Bakı Şəhəri Yasamal Rayon Məhkəməsi Qərar — İş №3(004)-1655/2021

Azərbaycan Respublikası adından QƏRAR Bakı şəhəri İş № 3(004)-1655/2021 27.07.2021 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi ilə, Barəsində inzibati xəta haqqında iş üzrə qərar qəbul edilmiş X2 Səbail rayon DYPŞ 10.07.2021-ci il tarixli, TP ******* saylı inzibati tənbeh vermə haqqında qərarından verdiyi şikayətə açıq məhkəmə iclasında baxaraq məhkəmə müəyyən etdi: X1 rayon DYPŞ 10.07.2021-ci il tarixli, TP ******* saylı inzibati tənbeh vermə haqqında qərarından şikayət ərizəsi ilə məhkəməyə müraciət edərək, həmin qərarın ləğv edilməsini xahiş etmişdir. Şikayət ərizəsi onunla əsaslandırılmışdır ki, 10.07.2021-ci il tarixdə saat 09.30 radələrində Bakı şəhər DYPİ Yol patrul xidməti ispektoru polis serjantı idarə etdiyi Toyota Prado minik markalı 90AC766 dövlət qeydiyyat nişanlı avtomobili saxlamış və onun sözügedən avtomobili idarə etmək üçün səlahiyyəti olub-olmamasını yoxlamış, sürücülük vəsiqəsinə və müvafiq yol vərəqəsinə baxaraq sağollaşıb getmişdir. Lakin, buna baxmayaraq üzərindən təxmini bir neçə saat keçdikdən sonra barəsində İXP ******* saylı, 10.07.2021-ci il tarixli inzibati xəta haqqında protokol tərtib edilməsi barədə telefonuna sms gəlmişdir. Həmin protokola əsasən o, Azərbaycan Respublikası İXM-nin 342.6-cı maddəsi ilə təqsirli bilinərək 50 manat məbləğində cərimə olunmuşdur. O, ona istinad olunan inzibati xətanı törətməmişdir. O, avtomobili idarə edərkən telefon vasitəsini əldə saxlamamışdır, nə də ondan istifadə etməmişdir və İXM- nin 342.6-cı maddəsininin tələblərini pozmamışdır. Bakı şəhər DYPİ Yol patrul xidmətinin sözügedən ispektoru qanunsuz və əsassız olaraq barəsində İXP ******* saylı 10.07.2021-cı il tarixli inzibati xəta haqqında protokol tərtib etmiş və həmin protokol əsasında 10.07.2021-ci il tarixli inzibati xəta haqqında iş üzrə qərar qəbul edilmişdir. Məhkəmə iclasının yeri və vaxtı barədə lazımı qaydada xəbərdar edilmiş şikayətçi və qərarından şikayət verilmiş orqan məhkəmə iclasına gəlməmiş və məhkəməyə gəlməməsinin səbəbi barədə heç bir məlumat verməmişdir. Məhkəmə işə şikayətçinin və qərarından şikayət verilmiş orqanın iştirakı olmadan baxılmasını mümkün hesab edir. Məhkəmə iş materiallarını araşdıraraq belə nəticəyə gəlir ki, şikayət təmin edilməlidir. Belə ki, iş materiallarında olan 10.07.2021-ci il tarixli, İXP ******* saylı inzibati xəta haqqında protokoldan görünür ki, X4 tərəfindən 10.07.2021-ci il tarixdə 11:04 radələrində idarə etdiyi “X6 Prado” minik markalı 90AC766 dövlət qeydiyyat nişanlı avtomobilin hərəkəti zamanı telefonu əldə saxlamaqla ondan istifadə etdiyinə görə Azərbaycan Respublikası İnzibati Xətalar Məcəlləsinin 342.6-ci maddəsində nəzərdə tutulmuş inzibati xətanı törətməkdə təqsirli bilinərək 50 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin 342.6-ci maddəsinə əsasən, nəqliyyat vasitəsinin hərəkəti zamanı sürücünün telefonu əldə saxlamaqla ondan istifadə etməsinə görə -əlli manat məbləğində cərimə edilir. Azərbaycan Respublikası İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və hərəkətsizlik) törətmiş şəxs inzibati məsuliyyətə cəlb olunur və tənbeh edilir. Həmin Məcəllənin 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Məhkəmə araşdırılması zamanı X4 tərəfindən nəqliyyat vasitəsinin hərəkəti zamanı sürücünün telefonu əldə saxlamaqla ondan istifadə etməsi öz təsdiqini tapmamışdır. Belə ki, inzibati xəta haqqında protokol əsasında qəbul edilmiş qərarda göstərilmiş vaxtda X4 tərəfindən nəqliyyat vasitəsinin hərəkəti zamanı telefonu əldə saxlamaqla ondan istifadə etməsi barədə heç bir əsaslandırma (sübut) mövcud deyildir. Qeyd olunanlara əsasən məhkəmə hesab edir ki, X2 Azərbaycan Respublikası İnzibati Xətalar Məcəlləsinin 342.6-ci maddəsində nəzərdə tutulan inzibati xətanı törətməkdə təqsirli olması qanunla müəyyən olunmuş qaydada sübut olunmur. Ona görə də X2 Azərbaycan Respublikası İnzibati Xətalar Məcəlləsinin 342.6-ci maddəsi ilə təqsirli bilinərək 50 (əlli) manat məbləğində cərimə olunmasına dair Səbail rayon DYPŞ 10.07.2021-ci il tarixli, TP ******* saylı qərarı ləğv edilməli və inzibati xəta haqqında iş üzrə icraata xitam verilməlidir. Belə ki, Azərbaycan Respublikası İnzibati Xətalar Məcəlləsinin 53.0.2-ci maddəsinə əsasən inzibati xəta tərkibi olmadıqda inzibati xəta haqqında iş üzrə icraat xitam verilir. Eyni Məcəllənin 134.1.3-cü maddəsinə əsasən inzibati xəta haqqında iş üzrə qərardan verilən şikayətə və ya protestə baxılaraq bu Məcəllənin 53-cü maddəsində nəzərdə tutulduğu hallarda qərarı ləğv edərək inzibati xəta haqqında iş üzrə icraata xitam verilməsi haqqında qərar qəbul edilir. Göstərilənlərə əsasən və Azərbaycan Respublikası İnzibati Xətalar Məcəlləsinin 130, 133-134 və 136-cı maddələrini rəhbər tutaraq məhkəmə qərara aldı: Şikayət təmin edilsin. X2 Azərbaycan Respublikası İnzibati Xətalar Məcəlləsinin 342.6-ci maddəsi ilə təqsirli bilinərək 50 (əlli) manat məbləğində cərimə olunmasına dair Səbail rayon DYPŞ 10.07.2021-ci il tarixli, TP ******* saylı inzibati tənbeh vermə haqqında qərarı ləğv edilsin və inzibati xəta haqqında iş üzrə icraata xitam verilsin. Qərarın surəti rəsmi qaydada alındığı gündən 10 (on) gün müddətində Bakı Apellyasiya Məhkəməsinə şikayət verilə bilər. Hakim: Rəşad Cavadzadə