Bakı Şəhəri Yasamal Rayon Məhkəməsi Qərar — İş №3(004)-207/2025

Azərbaycan Respublikası adından QƏRAR Bakı şəhəri İş № 3(004)-207/2025 13.01.2025 BAKI ŞƏHƏRİ YASAMAL RAYON MƏHKƏMƏSİ X5 Məhəmməd qızının sədrliyi, Abdullayeva Məryəm Zaur qızının katibliyi, inzibati xəta haqqında protokolu tərtib edən Yasamal RPİ-nin 28-ci polis şöbəsinin sahə inspektoru X1, barəsində inzibati xəta haqqında iş üzrə icraat aparılan şəxs Şəxs iştirakı ilə, xx.xx.1998-ci il təvəllüdlü, Azərbaycan Respublikasının vətəndaşı, subay, Bakı şəhəri, Yasamal rayonu, X7, ev 2, giriş 2, mənzil 57 ünvanında qeydiyyatda olan Şəxs barəsində Azərbaycan Respublikasının İnzibati Xətalar Məcəlləsinin 227-ci maddəsi ilə nəzərdə tutulmuş inzibati xəta haqqında materiala baxaraq, MÜƏYYƏN ETDİM: Şəxs Azərbaycan Respublikasının İnzibati Xətalar Məcəlləsinin (bundan sonra İXM) 227-ci maddəsi ilə nəzərdə tutulan inzibati xəta törətməsi haqqında Bakı şəhəri Yasamal rayon Polis İdarəsi 28-ci polis şöbəsi tərəfindən tərtib edilmiş protokol Bakı şəhəri Yasamal Rayon Məhkəməsinə daxil olmuşdur. Protokoldan görünür ki, 03 yanvar 2025-ci il tarixdə və 11 yanvar 2025-ci il tarixdə Quliyev X2 rayonu, Mirəli Seyidov 23 ünvanında yerləşən “Araz” marketdən 450 manat dəyərind “Absolut” və “Ketel” markalı spirtli içkilər oğurlamışdır. Vətəndaş Zərərçəkmiş şəxs 11 yanvar 2025-ci il tarixdə Yasamal Rayon Polis İdarəsinin 28-ci polis şöbəsinə rəsmi ərizə ilə müraciət edərək bildirmişdir ki, o, altı aya yaxındır ki, Yasamal rayonu, Mirəli Seyidov 23 ünvanında yerləşən “Araz” marketdə administrator vəzifəsində çalışır. 03 yanvar 2025-ci il tarixdə marketin mühafizə kamerasına baxan zaman bir nəfər 25-30 yaşlarında olan şəxsin müştəri qismində marketə daxil olduğunu və marketdə vitrində olan ümumi dəyəri 126 manat olan “Absolut” arağını gödəkçəsinin içərisinə qoyaraq marketdən çıxdığını aşkar etmişdirlər. Həmin şəxs bu gün, yəni, 11 yanvar 2025-ci il tarixdə günorta saatlarında təkrar marketə daxil olaraq marketdən ümumi dəyəri 324 manat olan “Ketel” və “Absolut” araqlarını eyni qaydada gizli yolla oğurlayaraq marketi tərk etmişdir. Nəticədə mağazaya ümumilikdə 450 manat maddi ziyan dəymişdir. Həmin şəxs ilə bağlı qanuni tədbir görülməyini xahiş etmişdir. Araşdırma zamanı Zərərçəkmiş şəxs izahatında göstərmişdir ki, 03 yanvar 2025-ci il tarixdə marketin mühafizə kamerasına baxan zaman bir nəfər 25-30 yaşlarında olan şəxsin müştəri qismində marketə daxil olduğunu və marketdə vitrində olan ümumi dəyəri 126 manat olan “Absolut” arağını gödəkçəsinin içərisinə qoyaraq marketdən çıxdığını aşkar etmişdirlər. Həmin şəxs bu gün, yəni, 11 yanvar 2025-ci il tarixdə günorta saatlarında təkrar marketə daxil olaraq marketdən ümumi dəyəri 324 manat olan “Ketel” və “Absolut” araqlarını eyni qaydada gizli yolla oğurlayaraq marketi tərk etmişdir. Nəticədə mağazaya ümumilikdə 450 manat maddi ziyan dəymişdir 12 yanvar 2025-ci il tarixdə Bakı şəhəri, Yasamal rayon Polis İdarəsinin 28-ci Polis Şöbəsinin təhqiqatçısı, polis kapitanı X4 tərəfindən cinayət işinin başlanması rədd edilmişdir. Məhkəmə iclasında şəxs Yasamal RPİ-nin 28-ci polis şöbəsinin sahə inspektoru X3 protokolu müdafiə edərək Şəxs barəsində inzbati tənbeh tədbiri seçilməsini xahiş etdi. Məhkəmə iclasında Şəxs inzibati xəta törətməsini qismən qəbul edərək bildirdi ki, özünü təqsirli bilir və əməlindən səmimi peşmandır. Ona görə də barəsində yüngül cəza təyin edilməsini məhkəmədən xahiş etdi. İş materiallarında olan inzibati qaydada tutma haqqında protokoldan görünür ki, Şəxs xx.xx.2025-ci il tarixdə, saat 22:00 radələrində inzibati qaydada tutulmuşdur. İnzibati xəta haqqında işin materiallarını tədqiq edərək, barəsində inzibati xəta haqqında icraat aparılan şəxsi və sahə rəisini dinləyərək, məhkəmə hesab edir ki, toplanmış sübutlarla Şəxs inzibati xətanı törətməsində təqsiri tam sübuta yetir və onun törətdiyi əməl Azərbaycan Respublikasının İXM-nin 227-ci maddəsi ilə düzgün tövsif olunmuşdur. İnzibati tənbeh növünü tətbiq edərkən məhkəmə xətanın xarakterini, Şəxs şəxsiyyətini, əmlak vəziyyətini və onun təqsirinin dərəcəsini nəzərə alır. Azərbaycan Respublikasının İXM-nin 21-ci maddəsinə əsasən, inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 12.1-ci maddəsinə əsasən bu Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyəti, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmədə Şəxs məsuliyyətini yüngülləşdirən və ağırlaşdırılan hallar müəyyən edilmədi. Məhkəmə hesab edir ki, Şəxs həbs növündə tənbeh tətbiq etməklə, inzibati tənbehin məqsədlərinə nail olmaq olar, bu növ inzibati tənbehin təyin edilməsi qanuni və ədalətli olmaqla yanaşı, həm də inzibati məsuliyyətə cəlbetmənin məqsədlərinə uyğundur. Azərbaycan Respublikasının İXM-nin 85-ci maddəsinə əsasən icraatında inzibati xəta haqqında iş olan hakim, səlahiyyətli orqan (vəzifəli şəxs) fiziki şəxs tərəfindən törədilmiş inzibati xətada cinayət əlamətlərini aşkar etdikdə, materialları prokurora, ibtidai istintaq və ya təhqiqat orqanına göndərir. Azərbaycan Respublikasının İXM-nin 114.2.3-cü maddəsinə əsasən inzibati xəta haqqında işdə cinayətin əlamətləri olduqda, iş üzrə materiallar prokurora, təhqiqat və ya istintaq orqanına göndərilməsi barədə məhkəmə qərar qəbul edir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-130-cu maddələrini rəhbər tutaraq, QƏRARA ALDİM: Şəxs Azərbaycan Respublikasının İnzibati Xətalar Məcəlləsinin 227-ci maddəsində nəzərdə tutulmuş inzibati xətanı törətməkdə təqsirli bilinərək barəsində 01 (bir) ay 15 (on beş) gün müddətə inzibati həbs tətbiq edilsin. İnzibati həbs müddətinin əvvəli 11 yanvar 2025-ci il tarixdən saat 22:00-dan hesablansın. Şəxs Azərbaycan Respublikası Daxili İşlər Nazirliyi tərəfindən müəyyən edilən yerdə mühafizə altında saxlanılsın. Qərarın surəti tərəfə təqdim edildiyi və ya alındığı gündən 10 (on) gün müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən: Sevinc Quliyeva