Bakı Şəhəri Yasamal Rayon Məhkəməsi Qərar — İş №3(004)-2352/2025

Azərbaycan Respublikası adından QƏRAR Bakı şəhəri İş № 3(004)-2352/2025 09.04.2025 BAKI ŞƏHƏRİ YASAMAL RAYON MƏHKƏMƏSİ Hakim Quliyeva Sevinc Məhəmməd qızının sədrliyi, Abdullayeva Məryəm Zaur qızının katibliyi, inzibati xəta haqqında protokolu tərtib etmiş şəxs Azərbaycan Respublikası Ədliyyə Nazirliyi Bakı şəhəri Yasamal rayon İcra şöbəsinin icra məmuru Abbaszadə Günay Qabil qızının, zərərçəkmiş şəxs (tələbkar) Şükürova Aynur Zədəmşah qızının, barəsində inzibati xəta haqqında iş üzrə icraat aparılan şəxs Şükürov Telman İmanverdi oğlunun iştirakları ilə, xx.xx.1975-ci il tarixdə Bakı şəhərində anadan olmuş, Azərbaycan Respublikasının vətəndaşı, subay, ünvan 1 ünvanında qeydiyyatda olan və yaşayan Şükürov Telman İmanverdi oğlunun Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair protokola və ona əlavə olunmuş materiallara açıq məhkəmə iclasında baxaraq, məhkəmə MÜƏYYƏN ETDİ: Şükürov Telman İmanverdi oğlunun Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulmuş inzibati xətanı törətməsinə dair 09 aprel 2025-ci il tarixli, MN ******* saylı inzibati xəta haqqında protokol Bakı şəhəri Yasamal rayon İcra şöbəsinin icra məmuru Abbaszadə Günay Qabil qızının tərəfindən Yasamal Rayon Məhkəməsinə təqdim edilmişdir. Protokol onunla əsaslandırılmışdır ki, Bakı şəhəri Yasamal Rayon Məhkəməsinin 2(004)-1588/2023 saylı, xx.xx.2023-cü il tarixli icra sənədinə əsasən təmin edilməlidir. İcra sənədi üzrə xx.xx.2023-cü il tarixdə icraya göndərilmiş, xx.xx.2023-cü il tarixdə icraata başlamaq haqqında qərar qəbul edilərək borcluya təlbin icrası ilə bağlı bildiriş göndərilmişdir. xx.xx.2010-cu il təvəllüdlü Şükürlü Aqil Telman oğlu, xx.xx.2014-cü il təvəllüdlü Şükürlü Yusif Telman oğlu və xx.xx.2015-ci il təvəllüdlü Şükürova Zəhra Telman qızının yetkinlik yaşına çatana kimi saxlanılması üçün Şükürov Telman imanverdi oğlundan hər ay hər uşağa görə 150 (yüz əlli) manat olmaqla, cəmi 450 (dörd yüz əlli) manat sabit pul məbləğində aliment və ödənilmiş 50 (əlli) manat mediasiya xərci tutularaq Şükürova Aynur Zəqəmşah qızının xeyrinə ödənilməlidir. xx.xx.2008-ci il təvəllüdlü Şükürov Arif Telman oğlu yetkinlik yaşına çatana kimi saxlanılması üçün Şükürova Aynur Zəqəmşah qızından hər ay 150 (yüz əlli) manat sabit pul məbləğində aliment tutularaq Şükürov Telman İmanverdi oğlunun xeyrinə ödənilməsi, xx.xx.2010-cu il təvəllüdlü Şükürlü Aqil Telman oğlu, xx.xx.2014-cü il təvəllüdlü Şükürlü Yusif Telman oğlu və xx.xx.2015-ci il təvəllüdlü Şükürova Zəhra Telman qızının yetkinlik yaşına çatana kimi saxlanılması üçün nəzərdə tutulmuş alimentin tutulma müddətinin 17 fevral 2023-cü il tarixdən hesablanması, yetkinlik yaşına çatmayan xx.xx.2008-ci il təvəllüdlü Şükürov Arif Telman oğlu yetkinlik yaşına çatana kimi saxlanılması üçün nəzərdə tutulmuş alimentin tutulma müddətinin 19 iyul 2023-cü il tarixdən hesablanması qərara alınmışdır. Nəticədə borclu Şükürov Telman İmanverdi oğlunun tərəfindən Azərbaycan Respublikasının İnzibati Xətalar Məcəlləsinin 528.1-ci maddəsində nəzərdə tutulmuş inzibati xəta törədilmişdir. Məhkəmə iclasında inzibati xəta haqqında protokolu tərtib etmiş Bakı şəhəri Yasamal rayon İcra şöbəsinin icra məmuru Abbaszadə Günay Qabil qızı tərtib etdiyi inzibati xəta haqqında protokolu müdafiə edərək, Şükürov Telman İmanverdi oğlunun barəsində Azərbaycan Respublikasının İnzibati Xətalar Məcəlləsinin 528.1-ci maddəsinin sanksiyasında nəzərdə tutulmuş həddə inzibati tənbehin tətbiq edilməsini xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şükürov Telman İmanverdi oğlu öz izahatında