadzadə