Bakı Şəhəri Yasamal Rayon Məhkəməsi Qərar — İş №3(004)-2209/2021

Azərbaycan Respublikası adından QƏRAR Bakı şəhəri İş № 3(004)-2209/2021 07.10.2021 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi ilə, Barəsində inzibati xəta haqqında iş üzrə qərar qəbul edilmiş X1 Azərbaycan Respublikası DİN Baş Dövlət Yol Polis İdarəsinin 02.09.2021-ci il tarixli, EQ ******* saylı qərarından verdiyi şikayətə açıq məhkəmə iclasında baxaraq məhkəmə müəyyən etdi: X1 Azərbaycan Respublikası DİN Baş Dövlət Yol Polis İdarəsinin 02.09.2021-ci il tarixli, EQ ******* saylı qərarından şikayət ərizəsi ilə məhkəməyə müraciət edərək həmin qərarın ləğv edilməsi və iş üzrə icraata xitam verilməsi haqqında qərar qəbul edilməsini xahiş etmişdir. Şikayət ərizəsi onunla əsaslandırılmışdır ki, həmin ərazidə heç bir yol hərəkəti nişanı, sağa-sola və ya düz hərəkət istiqaməti üçün nişan qoyulmamışdır. O yol elə bir yerdədir ki, sürücülər bir- birinin yolunu gözləməklə hərəkət edirlər. Hətta dəfələrlə bu kəsişmə sağa və ya sola hərəkət edəndə DYP əməkdaşlarının yanından keçəndə belə, avtomobili saxlayıb inzibati xəta törətdiklərini onlara bildirməyiblər. Əgər zamanında bunu bilsəydi, təbiidir ki, belə bir xəta törətməkdən çəkinərdi. DYP əməkdaşları hər bir halda xəbərdarlıq etməli idilər. Birbaşa kamera vasitəsi ilə cərimə yazmaqlarını müsbət qarşılamır. Halhazırda taksi sürücüsüdür, gəlir səviyyəsi aşağıdır və bu tip cərimələri ödəyə bilmir. Qanunun tələblərinə riayət etmişdir sadəcə həmin ərazidə nişan olmadığından bu hal baş vermişdir. Buna görə də o, həmin qərarla razılaşmayaraq ləğv edilməsini xahiş etmişdir. Məhkəmə iclasının yeri və vaxtı barədə lazımı qaydada xəbərdar edilmiş qərarından şikayət verilmiş orqan və şikayətçi məhkəmə iclasına gəlməmiş və məhkəməyə gəlməməsinin səbəbi barədə heç bir məlumat verməmişdir. Məhkəmə işə qərarından şikayət verilmiş orqanın və şikayətçinin iştirakı olmadan baxılmasını mümkün hesab edir. Məhkəmə iş materiallarını araşdıraraq belə nəticəyə gəlir ki, şikayət təmin edilməməlidir. Belə ki, şikayətə əlavə edilmiş X1 Azərbaycan Respublikası DİN Baş Dövlət Yol Polis İdarəsinin 02.09.2021-ci il tarixli, EQ ******* saylı qərarından görünür ki, X2 02.09.2021-ci il tarixdə 16:31-də Mətbuat prospekti ilə Akim Abbasov küçələrinin kəsişməsi ərazisində “Toyota Prius (HİBRİD)” minik markalı Az ** OZ *** dövlət qeydiyyat nişanlı nəqliyyat vasitəsini idarə edərkən yol nişanının tələblərinə riayət etməməsinə görə barəsində protokol tərtib edilmiş, həmin protokol üzrə Azərbaycan Respublikası İXM-nin 327.1-ci maddəsində nəzərdə tutulmuş inzibati xətanı törətməkdə təqsirli bilinərək 40 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin 327.1-ci maddəsinə əsasən yol nişanlarının və ya yolların hərəkət hissəsinin işarələrinin tələblərinə riayət edilməməsinə, yaxud nəqliyyat vasitəsinin yolların hərəkət hissələrində yerləşdirilməsi, yaxud araməsafəsi, yedəyə alma, yük daşıma, sürmə təlimi keçmə, yaşayış zonasında hərəkət etmə, əks istiqamətli hərəkət zolağına çıxmadan ötmə və ya manevr etmə qaydalarının pozulmasına, səkilərlə və “Yol hərəkəti haqqında” Azərbaycan Respublikasının Qanunu ilə nəzərdə tutulmamış hallarda yolun çiyni ilə hərəkət edilməsinə, nəqliyyat vasitələrindən bayıra hər hansı əşyanın atılmasına görə inzibati məsuliyyət yaradır. Məhkəmə hesab edir ki, X2 tərəfindən Azərbaycan Respublikası İnzibati Xətalar Məcəlləsinin 327.1-ci maddəsində nəzərdə tutulmuş inzibati xətanın törədilməsi məhkəmə baxışı zamanı öz təsdiqini tapdığından şikayətin dəlilləri əsassızdır və Azərbaycan Respublikası DİN Baş Dövlət Yol Polis İdarəsinin 02.09.2021-ci il tarixli, EQ ******* saylı saylı qərarı qanuni və əsaslıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 130, 133-134 və 136-cı maddələrini rəhbər tutaraq məhkəmə qərara aldı: Barəsində inzibati xəta haqqında iş üzrə qərar qəbul edilmiş X1 Azərbaycan Respublikası DİN Baş Dövlət Yol Polis İdarəsinin 02.09.2021-ci il tarixli, EQ ******* saylı qərarından verdiyi şikayət təmin edilməsin. Qərarın surəti rəsmi qaydada alındığı gündən 10 (on) gün müddətində Bakı Apellyasiya Məhkəməsinə şikayət verilə bilər. Hakim: Rəşad Cavadzadə