Bakı Şəhəri Yasamal Rayon Məhkəməsi Qərar — İş №3(004)-236/2025

Azərbaycan Respublikası adından QƏRAR Bakı şəhəri İş № 3(004)-236/2025 16.01.2025 BAKI ŞƏHƏRİ YASAMAL RAYON MƏHKƏMƏSİ X9 Məhəmməd qızının sədrliyi, Abdullayeva Məryəm Zaur qızının katibliyi, inzibati xəta haqqında protokolu tərtib edən Bakı şəhəri Yasamal RPİ-nin 27-ci PŞnin sahə inspektoru X2, barəsində inzibati xəta haqqında iş üzrə icraat aparılan şəxs Şəxs və onun müdafiəçisi Bakı şəhəri Mərkəz Vəkil Bürosunun X3 iştirakı ilə, xx.xx.1998-cü il təvəllüdlü, Azərbaycan Respublikasının vətəndaşı, Bakı şəhəri, Nərimanov rayonu, Aşıq Qərib küçəsi, ev 26-da qeydiyyatda olan Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə təqsirli bilinməsinə dair inzibati xəta haqqında materiala baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələri ilə nəzərdə tutulmuş inzibati xətanı törətməsinə dair xx.xx.2025-ci il tarixli, MN ******* saylı inzibati xəta haqqında protokol məhkəməyə daxil olmuşdur. İnzibati xəta haqqında protokoldan və ona əlavə edilmiş materiallardan görünür ki, xx.xx.2025-ci il tarixdə Bakı şəhəri, Yasamal rayonu, Tbilisi prospekti ilə İzmir küçəsinin kəsişməsində yol hərəkəti qaydalarını pozduğu üçün DYP-nin polis əməkdaşları ona yaxınlaşaraq özlərini təqdim etmiş və onu nizam-intizama dəvət etmişlər. Lakin Şəxs polis əməkdaşlarının qanuni tələblərinə tabeçilik göstərməyərək, əl-qol atmış, daha aqressivləşmişdir. Daha sonra o, məcburi qaydada polis şöbəsinə gətirilmiş və orada onun şəxsiyyəti müəyyən edilmişdir. Məhkəmə iclasında iştirak edən inzibati xəta haqqında protokol tərtib etmiş Bakı şəhəri Yasamal RPİ-nin 27-ci PŞ-nin sahə inspektoru X4 tərtib etdiyi inzibati xəta haqqında protokolu müdafiə edərək Şəxs barəsində müvafiq tədbirlər görülməsini xahiş etmişdir. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs ona istinad edilən əməlləri törətdiyini etiraf etmiş və bildirmişdir ki, ailəsini dolandırmaq üçün 2 ilə yaxındır ki, fəaliyyəti ilə məşğul olur. O, müştəri axtarışında olduğu vaxt, dairəni keçən zaman onu DYP əməkdaşları onu saxladılar və dedilər ki, svetaforun qırmızı işığında keçmisən. Bu zaman aralarında sözlə mübahisə oldu, onların sözləri ona təsir etmişdi. O, polis əməkdaşlarına əl atmışdır. Bundan sonra PPX-nin əməkdaşları gəlib onu polis bölməsinə aparmışdır. Əməlindən səmimi peşman olmasını, 3-cü qrup əlil olmasını bildirərək barəsində yüngül inzibati tənbeh tədbirinin tətbiq edilməsini xahiş etmişdir. Məhkəmə iclasında barəsində inzibati xəta haqqında iş üzrə icraat aparılan şəxs Şəxs vəkili X6 inzibati xəta törədən barəsində həbslə bağlı olmayan inzibati tənbeh verilməsini xahiş etmişdir. Məhkəmə iclasında şahid qismində dindirilmiş Bakı şəhər BPİ DYP-nin YPX inspektoru X8 ifadəsində bildirmişdir ki, xx.xx.2025-ci il tarixdə **-YP-*** D.Q.N.-li patrul avtomobilində xidmət apararkən Tbili prospekti ilə İzmir küçəsinin kəsişməsində **-PZ-*** D.Q.N.-li “Hyundai” markalı nəqliyyat vasitəsi svetaforun qırmızı işığında keçdiyi üçün onlar tərəfindən saxlanılmışmışdır. Sürücüyə yaxınlaşıb özlərini təqdim edib, qayda pozuntusunu izah etmişdirlər. Sürücü onlara hər hansı bir həkimdən sənəd təqdim etmişdir. Sürücü eşitməsində problem olduğunu bildirdikdən sonra polis əməkdaşı bir balaca yuxarı səs tonunda danışmağa başlamışdır. Ondan maşına aid sənədləri istəmişdir. O, gedəcəyini bildirib getmək istəyərkən ona qayda pozuntusunu izah etmək istəmiş və bildirmişdir ki, onların onu buraxmaq məcburiyyətinin olmadığını və bu formada danışmamağı bildirmişdilər. Sürücü maşında sərnişin olduğu halda onu çox ağır formada təhqir edərək, əl-qol ataraq yumruq atmağa başlamışdır. Sürücü maşından düşərək onun üstünə hücum çəkmiş və onlara xəsarət göstərməyə cəhd etmişdir. Onlar özlərini müdafiə edərək sürücünü sakitləşdirməyə cəhd göstərdik. Həmin şəxs Şəxs ictimai yerdə onları açıq-aşkar yüksək səslə təhqir etməyə başlamış və yenidən onlara əl-qol atmağa başlamışdır. Sürücü sakitləşdirməyə və onu qanuna dəvət etmələrinə baxmayaraq, öz hərəkətlərinə davam etmiş və dayanmadan onların ünvanına və ailəsinə ağır təhqirlər etmişdir. Vətəndaşı Yasamal RPİ-nin 27-ci Polis Bölməsinin növbətçi hissəsinə təhvil vermişdirlər. Məhkəmə proses iştirakçılarının izahatlarını dinləyərək və inzibati xəta haqqında işin materiallarını araşdıraraq hesab edir ki, Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətanı törətməsi tam sübuta yetirilir. Belə ki, iş materiallarında olan xx.xx.2025-ci il tarixli, MN ******* saylı inzbati xəta haqqında protokoldan görünür ki, Şəxs xx.xx.2025-ci il tarixdə Bakı şəhəri, Yasamal rayonu, Tbilisi prospekti ilə İzmir küçəsinin kəsişməsində yol hərəkəti qaydalarını pozduğu üçün DYP-nin polis əməkdaşları ona yaxınlaşaraq özlərini təqdim etmiş və onu nizamintizama dəvət etmişlər. Lakin Şəxs polis əməkdaşlarının qanuni tələblərinə tabeçilik göstərməyərək, əl-qol atmış, daha aqressivləşmişdir. Daha sonra o, məcburi qaydada polis şöbəsinə gətirilmiş və orada onun şəxsiyyəti müəyyən edilmişdir. O, polis əməkdaşının qanuni tələblərinə qəsdən tabe olmamış və bununla da Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulan inzibati xətanı törətmişdir. İş materiallarında olan Bakı şəhər BPİ DYP-nin YPX-nin əməkdaşları tərəfindən tərtib olunmuş Yasamal RPİ-nin 27-ci Polis Bölməsinin rəisinə ünvanlanmış xx.xx.2025-ci il tarixli raportdan görünür ki, xx.xx.2025-ci il tarixdə **-YP-*** D.Q.N.-li patrul avtomobilində xidmət apararkən Tbili prospekti ilə İzmir küçəsinin kəsişməsində **-PZ-*** D.Q.N.-li “Hyundai” markalı nəqliyyat vasitəsi svetaforun qırmızı işığında keçdiyi üçün onlar tərəfindən saxlanılmışmışdır. Sürücüyə yaxınlaşıb özlərini təqdim edib, qayda pozuntusunu izah etmişdirlər. Sürücü onlara hər hansı bir həkimdən sənəd təqdim etmişdir. Sürücü eşitməsində problem olduğunu bildirdikdən sonra polis əməkdaşı bir balaca yuxarı səs tonunda danışmağa başlamışdır. Ondan maşına aid sənədləri istəmişdir. O, gedəcəyini bildirib getmək istəyərkən ona qayda pozuntusunu izah etmək istəmiş və bildirmişdir ki, onların onu buraxmaq məcburiyyətinin olmadığını və bu formada danışmamağı bildirmişdilər. Sürücü maşında sərnişin olduğu halda onu çox ağır formada təhqir edərək, əl-qol ataraq yumruq atmağa başlamışdır. Sürücü maşından düşərək onun üstünə hücum çəkmiş və onlara xəsarət göstərməyə cəhd etmişdir. Onlar özlərini müdafiə edərək