Bakı Şəhəri Yasamal Rayon Məhkəməsi Qərar — İş №3(004)-1621/2021

Azərbaycan Respublikası adından QƏRAR Bakı şəhəri İş № 3(004)-1621/2021 30.07.2021 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Əliyeva Zəminə Səməd qızının katibliyi ilə, Barəsində inzibati xəta haqqında iş üzrə qərar qəbul edilmiş X2 Nəsimi Rayon Polis İdarəsinin 22-ci PB-nin qərarından verdiyi şikayətə açıq məhkəmə iclasında baxaraq, məhkəmə müəyyən etdi: X1 Rayon Polis İdarəsinin 22-ci Polis Bölməsinin 12.07.2021-ci il tarixli EXP ******* nömrəli qərarından şikayət ərizəsi ilə məhkəməyə müraciət edərək həmin qərarın ləğv edilməsi haqqında qərar qəbul edilməsini xahiş etmişdir. Şikayət ərizəsi onunla əsaslandırılmışdır ki, 28 may metro stansiyasından çıxan zaman üzərində olan maska burun nahiyyəsindən aşağı olmuşdur. İsti yay günləri çox tərlədiyi üçün maska ilə nəfəs almaq çətinlik yaratdığından maskanı aşağı çəkmişdir. Polis əməmkdaşı ona yaxınlaşıb irad bildirərək barəsində protokol tərtib etmişdir. Göstərilənlərə əsasən, sözügedən qərarın ləğv edilməsini xahiş etmişdir. Məhkəmə iclasının yeri və vaxtı barədə lazımı qaydada xəbərdar edilmiş şikayətçi və qərarından şikayət verilmiş orqan məhkəmə iclasına gəlməmiş və ya nümayəndəsini göndərməmiş və bunun səbəbi barədə heç bir məlumat verməmişlər. Məhkəmə işə tərəflərin iştirakı olmadan baxılmasını mümkün hesab etmişdir. Məhkəmə iş materiallarını araşdıraraq belə nəticəyə gəlir ki, şikayət təmin edilməməlidir. Belə ki, iş materiallarında olan Bakı şəhər Nəsimi Rayon Polis İdarəsinin səlahiyyətli əməkdaşı tərəfindən qəbul edilmiş 12.07.2021-ci il tarixli, EPQ ******* saylı inzibati tənbeh vermə haqqında qərardan görünür ki, X3 12.07.2021-ci il tarixdə, saat 14:48-də Bakı şəhəri Nəsimi rayonu 28 may stansiyasında hərərkət edərkən epidemiya əleyhinə rejimi, sanitariya-gigiyena və karantin rejimlərini pozaraq Azərbaycan Respublikası İXM-nin 211.3-cü maddəsində nəzərdə tutulmuş inzibati xətanı törətməkdə təqsirli bilinərək 200 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin 211.3-cü maddəsinə əsasən epidemiya əleyhinə rejim, sanitariya-gigiyena və karantin rejimləri dövründə fərdi qoruyucu vasitələrdən istifadə ilə bağlı müvafiq icra hakimiyyəti orqanı tərəfindən müəyyən edilən tələblərin pozulmasına, habelə vəzifəli şəxslər və hüquqi şəxslər tərəfindən həmin tələblərin pozulmasının qarşısının alınmamasına görə inzibati tənbeh almış şəxs tərəfindən inzibati tənbeh vermə haqqında qərar qüvvəyə mindiyi gündən bir il ərzində təkrar törədilməsinə görə fiziki şəxslər iki yüz manat məbləğində cərimə edilir. X3 Azərbaycan Respublikası İnzibati Xətalar Məcəlləsinin 211.2-ci maddəsində nəzərdə tutulmuş inzibati xətanın törətməsini məhkəməyə müraciət etdiyi ərizəsində etiraf etdiyindən məhkəmə hesab edir ki, şikayətin dəlilləri əsassızdır və inzibati xəta haqqında iş üzrə Bakı şəhər Nəsimi Rayon Polis İdarəsinin səlahiyyətli əməkdaşı tərəfindən qəbul edilmiş 12.07.2021-ci il tarixli, EPQ ******* saylı qərarı qanuni və əsaslıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 130, 133-134 və 136-cı maddələrini rəhbər tutaraq məhkəmə qərara aldı: Barəsində inzibati xəta haqqında iş üzrə qərar qəbul edilmiş X2 Bakı şəhər Nəsimi Rayon Polis İdarəsinin səlahiyyətli əməkdaşı tərəfindən qəbul edilmiş 12.07.2021-ci il tarixli, EPQ ******* saylı qərarından verdiyi şikayət təmin edilməsin. Qərarın surəti rəsmi qaydada alındığı gündən 10 (on) gün müddətində Bakı Apellyasiya Məhkəməsinə şikayət verilə bilər. Hakim: Rəşad Cavadzadə