göstərmişdir ki, onun tərəfindən icra sənədi icra olunur və onun icra sənədinə dair heç bir etirazı yoxdur, lakin icra vərəqəsinin onun tərəfindən icra olunması faktiki mövcud deyildir. O, 2-ci qrup əlildir, heç bir yerdə işləmir. Bu səbəbdən onun əməlində inzibati xətanın tərkibi mövcud deyildir. Göstərilənləri nəzərə alaraq barəsində başlanılmış inzibati xəta haqqında iş üzrə icraata xitam verilməsini məhkəmədən xahiş etmişdir. Məhkəmə iclasında iştirak edən zərərçəkmiş şəxs (tələbkar) Şükürova Aynur Zədəmşah qızı bildirmişdir ki, Şükürov Telman İmanverdi oğlu fərdi əməklə məşğuldur, o, istəsə alimenti tam ödəyə bilər, ona görə də onun barəsində qanuna müvafiq tədbir görülməsini məhkəmədən xahiş etmişdir. Məhkəmə toplanmış sübutlara məcmu halda hüquqi qiymət verərək hesab edir ki, T.İ.Şükürovun barəsində Azərbaycan Respublikasının İXM-nin 528.1-ci maddəsi ilə olan inzibati xəta haqqında iş üzrə icraata xitam verilməlidir. Belə ki, iş materiallarında olan Bakı şəhəri Yasamal Rayon Məhkəməsinin 2(004)- 1588/2023 saylı, xx.xx.2023-cü il tarixli qətnaməsinə əsasən xx.xx.2010-cu il təvəllüdlü Şükürlü Aqil Telman oğlu, xx.xx.2014-cü il təvəllüdlü Şükürlü Yusif Telman oğlu və xx.xx.2015-ci il təvəllüdlü Şükürova Zəhra Telman qızının yetkinlik yaşına çatana kimi saxlanılması üçün Şükürov Telman İmanverdi oğlundan hər ay hər uşağa görə 150 (yüz əlli) manat olmaqla, cəmi 450 (dörd yüz əlli) manat sabit pul məbləğində aliment və ödənilmiş 50 (əlli) manat mediasiya xərci tutularaq Şükürova Aynur Zəqəmşah qızının xeyrinə ödənilməlidir. xx.xx.2008-ci il təvəllüdlü Şükürov Arif Telman oğlu yetkinlik yaşına çatana kimi saxlanılması üçün Şükürova Aynur Zəqəmşah qızından hər ay 150 (yüz əlli) manat sabit pul məbləğində aliment tutularaq Şükürov Telman imanverdi oğlunun xeyrinə ödənilməsi, xx.xx.2010-cu il təvəllüdlü Şükürlü Aqil Telman oğlu, xx.xx.2014-cü il təvəllüdlü Şükürlü Yusif Telman oğlu və xx.xx.2015-ci il təvəllüdlü Şükürova Zəhra Telman qızının yetkinlik yaşına çatana kimi saxlanılması üçün nəzərdə tutulmuş alimentin tutulma müddətinin 17 fevral 2023-cü il tarixdən hesablanması, yetkinlik yaşına çatmayan xx.xx.2008-ci il təvəllüdlü Şükürov Arif Telman oğlu yetkinlik yaşına çatana kimi saxlanılması üçün nəzərdə tutulmuş alimentin tutulma müddətinin 19 iyul 2023-cü il tarixdən hesablanması qərara alınmışdır. Həmin icra sənədi əsasında xx.xx.2023-cü il tarixdə Yasamal rayon İcra Şöbəsində icraata başlamaq haqqında qərar qəbul edilmiş və borcluya tələbin könüllü icrası barədə bildiriş göndərilmişdir. Borclu Telman Şükürov icraya maneçilik törətdiyindən onun barəsində Azərbaycan Respublikası İXM-nin 528.1-ci maddəsində nəzərdə tutulan inzibati xətanı törətməsi haqqında protokol tərtib edilmişdir. Lakin, protokolda borclu Telman Şükürovun həmin maddənin dispozisiyasında nəzərdə tutulan hansı hərəkəti və yaxud hərəkətsizliyi etməklə inzibati xəta törətdiyi göstərilməmiş və eləcə də onun əməlində həmin maddənin tərkibinin olduğunu təsdiq edən sübutlar protokolda qeyd edilməmiş və belə bir sübutlar məhkəməyə təqdim olunmamışdır. Həm də məhkəmədə müəyyən edildi ki, icra sənədi üzrə borclunun pensiyasının 70 faizi tələbkarın xeyrinə tutulur. İcra məmuru məhkəmədə borclunun icraya maneçiliyinin nədə ifadə olunduğunu izah edə bilməmiş, yalnız şəxsi mülahizə və şübhələrinə əsaslanmışdır. Azərbaycan Respublikasının İXM-nin 528.1-ci maddəsinə əsasən, məhkəmə və ya digər orqanların qərarlarının icrası ilə əlaqədar icra məmurunun qanuni tələblərinin yerinə yetirilməməsinə və ya icra məmuru tərəfindən müəyyən olunmuş müddətdə borclunu müəyyən hərəkətləri