Bakı Şəhəri Yasamal Rayon Məhkəməsi Qərar — İş №3(004)-1491/2021

Azərbaycan Respublikası adından QƏRAR Bakı şəhəri İş № 3(004)-1491/2021 24.06.2021 BAKI ŞƏHƏRİ YASAMAL RAYON MƏHKƏMƏSİ Hakim Əkbərli Günel Bəkir qızının sədrliyi, X4 iclas katibliyi, inzibati xəta haqqında protokol tərtib etmiş Bakı şəhəri Yasamal rayon İcra şöbəsinin icra məmuru X5, barəsində inzibati xəta haqqında iş üzrə icraat aparılan şəxs Şəxs oğlunun və zərərçəkmiş şəxs (tələbkar) - Calalova (Bəndəliyeva) Nisəxanım İlham qızının iştirakları ilə, xx xxxx 1990-cı ildə Bakı şəhərində doğulmuş, Azərbaycan Respublikasının vətəndaşı, işsiz, ünvan 1 ünvanında qeydiyyatda olmaqla yaşayan Şəxs Azərbaycan Respublikası İnzibati Xətalar Məcəlləsinin (bundan sonra İXM) 528.1-ci maddəsi ilə nəzərdə tutulmuş inzibati xətanı törətməsinə dair barəsində Yasamal rayon İcra şöbəsi tərəfindən tərtib edilmiş inzibati xəta haqqında protokol üzrə işə açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İXM-nin 528.1-ci maddəsi ilə nəzərdə tutulmuş inzibati xətanı törətməsinə dair Bakı şəhəri Yasamal rayon İcra şöbəsinin icra məmuru X8 tərəfindən tərtib edilmiş 24 iyun 2021-ci il tarixli MN seriyalı ******* nömrəli inzibati xəta haqqında protokol baxılması üçün aidiyyəti üzrə Yasamal Rayon Məhkəməsinə göndərilmişdir. İnzibati xəta haqqında protokoldan görünür ki, Yasamal Rayon Məhkəməsinin 01 avqust 2018-ci il tarixli 2(004)-3320/2018 nömrəli icra sənədinə əsasən borclu Şəxs azyaşlı övladının saxlanması üçün hər ay sabit pul məbləğində 154 (yüz əlli dörd) manat və uşaq 3 yaşına çatana qədər onun ehtiyaclarının qarşılanması üçün 50 (əlli) manat sabit pul məbləğində aliment tutularaq X2 ödənilməlidir. Borclu Şəxs dəfələrlə xəbərdarlıq olunmasına və izahatının alınmasına baxmayaraq, icra sənədi üzrə hazıradək yaranmış 7306 (yeddi min üç yüz altı) manat aliment borcunu icra etməkdən və icra sənədi üzrə icra məmurunun qanuni tələblərini yerinə yetirməkdən üzrsüz səbəbdən qəsdən boyun qaçırmışdır. Göstərilənlərə əsasən, Şəxs barəsində Azərbaycan Respublikasının İXM-nin 528.1-ci (məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə) maddəsi ilə nəzərdə tutulmuş inzibati xətanı törətməsinə dair protokol tərtib edilmişdir. Şəxs protokolla tanış olaraq imzalamışdır. Məhkəmə iclasında iştirak edən Bakı şəhəri Yasamal rayon İcra şöbəsinin icra məmuru X8 tərtib etdiyi inzibati xəta haqqında protokolu müdafiə edərək bildirmişdir ki, Yasamal Rayon Məhkəməsinin 01 avqust 2018-ci il tarixli 2(004)-3320/2018 nömrəli icra sənədinə əsasən borclu Şəxs 27.05.2017-ci il təvəllüdlü X1 üçün hər ay sabit pul məbləğində 154 (yüz əlli dörd) manat və uşaq 3 yaşına çatana qədər onun ehtiyaclarının qarşılanması üçün 50 (əlli) manat sabit pul məbləğində aliment tutularaq Calalova (Bəndəliyeva) Nisəxanım İlham qızına ödənilməlidir. 