Bakı Şəhəri Yasamal Rayon Məhkəməsi Qərar — İş №3(004)-1866/2020

Azərbaycan Respublikası adından QƏRAR Bakı şəhəri İş № 3(004)-1866/2020 10.11.2020 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, İsmayılzadə Turan Tahir qızının katibliyi ilə, X1 inzibati xəta haqqında iş üzrə qərardan verdiyi şikayətə baxaraq, MÜƏYYƏN ETDİ: X2 Abşeron rayon Polis Şöbəsinin Yol Patrul Xidmətinin TP seriyalı ******* saylı, xx xxxx 2020-ci il tarixli qərarından şikayət verərək, həmin qərarın ləğv edilməsi barədə qərar çıxarılmasını xahiş etmişdir. Şikayətçi şikayətini onunla əsaslandırmışdı ki, o, xx xxxx 2020-ci il tarixdə özünə məxsus “Hyundai Elantra” markalı **-LH-*** dövlət qeydiyyat nişanlı avtomobili ilə Novxanı ərazisindən şəhər istiqamətində hərəkətdə olarkən Abşeron RPŞ Yol Patrul Xidmətinin əməkdaşları tərəfindən saxlanılmışdır. Avtomobildə o və X4 olmuşdur və YPX əməkdaşları onları saxlayarkən yalnız qohumluq əlaqəsinin olub-olmaması barədə sual vermişlər. Şəxsi nəqliyyatda olan iki sərnişin arasında qohumluq əlaqəsi olmaması və buna görə şəxsi nəqliyyatda tənəffüs yollarını qoruyan fərdi vasitələrdən istifadə olmaması səbəbindən hər birinə 100 manat cərimə tətbiq olunması barədə bildiriş gəlmişdir. Yekun olaraq o TP seriyalı ******* saylı, xx xxxx 2020-ci il tarixli qərarının və cərimə məbləğinin ləğv edilməsi barədə qərar qəbul edilməsi məhkəmədən xahiş edilmişdir. Şikayətçi və qərarından şikayət verilən orqan məhkəmə iclasının yeri və vaxtı barədə müvafiq qaydada xəbərdar edilsə də, məhkəmə iclasına gəlməmiş və gəlməməsinin üzürlü səbəbləri barədə məhkəməyə məlumat verməmişdir. Buna görə də, məhkəmə onun iştrakı olmadan işə baxılmasını mümkün hesab etmişdir. Məhkəmə şikayəti və materialları nəzərdən keçirdərək hesab edir ki, şikayət təmin edilməməlidir. Belə ki, iş materiallarında olan Abşeron rayon Polis Şöbəsinin Yol Patrul Xidmətinin xx xxxx 2020-ci il tarixliTP seriyalı ******* saylı inzibati xəta haqqında protokol üzrə qəbul edilmişqərara əsasən X9 İXM-in 211.2-ci maddəsi ilə təqsirli bilinib100 manat cərimə edilmişdir. İş materiallarında olan Azərbaycan Respublikası Daxili İşlər Nazirliyi Abşeron Rayon Polis İdarəsinin xx.xx.2020-c il tarixli məktubdan görünür ki, X6 barəsində qəbul edilmiş TP ******* nömrəli inzibati tənbeh vermə haqqında qərar üzrə müəyyən edilmiş cərimə məbləği xx.xx.2020-ci tarixdə ödənilmişidr. Şikayətçi faktiki olaraq şikayətində həmin qərarın qanunsuzluğu barədə hər hansı bir konkret fakt göstərməmişdir. Qərardan narazı olduğu üçün ləğv edilməsini xahiş etmişdir, bu barədə əsaslı dəlili məhkəməyə təqdim edə bilməmişdir. İXM-in76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir. Həmçinin həmin qərarla xəta törətmiş şəxs maddənin sanksiyada nəzərdə tutulmuş həddə inzibati tənbeh edilmişdir. Ona görə də inzibati tənbehin daha da yüngülləşdirilməsi və qərarın dəyişdirilməsi üçün əsaslar da yoxdur. Həmçinin İXM-in 135.1.6-cı maddəsinə əsasən həmin Məcəllə ilə müəyyən edilmiş tələblərin işin hallarının hərtərəfli, tam və obyektiv araşdırılmasına maneə törədəcək dərəcədə pozulması inzibati xəta haqqında iş üzrə qərarın ləğv edilməsi və ya dəyişdirilməsi üçün əsaslardan biri kimi müəyyən edilmişdir. Lakin hazırkı iş üzrə işin hallarının hərtərəfli, tam və obyektiv araşdırılmasına maneçilik törədəcək dərəcədə İXM-in tələblərinin pozuntusu müəyyən edilmədi. İnzibati xəta haqqında iş üzrə qərardan verilən şikayət və ya protestə baxılması nəticəsində İXM-in 134-cü maddəsində sadalanmış qərarlardan biri çıxarılır. Qeyd edilənlərə əsasən məhkəmə hesab edir ki, qərar qanunidir, şikayət əsassızdır və təmin edilməməlidir, barəsində şikayət verilən qərar dəyişdirilmədən saxlanılmalıdır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 128-137-ci maddərini rəhbər tutaraq, QƏRARA ALDİ: X1 Abşeron rayon Polis Şöbəsinin Yol Patrul Xidmətinin xx xxxx 2020-ci il tarixli TP seriyalı ******* saylı inzibati xəta haqqında protokol əsasında qəbul edilmiş qərardan verdiyi şikayət təmin edilməsin, həmin qərar dəyişdirilmədən saxlanılsın. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim: Rauf Daşdəmirov