Bakı Şəhəri Yasamal Rayon Məhkəməsi Qərar — İş №3(004)-2348/2020

Azərbaycan Respublikası adından QƏRAR Bakı şəhəri İş № 3(004)-2348/2020 29.09.2020 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərov Hüquqi ünvanı ünvan 2 yerləşən Şəxs MMC (VÖEN: **********)barəsində Azərbaycan Respublikası İnzibati Xətalar Məcəlləsinin 430.4-cü maddəsi ilə Azərbaycan Respublikası Maliyyə X2 daxil olmuş inzibati xəta haqqında işi nəzərdən keçirərək, MÜƏYYƏN ETDİ: Azərbaycan Respublikası Maliyyə X1 Şəxs MMC barəsində İXM-in 430.4-cü maddəsi ilə xx.xx.2019-cu il tarixdə, MN № ******* saylı inzibati xəta haqqında protokol tərtib edilmişdir ondan ötəri ki, Şəxs MMC 1915,10 avro məbləğində xarici valyutada olan vəsaiti ödəniş tapşırığına əsasən “xxxxxxxxxxxxxxxxxxxxxxxxxxx” ASC Bankda olan hesabından xx.xx.2018-ci il tarixində Azərbaycan Respublikasından kənara qabaqcadan ödəniş etməklə köçürmüşdür. Lakin ödənişin aparıldığı qündən 270 gündən artıq müddət keçməsinə baxmayaraq, 1915,10 avro məbləğində vəsait hesabına alınan malların ölkəyə idxalını təsdiq edən gömrük bəyannaməsini və ya idxal olunan xidmətlərin göstərilməsini təsdiq edən sənədi banka təqdimetməmiş, qabaqcadan ödənilmiş valyuta vəsaiti xaricdən qeri qaytarılmamışdır. Həmin iş üzrə əvvəllər Yasamal Rayon Məhkəməsinin xx.xx.2019-cu il tarixli, 3(004)-2905/2019 saylı qərarı ilə MMC 479 avro (dörd yüz yetmiş doqquz avro) (ödəmə günü Azərbaycan manatına məzənnə ilə) məbləğində inzibati cərimə edilsə də, həmin qərardan verilmiş şikayətə əsasən Bakı Apellyasiya Məhkəməsinin xx.xx.2020-ci il tarixli qərarı ilə qeyd edilən qərar ləğv edilmiş və yenidən baxılması üçün iş Yasamal Rayon Məhkəməsinə göndərilmişdir. İş məhkəməyə yenidən xx.xx.2020-ci il tarixdə daxil olmuşdur. Hazırda təqdim edilmiş protokolu, protokolda istinad edilən, protokolun tərtib edilməsinə əsas olan sənədləri nəzərdən keçirərək, protokoldakı valyutanın xaricə köçürüldüyü vaxtı və xaricə köçürülmüş valyuta məbləğini nəzərə alaraq məhkəmə hesab edir ki, iş üzrə icraata xitam verilməlidir. Belə ki, Azərbaycan Respublikası Mərkəzi Bankının xx.xx.2016-cı il tarixli 45/1 saylı qərarı ilə təsdiq edilmiş “Azərbaycan Respublikasının rezident və qeyri-rezidentlərinin xarici valyuta əməliyyatlarının aparılması Qaydaları”nın 4.3.1.3-cü bəndinə xx.xx.2020-ci il tarixdə edilmiş dəyişiklikdən sonra həmin bənddə nəzərdə tutulmuş müddət 02 il müəyyən edilmişdir. Həmçinin geri qaytarılmayan məbləğin qalıq dəyəri 10.000 ABŞ dolları ekvivalenti məbləğindən çox olduqda İnzibati Xətalar Məcəlləsinin 430.4-cü maddəsində nəzərdə tutulmuş məsuliyyət tədbirləri həyata keçirilir. Belə olduğu təqdirdə həmin dəyişiklik nəzərə alınarsa, hazırkı iş üzrə inzibati xəta haqqında protokoldakı xaricdən geri qaytarılmayan məbləğin qalıq dəyəri 10.000 ABŞ dolları ekvivalenti məbləğindən aşağı olduğu üçün, İXM-nin 430.4-cü maddəsinin tərkibi yaranmır. Bununla da şəxsin inzibati məsuliyyəti istisna edilir. İXM-in 53.0.1-ci maddəsinə əsasən inzibati xəta hadisəsi olmadıqda, həmçinin İXM-in 53.0.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İnzibati xətalar haqqında işlərə baxılarkən çıxarılan qərarlardan biridə İXM-in 114.1.4-cü maddəsinə əsasən inzibati xəta haqqında iş üzrə icraata xitam verilməsi haqqında qərardır.İXM-in 114.2.1-ci maddəsinə əsasən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48, 53, 105, 106, 109-cu maddərini rəhbər tutaraq, QƏRARA ALDİ: Şəxs MMC barəsində İnzibati Xətalar Məcəlləsinin 430.4-cü maddəsində nəzərdə tutulmuş inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim, Hüseyn Səfərov