etməyə və ya müəyyən hərəkətləri etməkdən çəkinməyə məcbur edən icra sənədinin üzrsüz səbəbdən icra edilməməsinə görə fiziki şəxslər beş yüz manatdan min manatadək məbləğdə cərimə edilir və ya işin hallarına görə, pozuntunu törədənin şəxsiyyəti nəzərə alınmaqla, bir ayadək müddətə inzibati həbs tətbiq olunur, vəzifəli şəxslər min iki yüz manatdan iki min beş yüz manatadək məbləğdə, hüquqi şəxslər üç min manatdan beş min manatadək məbləğdə cərimə edilir. Təsvir olunanlardan görünür ki, məhkəmə araşdırması zamanı borclu Telman Şükürovun əməlində Azərbaycan Respublikasının İnzibati Xətalar Məcəlləsinin 528.1-ci maddəsi ilə nəzərdə tutulan inzibati xəta tərkibinin olması sübuta yetirilməmişdir. Məhkəmə həm də xüsusi olaraq qeyd edir ki, şəxsin yalnız icra məmurunun subyektiv mülahizə və əsassız şübhələrinə əsaslanmaqla inzibati qaydada təqsirli bilinməsi onun barəsində gələcəkdə əsassız cinayət təqibinin başlanmasına əsas ola bilər. Belə ki, Azərbaycan Respublikasının İXM-nin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 8.1-ci maddəsinə əsasən, barəsində inzibati xəta haqqında iş üzrə icraat aparılan şəxsin təqsiri bu Məcəllədə nəzərdə tutulmuş qaydada sübuta yetmədikdə və bu, inzibati xəta haqqında iş üzrə icraata baxmış hakimin, səlahiyyətli orqanın (vəzifəli şəxsin) qüvvəyə minmiş qərarı ilə müəyyən edilmədikdə o, təqsirsiz hesab edilir. Həmin Məcəllənin 8.2-ci maddəsinə əsasən, inzibati məsuliyyətə cəlb olunmuş şəxs öz təqsirsizliyini sübut etməyə borclu deyildir. Həmin Məcəllənin 8.3-cü maddəsinə əsasən, inzibati məsuliyyətə cəlb olunan şəxsin təqsirli olması barəsində şübhələr onun xeyrinə həll edilir. İşin faktiki hallarına və qanunvericiliyin yuxarıda qeyd edilən müddüalarında əsasən müəyyən edilir ki, barəsində inzibati iş üzrə icraat aparılan şəxs Telman Şükürovun əməlində inzibati xəta tərkibi olmamışdır. Belə ki, inzibati xəta tərkibinin yaranması üçün zəruri olan 4 zəruri elementdən biri olan subyektiv cəhət yoxdur. İcra məmuru yalnız öz subyektiv mülahizələrinə əsasən Telman Şükürov barəsində inzibati xəta haqqında protokol tərtib etmişdir. Azərbaycan Respublikasının İXM-nin 53.0.2-ci maddəsinə əsasən, əməldə inzibati xəta tərkibi olmadıqda - inzibati xətalar haqqında işlər üzrə icraat başlanıla bilməz, başlanmış icraata isə xitam verilir. Həmin Məcəllənin 105.1-ci maddəsinə əsasən, bu Məcəllənin 53-cü maddəsində nəzərdə tutulmuş hallardan hər hansı biri olduqda, icraatında inzibati xəta haqqında iş olan hakim və ya səlahiyyətli orqan (vəzifəli şəxs) inzibati xəta haqqında işin icraatına xitam verilməsi haqqında qərar qəbul edir. Həmin Məcəllənin 109.2-ci maddəsinə əsasən, bu Məcəllənin 53 və 104.1-ci maddələrində nəzərdə tutulmuş hallar olduqda inzibati xəta haqqında iş üzrə icraata xitam verilməsi və ya inzibati xəta haqqında iş üzrə icraatın dayandırılması barədə qərar qəbul edilir. Beləliklə məhkəmə hesab edir ki, barəsində inzibati iş üzrə icraat aparılan şəxs Telman Şükürovun əməlində Azərbaycan Respublikasının İXM-nin 528.1-ci maddəsi ilə nəzərdə tutulan inzibati xətanın tərkibi olmadığına görə, iş üzrə icraata xitam verilməlidir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 40, 43, 48-51, 114-117, 128-130 və 528.1-ci maddələrini rəhbər tutaraq, məhkəmə QƏRARA ALDİ: Şükürov Telman İmanverdi oğlunın barəsində Azərbaycan Respublikasının İnzibati Xətalar Məcəlləsinin 528.1-ci maddəsi ilə başlanılmış inzibati iş üzrə icraata xitam verilsin. Qərardan 10 gün müddətində Bakı Şəhəri Yasamal Rayon Məhkəməsi vasitəsi ilə Bakı Apellyasiya Məhkəməsinə apellyasiya şikayəti verilə bilər. Sədrlik edən: Sevinc Quliyeva