Bakı Şəhəri Yasamal Rayon Məhkəməsi Qərar — İş №3(004)-2325/2021

Azərbaycan Respublikası adından QƏRAR Bakı şəhəri İş № 3(004)-2325/2021 15.10.2021 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlunun sədrliyi, Məhkəmə iclasının katibi Əliyeva Zəminə Səməd qızının katibliyi ilə, Barəsində inzibati xəta haqqında iş üzrə qərar qəbul edilmiş X1 Azərbaycan Respublikası DİN Baş Dövlət Yol Polis İdarəsinin, EQ ******* saylı protokol üzrə qəbul etdiyi 21.09.2021-ci il tarixli qərarından verdiyi şikayətə açıq məhkəmə iclasında baxaraq məhkəmə müəyyən etdi: X1 Azərbaycan Respublikası DİN Baş Dövlət Yol Polis İdarəsinin EQ ******* saylı protokol üzrə qəbul etdiyi 21.09.2021-ci il tarixli qərarından şikayət ərizəsi ilə məhkəməyə müraciət edərək həmin qərarın ləğv edilməsi və iş üzrə icraata xitam verilməsi haqqında qərar qəbul edilməsini xahiş etmişdir. Şikayət ərizəsi onunla əsaslandırılmışdır ki, onun barəsində 21.09.2021-ci il tarixli EQ7835174 nömrəli protokol əsasında elekron qərar qəbul edilmişdir. Həmin qərara əsasən o, 21.09.2021-ci il tarixdə saat 10:13 radələrində etibarnamə əsasında idarə etdiyi “Mazda CX-5" markalı **-TK-*** dövlət qeydiyyat nişanlı avtomobili ilə Mətbuat pr ilə Akim Abbasov küçələrinin kəsişməsi ərazidə yol nişanlarının tələblərinə riayət etmədiyinə görə AR İXM-nin 327.1-ci maddəsinə əsasən 40 manat cərimə edilmişdir. Hesab edir ki, ki, qeyd olunan qərar qanunsuzdur və ləğv edilməlidir. Akim Abbasov küçəsi ilə hərəkət edən zaman Mətbuat prospektinə çatan hissəsində məcburi hərəkət istiqaməti nişanlar qrupuna aid olan 4.14 nömrəli, yəni düzünə və sağa hərəkət nişanı dayanır. Həmin nişanın qüvvəsi “Yol hərəkəti haqqında" Qanunun 65-ci maddəsinin İV hissəsinə əsasən, qarşısında nişan qoyulmuş yolun hərəkət hissəsinin kəsişmə yerinə şamil edilir. Bundan da, aydın olur ki, məcburi hərəkət nişanın təsir hissəsi həmin yol kəsişməsinin 1-ci yol hərəkət hissəsinə şamil edilir, lakin o, öz avtomobili ilə 2-ci yol hərəkət hissəsindən sola dönmə hərəkəti etmişdir. Halbu ki, sola dönmə qadağandır işarəsi mövcud deyildir. Buna görə də o, həmin qərarla razılaşmayaraq ləğv edilməsini xahiş etmişdir. Məhkəmə iclasının yeri və vaxtı barədə lazımı qaydada xəbərdar edilmiş qərarından şikayət verilmiş orqan və şikayətçi məhkəmə iclasına gəlməmiş və məhkəməyə gəlməməsinin səbəbi barədə heç bir məlumat verməmişdir. Məhkəmə işə qərarından şikayət verilmiş orqanın və şikayətçinin iştirakı olmadan baxılmasını mümkün hesab edir. Məhkəmə iş materiallarını araşdıraraq belə nəticəyə gəlir ki, şikayət təmin edilməməlidir. Belə ki, şikayətə əlavə edilmiş X1 Azərbaycan Respublikası DİN Baş Dövlət Yol Polis İdarəsinin EQ ******* saylı protokol üzrə qəbul etdiyi 21.09.2021-ci il tarixli qərarından görünür ki, X2 21.09.2021-ci il tarixdə 10:13-də Mətbuat prospekti ilə Akim Abbasov küçələrinin kəsişməsi ərazisində “Mazda CX-5” minik markalı Az ** TK *** dövlət qeydiyyat nişanlı nəqliyyat vasitəsini idarə edərkən yol nişanının tələblərinə riayət etməməsinə görə barəsində protokol tərtib edilmiş, həmin protokol üzrə Azərbaycan Respublikası İXM-nin 327.1-ci maddəsində nəzərdə tutulmuş inzibati xətanı törətməkdə təqsirli bilinərək 40 manat məbləğində cərimə edilmişdir. Azərbaycan Respublikası İnzibati Xətalar Məcəlləsinin 327.1-ci maddəsinə əsasən yol nişanlarının və ya yolların hərəkət hissəsinin işarələrinin tələblərinə riayət edilməməsinə, yaxud nəqliyyat vasitəsinin yolların hərəkət hissələrində yerləşdirilməsi, yaxud araməsafəsi, yedəyə alma, yük daşıma, sürmə təlimi keçmə, yaşayış zonasında hərəkət etmə, əks istiqamətli hərəkət zolağına çıxmadan ötmə və ya manevr etmə qaydalarının pozulmasına, səkilərlə və “Yol hərəkəti haqqında” Azərbaycan Respublikasının Qanunu ilə nəzərdə tutulmamış hallarda yolun çiyni ilə hərəkət edilməsinə, nəqliyyat vasitələrindən bayıra hər hansı əşyanın atılmasına görə inzibati məsuliyyət yaradır. Məhkəmə hesab edir ki, X2 tərəfindən Azərbaycan Respublikası İnzibati Xətalar Məcəlləsinin 327.1-ci maddəsində nəzərdə tutulmuş inzibati xətanın törədilməsi məhkəmə baxışı zamanı öz təsdiqini tapdığından şikayətin dəlilləri əsassızdır və Azərbaycan Respublikası DİN Baş Dövlət Yol Polis İdarəsinin EQ ******* saylı protokol üzrə qəbul etdiyi 21.09.2021-ci il tarixli qərarı qanuni və əsaslıdır. Göstərilənlərə əsasən və Azərbaycan Respublikası İnzibati Xətalar Məcəlləsinin 130, 133-134 və 136-cı maddələrini rəhbər tutaraq məhkəmə qərara aldı: Barəsində inzibati xəta haqqında iş üzrə qərar qəbul edilmiş X1 Azərbaycan Respublikası DİN Baş Dövlət Yol Polis İdarəsinin EQ ******* saylı protokol üzrə qəbul etdiyi 21.09.2021-ci il tarixli qərarından verdiyi şikayət təmin edilməsin. Qərarın surəti rəsmi qaydada alındığı gündən 10 (on) gün müddətində Bakı Apellyasiya Məhkəməsinə şikayət verilə bilər. Hakim: Rəşad Cavadzadə