sürücünü sakitləşdirməyə cəhd göstərdik. Həmin şəxs Şəxs ictimai yerdə onları açıq-aşkar yüksək səslə təhqir etməyə başlamış və yenidən onlara əl-qol atmağa başlamışdır. Sürücü sakitləşdirməyə və onu qanuna dəvət etmələrinə baxmayaraq, öz hərəkətlərinə davam etmiş və dayanmadan onların ünvanına və ailəsinə ağır təhqirlər etmişdir. Vətəndaşı Yasamal RPİ-nin 27-ci Polis Bölməsinin növbətçi hissəsinə təhvil vermişdirlər. Onun barəsində qanuna müvafiq tədbirlər görülməsi barədə göstəriş verilməsini xahiş etmişdirlər. İş materiallarında olan videogörüntüyə məhkəmə iclasında baxılarkən Şəxs törətdiyi əməllər öz təsdiqini tapmışdır. İş materiallarında olan xx.xx.2025-ci il tarixli inzibati qaydada tutma haqqında protokoldan görünür ki, Şəxs azadlığı faktiki olaraq həmin tarixdə saat 17:30-dan məhdudlaşdırılmışdır. İş materiallarında olan Azərbaycan Respublikası ƏƏSMN X1 Sistemi Əlillik haqqında arayışdan görünür ki, Şəxs Azərbaycan Respublikasının ərazi bötövlüyünün, müstəqilliyinin və konstitusiya quruluşunun müdafiəsi ilə əlaqədar xx.xx.2021-ci il tarixdən H90 Eşitmənin konduktiv və neyrosenser itirilməsi, Baro-travma nəticəsində iki tərəfli neyrosensor ağır eşitmə diaqnozu ilə üçüncü dərəcə əlillik verilmişdir. Azərbaycan Respublikasının İnzibati Xətalar Məcəlləsinin 76.1-ci maddəsinə əsasən inzibati xətanın olub-olmamasını, inzibati xəta törədən şəxsin təqsirini və işin düzgün həlli üçün əhəmiyyətli olan digər halları müəyyən etmək üçün hakimin, səlahiyyətli orqanın (vəzifəli şəxsin) əsaslana bildiyi hər cür faktik məlumatlar inzibati xətalar haqqında işlər üzrə sübutlar sayılır. Bu məlumatlar maddi sübutlarla, barəsində inzibati xəta haqqında iş üzrə icraat aparılan şəxsin, zərər çəkmiş şəxsin, şahidlərin izahatları ilə, digər sənədlərlə, xüsusi texniki vasitələrin göstəriciləri ilə, ekspertin rəyi ilə, inzibati xəta haqqında protokolla, bu Məcəllə ilə müəyyən edilmiş digər protokollarla müəyyən edilir. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Beləliklə, məhkəmə iclasında toplanmış və tədqiq edilmiş obyektiv sübutların məcmusu ilə Şəxs ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlər edərək xırda xuliqanlıq etməsi, həmçinin polis işçiləri ictimai qaydanın mühafizə vəzifələrini icra edərkən onların qanuni tələblərinə qəsdən tabe olmaması sübuta yetirildi. Onun əməli məhkəmə tərəfindən Azərbaycan Respublikasının İnzibati Xətalar Məcəlləsinin 535.1-ci maddəsi ilə tövsif edilməli və həmin maddənin sanksiyası həddində onun barəsində inzibati tənbeh tədbiri tətbiq edilməlidir. Qeyd edilən əməlin inzibati xəta olmasını aradan qaldıran hallar, həmçinin inzibati məsuliyyətindən azad edilməsi üçün əsaslar yoxdur. Belə ki, Azərbaycan Respublikasının İnzibati Xətalar Məcəlləsinin 510-cu maddəsinə əsasən xırda xuliqanlıq, yəni ictimai qaydanı pozan, lakin fiziki şəxslər üzərində zor tətbiq olunması ilə və ya belə zorun tətbiq edilməsi hədəsi ilə, yaxud özgənin əmlakının məhv edilməsi və ya zədələnməsi ilə müşayiət edilməyən hərəkətlərə görə - əlli manatdan yüz manatadək məbləğdə cərimə edilir, işin hallarına görə, pozuntunu törədənin şəxsiyyəti nəzərə alınmaqla, bu tədbirlərin tətbiqi kifayət sayılmadıqda, on