Bakı Şəhəri Yasamal Rayon Məhkəməsi Qərardad — İş №3(004)-3197/2023

Azərbaycan Respublikası adından QƏRARDAD Bakı şəhəri İş № 3(004)-3197/2023 08.06.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Daşdəmirov Rauf Məhərrəməli oğlunun sədrliyi ilə, X1 Vladimiroviçin inzibati xəta haqqında iş üzrə Azərbaycan Respublikası Daxili İşlər Nazirliyi Baş X2 İdarəsinin 31 oktyabr 2022-ci il tarixli EQ seriyalı 11967355 nömrəli, 22 aprel 2023-cü il tarixli EQ seriyalı 14102704 nömrəli, 08 may 2023-cü il tarixli EQ seriyalı 14380339 nömrəli, 22 aprel 2023-cü il tarixli EQ seriyalı 14102708 nömrəli və 10 may 2023-cü il tarixli EQ seriyalı 14421139 nömrəli inzibati xəta haqqında protokolları əsasında qəbul edilmiş qərarlarından verdiyi şikayətə baxaraq, MÜƏYYƏN ETDİ: X1 Vladimiroviç inzibati tənbeh vermə haqqında qərardan şikayətlə məhkəməyə müraciət edərək Azərbaycan Respublikası Daxili İşlər Nazirliyi Baş X2 İdarəsinin 31 oktyabr 2022-ci il tarixli EQ seriyalı 11967355 nömrəli, 22 aprel 2023-cü il tarixli EQ seriyalı 14102704 nömrəli, 08 may 2023-cü il tarixli EQ seriyalı 14380339 nömrəli, 22 aprel 2023-cü il tarixli EQ seriyalı 14102708 nömrəli və 10 may 2023-cü il tarixli EQ seriyalı 14421139 nömrəli inzibati xəta haqqında protokolları əsasında qəbul edilmiş qərarlarının ləğv edilməsi barədə qərar qəbul edilməsini xahiş etmişdir. Şikayəti və təqdim edilmiş sənədləri nəzərdən keçirərək hesab edirəm ki, şikayətə baxılması qeyri-mümkündür, ona görə də geri qaytarılmalıdır. Belə ki, barəsində şikayət edilən protokol əsasında qəbul edilmiş hər hansı bir qərar şikayətçi tərəfindən məhkəməyə təqdim edilməmişdir. Şikayətdən göründüyü kimi səlahiyyətli orqan (vəzifəli şəxs) tərəfindən protokol tərtib edilmişdir, lakin həmin protokol əsasında qəbul edilmiş hər hansı qərar şikayətə əlavə edilməmişdir. İXM-in 129-cü maddəsi inzibati xəta haqqında iş üzrə qərardan şikayət və ya protest vermə qaydasını müəyyən edir. Yəni məhkəməyə İXM-in 129-cü maddəsinə əsasən şikayət verilirsə, qərar mövcud olmalıdır ki, şikayət verilə bilsin və məhkəmə həmin qərardan şikayətə baxa bilsin. İXM-in 132.1-ci maddəsinə əsasən inzibati xəta haqqında iş üzrə qərardan verilən şikayətə və ya protestə baxmağa hazırlıq zamanı hakim, səlahiyyətli orqan (vəzifəli şəxs) tərəfindən həll edilən məsələlərdən biri də İXM-in 132.1.1-ci maddəsinə əsasən inzibati xəta haqqında iş həmin hakimə, səlahiyyətli orqana (vəzifəli şəxsə) aid olub-olmamasını yoxlamaqdır. Bundan əlavə şikayətçiyə izah olunmalıdır ki, Azərbaycan Respublikası İnzibati Xətalar Məcəlləsinin tələbləri nəzərə alınmaqla hər bir inzibati tənbeh vermə haqqında qərardan ayrılıqda şikayət verilməli və bu zaman şikayət vermək üçün nəzərdə tutulmuş prosessual müddət nəzərə alınmalıdır. Həmin müddət buraxıldığı təqdirdə şikayətçi tərəfindən buraxılmış müddətin bərpasına dair vəsatət təqdim olunmalıdır. Göstərilənlərə əsasən məhkəmə hesab edir ki, hazırki iş üzrə məhkəməyə təqdim edilmiş sənədlərə əsasən inzibati xəta haqqında işin baxılmağa hazırlanması mümkün deyil, ona görə də dair şikayəti geri qaytarılmalı, həmçinin şikayətçiyə izah edilməlidir ki, qərarın təsviri hissəsində göstərilmiş çatışmazlıqlar aradan qaldırıldıqdan sonra yenidən məhkəməyə müraciət edə bilər. Şərh olunanlara əsasən və Azərbaycan Respublikası İnzibati Xətalar Məcəlləsinin 128-137-ci maddələrinə əsasən, QƏRARA ALDİ: X1 Vladimiroviçin inzibati xəta haqqında iş üzrə Azərbaycan Respublikası Daxili İşlər Nazirliyi Baş X2 İdarəsinin 31 oktyabr 2022-ci il tarixli EQ seriyalı 11967355 nömrəli, 22 aprel 2023-cü il tarixli EQ seriyalı 14102704 nömrəli, 08 may 2023-cü il tarixli EQ seriyalı 14380339 nömrəli, 22 aprel 2023-cü il tarixli EQ seriyalı 14102708 nömrəli və 10 may 2023-cü il tarixli EQ seriyalı 14421139 nömrəli inzibati xəta haqqında protokolları əsasında qəbul edilmiş qərarlarından verdiyi şikayət və əlavə edilmiş sənədlər geri qaytarılsın. Hakim: Rauf Daşdəmirov