Bakı Şəhəri Yasamal Rayon Məhkəməsi Qərar — İş №3(004)-1438/2021

Azərbaycan Respublikası adından QƏRAR Bakı şəhəri İş № 3(004)-1438/2021 06.07.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X1 iclas katibliyi ilə Hüquqi ünvanı Bakı şəhəri, Yasamal rayonu, İ.Səfərli küçəsi, ev 20, mənzil 1-də yerləşən Şəxs MMC (VÖEN: **********) barəsində Azərbaycan Respublikası İnzibati Xətalar Məcəlləsinin 430.4-cü maddəsi ilə Azərbaycan Respublikası Mərkəzi Bankı Hüquq Departamentinin İnzibati İcraat və Məhkəmə İşləri Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs MMC tərəfindən 37850,00 ABŞ dolları məbləğində xarici valyutada olan vəsaiti ödəniş tapşırığına əsasən “xxxx” ASC Bankda olan hesabından 01.05.2019-cu il tarixində Azərbaycan Respublikasından kənara qabaqcadan ödəniş etməklə köçürmüşdür. Lakin ödənişin aparıldığı qündən 02 ildən artıq müddət keçməsinə baxmayaraq, 37850,00 ABŞ dolları məbləğində vəsait hesabına alınan malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi banka təqdim etməmiş, qabaqcadan ödənilmiş valyuta vəsaiti xaricdən qeri qaytarılmamışdır. Bununla da o, İXM-in 430.4-cü maddəsində nəzərdə tutulmuş inzibati xətanı törətmişdir. Onun barəsində 31.05.2021-ci il tarixli, MN №0436920 saylı inzibati xəta haqqında protokol tərtib olunmuşdur. Şəxs MMC-nin nümayəndəsi X2 məhkəmə iclasında bildirdi ki, Şəxs MMC ilə Türkiyə Respublikasında yerləşən X5 şirkəti ilə bağlınmış müqaviləyə əsasən xaricə pu köçürülmüşdür. Həmin xarici şirkət tərəfindən müqavilədəki malların tam şəkildə verilməsində problem yarandığı üçün, X5 şirkəti ilə digər bir xarici şirkət arasında bağlanmış müqaviləyə əsasən Şəxs MMC-nin xaricə köçürülən valyuta müqabilində həmin digər bir şirkət tərəfindən mallar Azərbaycana göndərilmişdir. Lakin köçürmə sənədindəki Şirkət, müqavilənin tarixi və nömrəsi gömrük bəyənnaməsindəki məlumatlarla üst üstə düşmədiyi üçün Mərkəzi Bank tərəfindən protokol tərtib edilmişdir. Ona görə də inzibati xəta törədilmədiyi üçün, iş üzrə icraata xitam verilməsini məhkəmədən xahiş etdi. Protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndələrini göndərməmiş və gəlməmələrinin üzrlü səbəbləri barədə məhkəməyə heç bir məlumat verməmişlər. Ona görə də məhkəmə onların iştirakı olmadan işə baxılmasını mümkün hesab edir. İXM-in 430.4-cü maddəsinə əsasən avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmaması inzibati xəta kimi müəyyən edilmişdir. Şəxs MMC-nin nümayəndəsi məhkəmə iclasında həmin MMC-nin inzibati xəta törətməməsini bildirsə də, ölkədən kənara köçürülümüş ödəniş hesabına 02 il müddətində malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən və ya valyutanın geri qaytarılmasını təsdiq edən hər hansı bir sübutu təqdim edə bilməmişdir. Təqdim edilmiş sənədlərin isə köçürülmə sənədinin təyinatındakı müqavilə və məlumatlarla əlaqəsi müəyyən edilmir. Bununla da Şəxs MMC-nin həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, “xxxx” ASC-nin 05.05.2021ci il tarixli, 29/1614 saylı məktubu ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs MMC İnzibati Xətalar Məcəlləsinin 430.4-cü maddəsi ilə təqsirli bilinərək, inzibati xətanın obyekti olmuş 37850,00 ABŞ dollarının 20% məbləğində, yəni 7570 ABŞ dolları (yeddi min beş yüz yetmiş dollar) (ödəmə günü Azərbaycan manatına məzənnə ilə) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov