Bakı Şəhəri Yasamal Rayon Məhkəməsi Qərar — İş №3(004)-2089/2021

Azərbaycan Respublikası adından QƏRAR Bakı şəhəri İş № 3(004)-2089/2021 08.09.2021 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X2 iclas katibliyi ilə, xx.xx.1987-ci ildə Bakı şəhərində anadan olmuş, Azərbaycan Respublikasının vətəndaşı, Bakı şəhəri, Yasamal rayonu, Z.Əhmədbəyov küçəsi, ev 21-də qeydiyyatda olan Şəxs barəsində Azərbaycan Respublikası İXM-nin 528.1-ci maddəsi ilə Yasamal Rayon İcra Şöbəsindən daxil olmuş inzibati xəta haqqında işə baxaraq, MÜƏYYƏN ETDİ: Bakı şəhəri Yasamal Rayon Məhkəməsinin 2(004)-2317/2018 saylı, 14.03.2018-ci il tarixli icra sənədinə əsasən borclu Şəxs 09.03.2009-cu il təvəllüdlü X8 və 10.02.2010-cu il təvəllüdlü X1 üçün Yasamal Rayon Məhkəməsinin 2(004)-4047/2017 saylı, 20.04.2017-ci il tarixli qətnaməsi ilə müəyyənləşdirilən hər ay hər uşaq üçün 136 (yüz otuz altı) manat 60 (altmış) qəpik, cəmi 273 (iki yüz yetmiş üç) manat 20 (iyirmi) qəpik sabit pul məbləğində alimentin miqdarı artırılaraq hər ay hər uşağa görə 154 (yüz əlli dörd) manat olmaqla, cəmi 308 (üç yüz səkkiz) manat sabit pul məbləğində aliment tutularaq iddiaçı X3 ödənilməlidir. Bakı şəhəri Yasamal Rayon Məhkəməsinin 2(004)-2549/2020 saylı, 29.07.2020-ci il tarixli icra sənədinə əsasən borclu Şəxs 09.03.2009-cu il təvəllüdlü X8 və 10.02.2010-cu il təvəllüdlü X1 üçün hər ay hər uşağa görə 170 (yüz yetmiş) manat olmaqla, cəmi 340 (üç yüz qırx) manat sabit pul məbləğində aliment tutularaq iddiaçı X3 ödənilməlidir. Borclu icra vərəqəsində göstərilən tələbləri icra etmir və icra sənədinin icrası ilə bağlı icra məmurunun qanuni tələblərini yerinə yetirmir. Hazırkı vaxtadək 6038 manat aliment borcu yığılmışdır. Beləliklə də borclu icra sənədini üzürsüz səbəbdən icra etməmişdir. Bununla Şəxs İXM-in 528.1-ci maddəsində nəzərdə tutulmuş inzibati xətanı törətmişdir. Onun barəsində Yasamal rayon icra və Probasiya şöbəsinin icra məmuru tərəfindən 08.09.2021-ci il tarixli, MN ******* saylı inzibati xəta haqqında protokol tərtib olunmuşdur. Barəsində inzibati xətalar haqqında iş üzrə icraat aparılan şəxs Şəxs məhkəməyə verdiyi izahatında bildirdi ki, barəsində olan icra sənədindən xəbərdardır. İcra məmuru onu xəbərdar edib, aliment borcundan müəyyən qədər imkanı olduqca ödənişlər etmişdir, lakin maddi imkanı olmadığı üçün pulu tam ödəyə bilmir. Hazırda da imkanı olmadığı üçün pulu ödəyə bilmir, lakin 1500 manat ödəniş edə bilər, tələbkar X4 isə bunu qəbul etmir, pulu tam tələb edir. Əvvəllər də yığılmış aliment borcuna görə 2 dəfə icra məmuru barəsində protokol tərtib etmişdir, lakin sonra borcunu ödəmişdir. Yığılmış aliment borcunu yaxın vaxtlarda hissə-hissə tam şəkildə ödəyəcəkdir. Məhkəmə iclasında iştirak edən tələbkar (zərər çəkmiş şəxs) X4 bildirdi ki, borclu Şəxs məhkəmə qətnaməsi ilə qət edilən alimenti müəyyən bəhanələrlə az-az ödəyir, ona görə də 6098 manat aliment borcu yığılmışdır. Borclu özünə Hünday Tukson maşını alıb sürür, 2-ci dəfə ailə qurmuşdur. Həmçinin borclu öz məsuliyyətini dərk etmir. Hər dəfə icra məmuru onu sıxışdırdıqdan sonra ödəniş edir. Hiss edəndə ki cinayət işi başlanacaq onda alimenti tam ödəyir. Bundan əvvəl də 2 dəfə belə hərəkətlərinə görə şikayətləri əsasında icra məmuru protokol tərtib edib məhkəməyə göndərmiş və borclu cərimələnmişdir. Yenə də bunlardan nəticə çıxarmayıb. Alimentin 1500 manatını yox, bütövlükdə yığılmış borcun ödənilməsini tələb edir. Cünki həmin 1500 manat məbləği götürərsə, yerdə qalan məğbləğin ödənilməsindən