02 avqust 2018-ci il tarixli qərarla icra sənədi üzrə icraata başlanılmış, tələbin könüllü icrası barədə bildiriş və icra sənədinin surəti birlikdə icra edilməsi üçün borclu Şəxs şəxsən imza etməklə təqdim edilmişdr. Eyni zamanda məhkəmənin qanuni qüvvəyə minmiş qərarının icra edilməməsinə görə qanunvericiliklə nəzərdə tutulmuş məsuliyyət barədə ona xəbərdarlıq edilmişdir. Şəxs icraata başlama haqqında qərar və tələbin könüllü icrası barədə bildiriş 02 avqust 2018-ci il tarixdə rəsmi qaydada təqdim edilmişdir. İcraat zamanı Şəxs barəsində zəruri məcburi icra tədbirləri görülməsi üçün sorğular verilmişdir. Lakin hazıradək borclunun mülkiyyətində hər hansı bir əmlakı, bankda hesabı, əmək haqqı, pensiya və ya digər vəsaiti müəyyən edilməmişdir. Yalnız mülkiyyətində bir ədəd nəqliyyat vasitəsi aşkar edilmiş, həmin nəqliyyat vasitəsinin üzərinə məhkəmənin qərardadı ilə həbs qoyulmasına baxmayaraq aşkar edilmədiyindən icra edilməsi mümkün olmamışdır. Eyni zamanda borclu dəfələrlə çağırışlara gəlməkdən boyun qaçırmış və barəsində axtarış elan edilmişdir. Lakin borclu bütün bu tədbirlərə, o cümlədən Azərbaycan Respublikası İXM-nin 528.1-ci maddəsinin məzmunu ona izah edilməklə məsuliyyət barədə xəbərdarlıq edilməsinə baxmayaraq icra məmurunun qanuni tələblərinə qəsdən üzrsüz səbəbdən əməl etməmiş, eləcə də icra sənədi üzrə hazıradək ödənişləri vaxtlı-vaxtında və tam olaraq icra etməmiş, buna görə də onun ümumilikdə 7306 (yeddi min üç yüz altı manat) manat aliment borcu yaranmışdır. Tələbkar Calalova (Bəndəliyeva) Nisəxanım İlham qızı isə İcra şöbəsinə müraciət edərək borcun tam şəkildə ödənilməsini və borclu barəsində zəruri təsir tədbirlərinin görülməsini tələb etmişdir. Odur ki, Şəxs icra sənədini icra etməkdən üzrsüz səbəbdən qəsdən boyun qaçıraraq icra məmurunun qanuni tələblərini yerinə yetirməmişdir. Göstərilənlərə əsasən, icra məmuru X8 borclu Şəxs inzibati məsuliyyətə cəlb edilməsini məhkəmədən xahiş etdi. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs bildirmişdir ki, hazırda Yasamal Rayon Məhkəməsinin 01 avqust 2018ci il tarixli 2(004)-3320/2018 nömrəli icra sənədinə əsasən 7306 (yeddi min üç yüz altı manat) manat borcu qalmışdır. Aliment borcuna görə Yasamal Rayon Məhkəməsinin 14 fevral 2020-ci il tarixli 3(004)-695/2020 nömrəli qərarına əsasən inzibati qaydada həbs olunduqdan sonra işsiz olması səbəbi ilə aliment borcu üzrə ödəniş edə bilməmişdir. Hazırda da borcundan ödəniş etmək niyyətində deyil. Belə ki, tələbkar tərəfindən övladının adının onun ata adına dəyişdirilməməsi şəxsi prinsipial məsələ olduğundan gələcəkdə də öz borcunu ödəmək niyyətində deyildir. O, şöbədə olarkən icra məmuru tərəfindən məhkəmənin icra sənədinin icra edilməməsinə görə qanunvericiliklə nəzərdə tutulmuş məsuliyyət barədə ona xəbərdarlıq edilmişdir. Lakin hazıra yaranmış 7306 (yeddi min üç yüz altı manat) manat aliment borcunu ödəmək imkanı yoxdur, eyni zamanda tələbkarla razılıq əldə etmək niyyətində deyil. Şəxs göstərilən hallar nəzərə alınaraq barəsində qanuna müvafiq ədalətli qərarın qəbul edilməsini məhkəmənin mülahizəsinə buraxdığını bildirdi. Məhkəmə iclasında iştirak edən zərərçəkmiş şəxs (tələbkar) Calalova (Bəndəliyeva) Nisəxanım İlham qızı izahatında bildirmişdir ki, borclu Şəxs hazıradək müxtəlif bəhanələr gətirərək icra sənədi üzrə heç bir ödəniş etməmişdir və hər dəfə də belə bir niyyətinin olmadığını ona açıq-aşkar bildirmişdir. Odur ki, o/, yaranmış borcun tam ödənilməsini tələb etməklə borclu Şəxs barəsində qanunvericiliklə nəzərdə tutulmuş daha ciddi tənbeh tədbirinin tətbiq edilməsini məhkəmədən xahiş etdi. Məhkəmə proses iştirakçılarının izahatlarını, inzibati xəta haqqında protokolu nəzərdən keçirib, həmçinin icra işinin