Bakı Şəhəri Yasamal Rayon Məhkəməsi Qərardad — İş №3(004)-1812/2020

Azərbaycan Respublikası adından QƏRARDAD Bakı şəhəri İş № 3(004)-1812/2020 04.08.2020 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Daşdəmirov Rauf Məhərrəməli oğlunun sədrliyi ilə, X1 Rövşən oğlunun Azərbaycan Respublikası Daxili İşlər Nazirliyinin Bakı şəhəri Baş Polis İdarəsi Dövlət X2 yol patrul xidmətinin inzibati xəta haqqında iş üzrə protokol və onun əsasında qəbul olunmuş qərardan verdiyi şikayətə baxaraq, MÜƏYYƏN ETDİ: X1 Rövşən oğlu inzibati xəta haqqında iş üzrə şikayətlə məhkəməyə müraciət edərək, Azərbaycan Respublikası Daxili İşlər Nazirliyinin Bakı şəhəri Baş Polis İdarəsi Dövlət X2 İXP ******* saylı protokol üzrə xx xxxx 2020-ci il tarixli cərimə qərarının ləğv edilməsi barədə qərar qəbul edilməsini xahiş etmişdir. Şikayəti və təqdim edilmiş sənədləri nəzərdən keçirərək hesab edirəm ki, şikayətə baxılması qeyri-mümkündür, ona görə də geri qaytarılmalıdır. Belə ki, barəsində şikayət edilən protokol əsasında qəbul edilmiş hər hansı bir qərar şikayətçi tərəfindən məhkəməyə təqdim edilməmişdir. Habelə ərizə müraciət müəllifi tərəfindən imzalanmamış və onun tərtib edildiyi tarix göstərilməmişdir. Şikayətdən göründüyü kimi səlahiyyətli orqan (vəzifəli şəxs) tərəfindən protokol tərtib edilmişdir və onun əsasında qərar qəbul edilmiş, lakin həmin qərar şikayətə əlavə edilməmişdir. İXM-in 129-cü maddəsi inzibati xəta haqqında iş üzrə qərardan şikayət və ya protest vermə qaydasını müəyyən edir. Yəni məhkəməyə İXM-in 129-cü maddəsinə əsasən şikayət verilirsə, qərar mövcud olmalıdır ki, şikayət verilə bilsin və məhkəmə həmin qərardan şikayətə baxa bilsin. İXM-in 132.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim, səlahiyyətli orqan (vəzifəli şəxs) tərəfindən həll edilən məsələlərdən biri də İXM-in 132.1.1-ci maddəsinə əsasən inzibati xəta haqqında iş həmin hakimə, səlahiyyətli orqana (vəzifəli şəxsə) aid olub-olmamasını yoxlamaqdır. Eyni zamanda Azərbaycan Respublikası “Vətəndaşların müraciətlərinə baxılması haqqında” Qanununun 6.5-ci maddəsinə görə kağız üzərində yazılı müraciəti fiziki şəxs və ya hüquqi şəxsin rəhbəri, yaxud onların səlahiyyətli nümayəndəsi imzalamalı və tarix qoymalıdır. Protokoldan şikayətə baxmaq məhkəmənin səlahiyyətinə aid deyildir, protokol əsasında qəbul olunmuş qərar isə şikayətə əlavə edilməmişdir. Ərizə müraciət müəllifi tərəfindən imzalanmamış və onun tərtib edildiyi tarix göstərilməmişdir. Ona görə də şikayət geri qaytarılmalıdır. Şərh olunanlara əsasən və Azərbaycan Respublikası İnzibati Xətalar Məcəlləsinin 128-137-ci maddələrinə əsasən, QƏRARA ALDİ: X1 Rövşən oğlunun Azərbaycan Respublikası Daxili İşlər Nazirliyinin Bakı şəhəri Baş Polis İdarəsi Dövlət X2 inzibati xəta haqqında iş üzrə protokol və onun əsasında qəbul olunmuş qərardan verdiyi şikayətvə əlavə edilmiş sənədlər geri qaytarılsın. Hakim: Rauf Daşdəmirov