Bakı Şəhəri Yasamal Rayon Məhkəməsi Qərardad — İş №3(004)-1984/2020

Azərbaycan Respublikası adından QƏRARDAD Bakı şəhəri İş № 3(004)-1984/2020 24.08.2020 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlu, X2 Yasamal RPİ-nin 26-cı Polis Bölməsi tərəfindən tərtib olunmuş protokol əsasında qəbul edilmiş xx.xx.2020-ci il tarixli MN ******* saylı qərarın ləğv edilməsi barədə şikayətinə baxaraq, m ü ə y y ə n e t d i m: X1 RPİ-nin 26-cı Polis Bölməsi tərəfindən tərtib olunmuş protokol əsasında qəbul edilmiş xx.xx.2020-ci il tarixli MN ******* saylı qərarından şikayət ərizəsi ilə məhkəməyə müraciət etmişdir. Məhkəmə şikayət ərizəsini və ona əlavə edilmiş sənədləri araşdıraraq hesab edir ki, inzibati qərardan şikayət vermə müddəti ötürüldüyündən və ötürülmüş müddətin üzürlü sayılmasına dair vəsatət verilmədiyindən şikayət ərizəsi geri qaytarılmalıdır. Belə ki, məhkəmə ilk növbədə qeyd edir ki, şikayətçinin xahişi şikayətdə konkret olaraq qeyd edilməmişdir. Bundan əlavə, şikayətin məzmunundan və şikayətə əlavə edilmiş Yasamal RPİ-nin 26-cı Polis Bölməsi tərəfindən tərtib olunmuş protokol əsasında qəbul edilmiş xx.xx.2020-ci il tarixli MN ******* saylı qərardan görünür ki, şikayətçi barəsində xx.xx.2020-ci il tarixdə qərar qəbul edilmiş və həmin tarixdə də o, qərardan xəbərdar olmuşdur. X4 şikayəti isə xx.xx.2020-ci il tarixdə məhkəməyə göndərmişdir. Eyni zamanda X4 şikayətində MN ******* saylı qərarlı protokolun ləğv edilməsini xahiş etmişdir. Halbuki, İnzibati xətalar Məcəlləsində səlahiyyətli orqanın (vəzifəli şəxsin) qərarından məhkməyə şikayət nəzərdə tutulmuşdur. Belə ki, Azərbaycan Respublikası İnzibati Xətalar Məcəlləsinin 128.2-ci maddəsinə əsasən inzibati xətalar haqqında işlər üzrə qərardan şikayət və ya protest aşağıdakı qaydada verilir: 128.2.1. hakimin qərarından - apellyasiya instansiyası məhkəməsinə; 128.2.2. kollegial orqanın qərarından - kollegial orqanın olduğu yerin məhkəməsinə; 128.2.3. səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə. Azərbaycan Respublikasının İnzibati Xətalar Məcəlləsinin 129-cu maddəsinin tələblərinə əsasən səlahiyyətli orqanın (vəzifəli şəxsin) inzibati xəta haqqında iş üzrə qərarından məhkəməyə şikayət verilə bilər. Azərbaycan Respublikasının İnzibati Xətalar Məcəlləsinin 130.1-ci maddəsinə əsasən qərarın surəti bu Məcəllənin 57-ci maddəsində nəzərdə tutulmuş rəsmi qaydada verildiyi vaxtdan on gün müddətində inzibati xəta haqqında iş üzrə qərardan şikayət verilə bilər. Həmin Məcəllənin 130.2-ci maddəsinə əsasən bu Məcəllənin 130.1-ci maddəsində nəzərdə tutulmuş müddət üzrlü səbəbdən buraxıldıqda, şikayət verən şəxsin vəsatəti ilə bu müddət hakim, səlahiyyətli orqan (vəzifəli şəxs) tərəfindən bərpa edilir. Beləliklə, məhkəmə hesab edir ki, X2 Yasamal RPİ-nin 26-cı Polis Bölməsi tərəfindən tərtib olunmuş protokol əsasında qəbul edilmiş xx.xx.2020-ci il tarixli MN ******* saylı qərarın ləğv edilməsinə dair şikayəti Azərbaycan Respublikası İXM-nin 130.1-ci maddəsində nəzərdə tutulmuş şikayət vermə müddəti buraxıldığından və buraxılmış müddətin üzürlü sayılmasına dair vəsatət verilmədiyindən geri qaytarılmalıdır. Göstərilənlərə əsasən və Azərbaycan Respublikası İXM-nin 128-130-cu maddələrini rəhbər tutaraq məhkəmə q ə r a r a a l d ı m: X2 Yasamal RPİ-nin 26-cı Polis Bölməsi tərəfindən tərtib olunmuş protokol əsasında qəbul edilmiş xx.xx.2020-ci il tarixli MN ******* saylı qərarın ləğv edilməsinə dair verdiyi şikayət geri qaytarılsın. Hakim: Rəşad Cavadzadə