materiallarını araşdıraraq, toplanmış sübutlara məcmu halda hüquqi qiymət verərək hesab edir ki, Şəxs tərəfindən Azərbaycan Respublikasının İXM-nin 528.1-ci maddəsində nəzərdə tutulan əməlin törədilməsi tam sübuta yetirilir. Belə ki, iş materiallarından görünür ki, Yasamal Rayon Məhkəməsinin 01 avqust 2018-ci il tarixli 2(004)-3320/2018 nömrəli icra sənədinə əsasən borclu Şəxs 27 may 2017-ci il təvəllüdlü X1 üçün hər ay sabit pul məbləğində 154 (yüz əlli dörd) manat və uşaq 3 yaşına çatana qədər onun ehtiyaclarının qarşılanması üçün 50 (əlli) manat sabit pul məbləğində aliment tutularaq Calalova (Bəndəliyeva) Nisəxanım İlham qızına ödənilməlidir. O, icraata başlanılması və tələbin könüllü icrasına dair bildirişi 02 avqust 2018-ci il tarixdə rəsmi qaydada təhvil almışdır. Bundan başqa borclu Şəxs tələbin könüllü icrasına dair bildirişə əsasən, eyni zamanda Yasamal rayon İcra şöbəsində izahatları alınarkən məhkəmənin qanuni qüvvəyə minmiş qərarının icra edilməməsinə görə qanunvericiliklə nəzərdə tutulmuş məsuliyyət barədə xəbərdarlıq edilmişdir. Həmçinin icra sənədi üzrə məcburi icra tədbirlərinin həyata keçirilməsi məqsədilə icra məmuru tərəfindən zəruri tədbirlər görülmüş, müvafiq qurumlara sorğular göndərilmiş, lakin borclunun mülkiyyətində hər hansı bir əmlakı, bankda hesabı, əmək haqqı, pensiya və ya digər vəsaiti müəyyən edilməmişdir. Borclu Calalova (Bəndəliyeva) Nisəxanım İlham qızı tərəfindən isə İcra şöbəsinə məcburi icra tədbirlərinin həyata keçirilməsi barədə ərizələri daxil olmuşdur. Məhkəmə icra sənədi üzrə borclu Şəxsun məhkəmə iclasında verdiyi izahatında göstərilən xüsusatlara tənqidi yanaşaraq hesab edir ki, azyaşlı övladının saxlanılması üçün aliment borcu üzrə heç bir ödəniş etməməsi, bunun səbəbi olaraq övladının adının dəyişdirilməsi olaraq kimi göstərməsini öz öhdəliklərindən qəsdən üzrsüz səbəbdən yayınması kimi qiymətləndirilməlidir. Beləliklə məhkəmə tərəfindən müəyyən edilmişdir ki, Şəxs barəsində görülmüş məcburi icra tədbirlərinə baxmayaraq məhkəmənin icra sənədinin icrası ilə bağlı icra məmurunun qanuni tələblərini yerinə yetirməkdən qəsdən yayınmış, dəfələrlə çağırışlara gəlmək yayındığı üçün barəsində axtarış elan edilmiş, əvvəllər qeyd olunan əmələ görə inzibati məsuliyyətə cəlb edilməsinə baxmayaraq yenidən icra sənədi üzrə öhdəliklərini icra etməmiş və hal-hazıradək onun icra sənədi üzrə 7306 (yeddi min üç yüz altı manat) manat məbləğində aliment borcu yaranmışdır. Bununla da, Şəxs məhkəmə qətnaməsinin icrası ilə əlaqədar icra məmurunun qanuni tələblərini yetirməməklə və icra sənədini üzrsüz səbəbdən icra etməməklə Azərbaycan Respublikası İXM-nin 528.1-ci maddəsində nəzərdə tutulan inzibati xətanı törətmişdir. Göstərilənlərə əsasən məhkəmə iş üzrə sübutlara məcmu halında qiymət verib, barəsində inzibati xəta haqqında iş üzrə icraat aparılan şəxsin şəxsiyyətini və işin faktiki hallarını nəzərə alaraq belə nəticəyə gəlir ki, barəsində inzibati icraat aparılan şəxs Şəxs Azərbaycan Respublikası İXM-nin 528.1-ci maddəsində nəzərdə tutulmuş inzibati xətanı törətməkdə təqsirli bilinməli və barəsində həmin maddənin sanksiyası həddində daha ciddi inzibati tənbeh tədbiri tətbiq edilməlidir. Belə ki, Azərbaycan Respublikası Konstitusiyasının 129-cu maddəsinin tələbinə görə