beş günədək müddətə inzibati həbs tətbiq olunur. Həmin Məcəllənin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamağa görə - fiziki şəxslər iki yüz manat məbləğində cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdəbir ayadək müddətə inzibati həbs tətbiq olunur. Məhkəmə barəsində inzibati xəta haqqında iş üzrə icaat aparılan şəxsə inzibati tənbeh tətbiq edərkən Azərbaycan Respublikasının İnzibati Xətalar Məcəlləsinin aşağıdakı prinsip və müddəalarını rəhbər tutur. Azərbaycan Respublikasının İnzibati Xətalar Məcəlləsinin 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 9.1-ci maddəsinə əsasən inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Həmin Məcəllənin 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən, xətanın xarakteri, inzibati xəta törədən şəxsin şəxsiyyətini xarakretizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Həmin Məcəllənin 34.3-cü maddəsinə əsasən şəxsin eyni vaxtda öz hərəkətləri (hərəkətsizliyi) ilə törətdiyi bir neçə inzibati xətaya dair işlərə baxılması eyni orqanın səlahiyyətinə aiddirsə, həmin şəxs daha ciddi xətaya görə müəyyən edilmiş sanksiya çərçivəsində tənbeh edilir. Bu halda törədilmiş xətalardan hər hansı birinə görə nəzərdə tutulmuş əlavə tənbehlərdən biri əsas tənbehə əlavə edilə bilər. Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs əməlindən səmimi peşman olmasını, 3-cü qrup əlil olması yüngülləşdirən hal kimi müəyyən edilmişdir. Azərbaycan Respublikasının İnzibati Xətalar Məcəlləsinin 33-cü maddəsinə əsasən Şəxs məsuliyyətini ağırlaşdıran hal müəyyən edilməmişdir. Qeyd olunanları nəzərə almaqla məhkəmə, barəsində inzibati xəta haqqında iş üzrə icraat aparılan şəxsə inzibati tənbet tətbiq etmə məsələsini müzakirə edib, törədilmiş xətanın xarakterini və hallarını, məsuliyyəti yüngülləşdirən və ağırlaşdıran halları, inzibati xəta törədən şəxsin şəxsiyyətini xarakretizə edən halları, onun təqsirinin dərəcəsini və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətaları törətməkdə təqsirli bilinməli və həmin Məcəllənin 34.3-cü maddəsinə əsasən onun barəsində cərimə növündə inzibati tənbeh tədbiri tətbiq edilməlidir. Şəxs göstərilmiş hüquqi xidmətə görə Bakı şəhəri Mərkəz Vəkil Bürosunun vəkili X5 məhkəmədə iştirak etdiyi 5 (beş) saata görə 30 (otuz) manat Azərbaycan Respublikası Dövlət büdcəsi hesabından Bakı şəhəri Mərkəz Vəkil Bürosunun hesabına köçürülsün. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 21, 43, 106-112, 114.1.1, 115.1, 115.5, 117, 128.2.1, 130.1, 510 və 535.1-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 510 və 535.1-ci maddələrində nəzərdə tutulmuş inzibati xətaları törətməkdə təqsirli bilinsin və həmin Məcəllənin 34.3-cü maddəsinə əsasən 200 (iki yüz) manat məbləğində inzibati cərimə edilsin. Şəxs göstərilmiş hüquqi xidmətə görə Bakı şəhəri Mərkəz Bürosunun vəkili X5 məhkəmədə iştirak etdiyi 5 (beş) saata görə 30 (otuz) manat Azərbaycan Respublikası Dövlət büdcəsi hesabından Bakı şəhəri Mərkəz Vəkil Bürosunun hesabına köçürülsün. Qərardan, surəti təqdim edildiyi və ya alındığı gündən 10 (on) gün müddətində Bakı şəhəri Yasamal Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Sədrlik edən:Sevinc Quliyeva