Bakı Şəhəri Yasamal Rayon Məhkəməsi Qərardad — İş №3(004)-2054/2021

Azərbaycan Respublikası adından QƏRARDAD Bakı şəhəri İş № 3(004)-2054/2021 03.09.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Əkbərli Günel Bəkir qızının sədrliyi ilə, X3 Azərbaycan Respublikası İnzibati Xətalar Məcəlləsinin (bundan sonra İXM) 346.1-ci maddəsi ilə nəzərdə tutulmuş inzibati xətanı törətməsinə dair barəsində Bakı Nəqliyyat Agentliyi tərəfindən qəbul edilmiş 07 avqust 2019-cu il tarixli, BNA seriyalı, ******* nömrəli və 31 avqust 2019-cu il tarixli ******* nömrəli qərarlarından verdiyi şikayət ərizəsini və ona əlavə edilmiş sənədləri işin məhkəmədə baxılmasına hazırlanması zamanı nəzərdən keçirib, məhkəmə MÜƏYYƏN ETDİ : X4 Bakı şəhəri Yasamal Rayon Məhkəməsinə şikayət ərizəsi ilə müraciət edərək Azərbaycan Respublikasının İXM-in 346.1-ci maddəsi ilə nəzərdə tutulmuş inzibati xətanı törətməsinə dair barəsində Bakı Nəqliyyat Agentliyi tərəfindən qəbul edilmiş 07 avqust 2019-cu il tarixli, BNA seriyalı, ******* nömrəli və 31 avqust 2019-cu il tarixli ******* nömrəli qərarların ləğv edilməsini və inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə şikayət ərizəsini və ona əlavə edilmiş sənədləri nəzərdən keçirib hesab edir ki, iş baxılması üçün ərazi aidiyyəti üzrə Bakı şəhəri Səbail Rayon Məhkəməsinə göndərilməlidir. Belə ki, Azərbaycan Respublikası İXM-in 129.1.3-cü maddəsinə əsasən səlahiyyətli orqanın (vəzifəli şəxsin) qərarından məhkəməyə verilən şikayət - şikayət verən şəxsin yaşayış yeri və ya hüquqi şəxsin ünvanının olduğu yer üzrə rayon (şəhər) məhkəməsinə verilir. Azərbaycan Respublikası Konstitusiya Məhkəməsi Plenumunun “Azərbaycan Respublikası İnzibati Xətalar Məcəlləsinin 129.1.3-cü maddəsinin şərh edilməsinə dair 04 noyabr 2020-ci il tarixli qərarında qeyd edilmişdir ki, qanunverici tərəfindən Azərbaycan Respublikası İnzibati Xətalar Məcəlləsinin 129.1.3-cü maddəsində dəyişikliklər edilənədək səlahiyyətli orqanın (vəzifəli şəxsin) qərarından məhkəməyə şikayət həmin Məcəllənin 110.1-ci maddəsində müəyyən olunmuş qaydaya uyğun olaraq, yəni inzibati xətanın törədildiyi və yaxud barəsində qərar çıxarılmış şəxsin vəsatətinə əsasən onun yaşadığı yer üzrə verilə bilər. Həmin Məcəllənin 114.3-cü maddəsinə əsasən inzibati xəta haqqında işə baxılma hakimin, səlahiyyətli orqanın (vəzifəli şəxsin) səlahiyyətinə aid olmadıqda,inzibati xəta haqqında işin aidiyyəti üzrə hakimə, səlahiyyətli orqana (vəzifəli şəxsə) göndərilməsi barədə qərardad çıxarır. Şikayət ərizəsindən və iş materiallarından görünür ki, inzibati xətanın törədilməsi yeri ünvan 1 ünvandır. X1 ərizəsi və şəxsiyyət vəsiqəsindən isə görünür ki, o, ünvan 2 ünvanında qeydiyyatda olmaqla yaşayır. Beləliklə, iş materiallarından müəyyən edilmişdir ki, inzibati xətanın törədildiyi yer Bakı şəhəri, ünvan 3 ünvandır. X2 tərəfindən isə onun şikayətinə yaşayış yeri üzrə baxılmasına dair hər hansı bir vəsatət daxil olmamışdır. Beləliklə, məhkəmə hesab edir ki, X3 Bakı Nəqliyyat Agentliyi tərəfindən Azərbaycan Respublikası İXM-in 346.1-ci maddəsi ilə nəzərdə tutulmuş inzibati xətanı törətməsinə dair barəsində qəbul edilmiş 07 avqust 2019-cu il tarixli, BNA seriyalı, ******* nömrəli və 31 avqust 2019-cu il tarixli ******* nömrəli qərarlardan verdiyi şikayət ərizəsi və ona əlavə edilmiş sənədlər baxılması üçün ərazi aidiyyəti, yəni inzibati xətanın törədildiyi yer üzrə Bakı şəhər Səbail Rayon Məhkəməsinə göndərilməlidir. Göstərilənlərə əsasən və Azərbaycan Respublikası İXM-nin 114.3 və 129.1.3-cü maddələrini rəhbər tutaraq, məhkəmə QƏRARA ALDİ : X3 Azərbaycan Respublikası İnzibati Xətalar Məcəlləsinin 346.1-ci maddəsi ilə nəzərdə tutulmuş inzibati xətanı törətməsinə dair barəsində Bakı Nəqliyyat Agentliyi tərəfindən qəbul edilmiş 07 avqust 2019-cu i il tarixli, BNA seriyalı, ******* nömrəli qərardan verdiyi şikayət ərizəsi və ona əlavə edilmiş sənədlər baxılması üçün aidiyyəti üzrə Bakı şəhəri Səbail Rayon Məhkəməsinə göndərilsin. Hakim: Günel Əkbərli