məhkəmənin qəbul etdiyi qərarlar dövlətin adından çıxarılır və onların icrası məcburidir. Azərbaycan Respublikası MPM-nin 15.1-ci maddəsinə əsasən məhkəmə, məhkəmə aktlarını qətnamə, qərardad, qərar və əmr formasında qəbul edir. Həmin Məcəllənin 15.2-ci maddəsinə əsasən məhkəmələrin qanuni qüvvəyə minmiş qətnaməsi, qərardadı, qərarı, əmri bütün dövlət hakimiyyəti, yerli özünüidarə orqanları, onların vəzifəli şəxsləri, ictimai birliklər, siyasi partiyalar, həmkarlar ittifaqları, onların vəzifəli şəxsləri, həmçinin fiziki və hüquqi şəxslər üçün məcburidir və Azərbaycan Respublikasının bütün ərazisində hökmən icra olunmalıdır. Həmin Məcəllənin 15.3-cü maddəsinə əsasən məhkəmə aktının icra olunmaması, habelə məhkəməyə digər hörmətsizlik halları qanunda nəzərdə tutulmuş məsuliyyətlə nəticələnir. «İcra haqqında» Azərbaycan Respublikası Qanununun 82.1-ci maddəsinə əsasən borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədi icra məmuru tərəfindən müəyyən olunmuş müddətdə üzrsüz səbəbdən icra olunmadıqda, icra məmuru borclunun Azərbaycan Respublikasının qanunvericiliyi ilə nəzərdə tutulmuş qaydada inzibati məsuliyyətə cəlb olunması üçün inzibati xəta haqqında protokol tərtib edir və onu işin digər materialları ilə birlikdə müvafiq məhkəməyə göndərir. Azərbaycan Respublikasının İXM-nin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə - fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Həmin Məcəllənin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərərçəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Məhkəmə Şəxs barəsində inzibati tənbeh tətbiq edərkən onun törətdiyi inzibati xətanın xarakterini və ictimai təhlükəlilik dərəcəsini, inzibati xəta törədən şəxsin şəxsiyyətini, onun əmlak vəziyyətini, o cümlədən Azərbaycan Respublikasının İXM-nin 32 və 33-cü maddələrində nəzərdə tutulmuş məsuliyyəti yüngülləşdirən və ağırlaşdıran halların olmamasını nəzərə alır. Məhkəmə Şəxs törətdiyi inzibati xətanın hallarını nəzərə alaraq hesab edir ki, onun barəsində Azərbaycan Respublikası İXM-nin 528.1-ci maddəsinin sanksiyasında nəzərdə tutulmuş həbs növündə inzibati tənbeh tədbiri təyin edilməli və inzibati həbsdə saxlama müddətinin əvvəli onun azadlığının faktiki məhdudlaşdırıldığı vaxtdan, yəni məhkəməyə gətirildiyi 24 iyun 2021-ci il tarixdən saat 17:00-dan hesablanmalıdır. Yuxarıda göstərilənlərə əsasən və Azərbaycan Respublikasının İXM-nin 21, 43, 106- 112, 114.1.1, 115.1, 115.5, 117, 128.2.1, 130.1 və 528.1-ci maddələrini rəhbər tutaraq, məhkəmə QƏRARA ALDİ : Şəxs Azərbaycan Respublikasının İXM-nin 528.1-ci maddəsi ilə təqsirli bilinsin və barəsində 20 (iyirmi) gün müddətinə inzibati həbs növündə inzibati tənbeh tədbiri təyin edilsin. İnzibati həbs haqqında qərar dərhal icra edilsin. İnzibati həbs etmənin əvvəli 24 iyun 2021-ci il tarixdən saat 17:00-dan hesablansın. Şəxs Azərbaycan Respublikası Daxili İşlər Nazirliyinin İnzibati həbs olunanların saxlanılma məntəqəsində mühafizə altında saxlanılsın. Qərarın icrası Yasamal rayon Polis İdarəsinə və Bakı şəhəri Yasamal rayon İcra şöbəsinə həvalə edilsin. Qərarın surəti rəsmi qaydada təqdim edildiyi və ya alındığı gündən 10 (on) gün müddətində həmin qərarı qəbul etmiş hakim vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Günel Əkbərli