müxtəlif bəhanələrlə yenə də yayınacaqdır. Müxtəlif bəhanələrlə ödənişdən yayınır. Ona görə də borclu barəsində tədbir görülməsini məhkəmədən xahiş etdi. Yasamal Rayonu İcra Şöbəsinin icra məmuru Aslan Aslanbəyli məhkəməyə verdiyi izahatında bildirdi ki, borclu dəfələrlə icra şöbəsinə dəvət edilərək borcunu ödəmək ona təklif edilmiş, həmçinin imkanı olmadığı təqdirdə hissə-hissə ödəmək təklif edilsədə, müxtəlif bəhanələrlə icradan yayınmış, hazırda protokolda göstərilən məbləğdə borcu yaranmışdır, bununla da üzrsüz səbəbdən icra vərəqəsini icra etməmişdir. Həmçinin borclu icra məmurunun çağırışlarına da gəlmədiyi üçün, barəsində məcburi gətirmə qərarı çıxarılmışdır. İş materiallarında olan Bakı şəhəri Yasamal Rayon Məhkəməsinin 2(004)- 2317/2018 saylı, 14.03.2018-ci il tarixli icra sənədinə əsasən borclu Şəxs 09.03.2009-cu il təvəllüdlü X8 və 10.02.2010-cu il təvəllüdlü X1 üçün Yasamal Rayon Məhkəməsinin 2(004)-4047/2017 saylı, 20.04.2017-ci il tarixli qətnaməsi ilə müəyyənləşdirilən hər ay hər uşaq üçün 136 (yüz otuz altı) manat 60 (altmış) qəpik, cəmi 273 (iki yüz yetmiş üç) manat 20 (iyirmi) qəpik sabit pul məbləğində alimentin miqdarı artırılaraq hər ay hər uşağa görə 154 (yüz əlli dörd) manat olmaqla, cəmi 308 (üç yüz səkkiz) manat sabit pul məbləğində alimentin tutularaq iddiaçı X3 ödənilməsi qət edilmişdir. İş materiallarında olan Bakı şəhəri Yasamal Rayon Məhkəməsinin 2(004)- 2549/2020 saylı, 29.07.2020-ci il tarixli icra sənədinə əsasən borclu Şəxs 09.03.2009-cu il təvəllüdlü X8 və 10.02.2010-cu il təvəllüdlü X1 üçün hər ay hər uşağa görə 170 (yüz yetmiş) manat olmaqla, cəmi 340 (üç yüz qırx) manat sabit pul məbləğində alimentin tutularaq iddiaçı X3 ödənilməsi qət edilmişdir. İcra məmuru tərəfindən 22.05.2018-ci il və 23.09.2020-ci il tarixli qərarla icraata başlanılmış, tələbin könüllü icrası barədə borcluya 10 günlük müddət verilmişdir, bu barədə borclu məlumatlandırılmışdır. Azərbaycan Respublikası İXM-in 528.1-ci maddəsinə əsasən məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsi inzibati xəta kimi müəyyən edilmişdir. Həmin xətaya görə inzibati cərimə və ya inzibati həbs nəzərdə tutulmuşdur. Şəxs həmin inzibati xətanı törətməsi barəsində tərtib olunmuş yuxarıda qeyd edilən inzibati xəta haqqında protokol, icra vərəqəsi, bildiriş, özünün məhkəməyə verdiyi izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Məhkəmə inzibati xətanın xarakterini, məhkəmə qərarının icra olunmamasındakı müddəti, inzibati xətanın aliment borcunun icrası ilə əlaqədar olduğunu, bu alimentin ödənilməməsində uşağın mənafelərinin pozulduğunu nəzərə alaraq, həmçinin pul məbləği ilə bağlı icra sənədini icra etməyən şəxsin yenidən cərimələnməsinin lüzumsuz olduğunu nəzərə alaraq, məhkəmə hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Qeyd edilənlərə əsasən məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər. Həmçinin məhkəmə inzibati xəta törətmiş şəxsin nəzərinə çatdırır ki, İXM-in 31.5-ci maddəsinə əsasən inzibati tənbehin tətbiq edilməsi həmin inzibati tənbehə səbəb olmuş öhdəliklərin yerinə yetirilməsindən onu azad etmir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 528.1-ci maddəsi ilə təqsirli bilinərək, 10 (on) gün müddətinə inzibati həbs edilsin. Həbsetmənin əvvəli 08.09.2021-ci il tarixdən, saat 16:30-dan hesablansın. Qərar dərhal icra edilsin. Şəxsin inzibati həbsin icrası yerinə çatdırılması Yasamal Rayon İcra Şöbəsinə və Yasamal Rayon Polis İdarəsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov