Bakı Şəhəri Yasamal Rayon Məhkəməsi Qərar — İş №3(004)-3487/2024

Azərbaycan Respublikası adından QƏRAR Bakı şəhəri İş № 3(004)-3487/2024 15.07.2024 BAKI ŞƏHƏRİ YASAMAL RAYON MƏHKƏMƏSİ Bakı Şəhəri Yasamal Rayon Məhkəməsinin hakimi Məmmədli Orxan Qədir oğlunun sədrliyi, X1 iclas katibliyi ilə Hüquqi ünvanı Bakı şəhəri, Yasamal rayonu, Moskva prospekti, məhəllə 3165 ünvanında olan Ə.Əliyev adına Azərbaycan Dövlət Həkimləri Təkmilləşdirmə İnstitutu barəsində Azərbaycan Respublikası İnzibati Xətalar Məcəlləsinin 347-ci maddəsi ilə Bakı şəhəri Yasamal rayon Polis İdarəsindən daxil olmuş inzibati xəta haqqında işə baxaraq, MÜƏYYƏN ETDİ: Yasamal rayon Polis İdarəsi (Yasamal RPİ DYPŞ inz.təc. üzrə inspektoru K.Məmmədov) tərəfindən Ə.Əliyev adına Azərbaycan Dövlət Həkimləri Təkmilləşdirmə İnstitutu barəsində İXM-in 347-ci maddəsi ilə xx.xx.2024-cü il tarixdə İXP ******* saylı inzibati xəta haqqında protokol tərtib edilmişdir ondan ötəri ki, Ə.Əliyev adına Azərbaycan Dövlət Həkimləri Təkmilləşdirmə İnstitutunun mülkiyyətində olan “NİSSAN ALTİMA minik” markalı, **-AV-*** nömrəli nəqliyyat vasitəsi ilə xx.xx.2024-cü il tarixində, saat 07:28-də inzibati xəta törədilməsi zaman həmin avtomobili idarə etmiş fiziki şəxs haqqında məlumatın tələb edilməsinə dair səlahiyyətli orqanın bu barədə sorğusu daxil olduğu vaxtdan 5 gün müddətinə cavab verməmişdir. Barəsində inzibati xətalar haqqında iş üzrə icraat aparılan hüquqi şəxsin nümayəndəsi Nümayəndə bildirdi ki, Bakı şəhəri Yasamal rayon Polis İdarəsinin DYPŞ tərəfindən tərtib olunmuş “İnzibati xəta haqqında İXP № ******* protokol hesab edir ki, tam əsassız və qanunsuzdur. Belə ki, Bakı şəhəri Yasamal rayon Polis İdarəsinin DYPŞ tərəfindən tərtib olunaraq göndərilmiş və Ə.Əliyev adına Azərbaycan Dövlət Həkimləri Təkmilləşdirmə İnstitutuna (ADHTİ) xx.xx.2024-cü il tarixdə daxil olmuş (zərfin surəti əlavə edilir) sözügedən protokolun icrası olaraq, ADHTİ tərəfindən Azərbaycan Respublikası İnzibati Xətalar Məcəlləsinin 347-ci maddəsinə əsasən, dərhal tələb olunan qaydada hazırlanmış xx.xx.2024-cü il tarixli 622/5-1377 saylı cavab məktubu 2 (iki) gün ərzində, əlbəəl formada təqdim olunmuşdur. Yasamal rayon Polis İdarəsinə xx.xx.2024-cü il tarixdə Daxilolma № 53/1-38040 ilə qəbul olunmuşdur. Bundan sonra ADHTİ tərəfindən DYPŞ-nə xx.xx.2024-cü il tarixli 639/5-1380 saylı məktubla əlavə məlumat təqdim olunmuşdur. İnstitutun qeyd edilən məktublarında yol verilmiş texniki səhvlə bağlı sözü gedən məktubların geri qaytarılması barədə Bakı şəhəri Yasamal rayon Polis İdarəsindən daxil olmuş xx.xx.2024-cü il tarixli № 3-13-53/2-40134/2024 saylı məktuba, İnstitut tərəfindən dərhal hazırlanmış xx.xx.2024-cü il tarixli № 674/5-1393 saylı məktubla əvvəlki məktublarda yol verilmiş texniki səhv aradan qaldırılmaqla, həmin gün Yasamal rayon Polis İdarəsinin DYPŞ-nə təqdim olunmuşdur. Yuxarıda qeyd edilənlərə əsasən, Bakı şəhəri Yasamal rayon Polis İdarəsinin xx.xx.2024-cü il tarixli № 3-13-53/2-42957/2024 saylı “İnzibati xəta haqqında İXP № ******* protokol üzrə Bakı şəhəri Yasamal Rayon Məhkəməsində baxılan 3(004)-3487/2024 saylı “İnzibati xəta haqqında işə xitam verilməsi barədə qərar qəbul edilməsini xahiş etmişdir. Protokol tərtib etmiş səlahiyyətli orqana (vəzifəli şəxs) məhkəmə iclasının vaxtı və yeri barədə məlumat verilməsinə baxmayaraq, məhkəmə iclasına gəlməmiş, nümayəndələrini göndərməmiş və gəlməmələrinin üzrlü səbəbləri barədə məhkəməyə heç bir məlumat verməmişlər. Ona görə də məhkəmə onların iştirakı olmadan işə baxılmasını mümkün hesab edir. Məhkəmə aşağıdakılara əsasən hesab edir ki, inzibati xəta haqqında iş üzrə icraata xitam verilməsi üçün əsaslar vardır. Belə ki, şəxsin İXM-in 347-ci maddəsi ilə təqsirli bilinməsinə və barəsində inzibati xəta haqqında protokol tərtib edilməsinə səbəb olmuş sübutlar kimi, protokolda göstərilən avtomobili idarə etmiş fiziki şəxs barədə hüquqi şəxsə sorğunun verilməsi (xəbərnaməyə əsasən sorğu xx.xx.2024-cü il tarixdə hüquqi şəxsə daxil olmuşdur) və həmin sorğuya 5 gün ərzində cavab verilməməsi ilə əlaqələndirilmişdir. Lakin hüquqi şəxsin nümayəndəsinin məhkəməyə təqdim etdiyi xx.xx.2024-cü il tarixli 622/5-1377 saylı və xx.xx.2024-cü il tarixli 639/5-1380 saylı məktublara əsasən, protokolda göstərilən inzibati xətanı törədən avtomobilin sürücüsü barədə DYP-yə məlumat verilmişdir. Məktub idarəyə xx.xx.2023-cü il tarixdə təqdim edilib, yəni 5 gün keçməmiş. Məktublar xx.xx.2024-cü il tarixdə və xx.xx.2024-cü il tarixdə imzalanıb və möhürlənib, Yasamal DYP-yə çatdırılıb. Bununla da hüquqi şəxsin mülkiyyətində olan avtomobillərin istifadəçisi barədə məlumat verildiyindən hüquqi şəxs inzibati məsuliyyəti istisna edilir. Qeyd edilənlərə əsasən hazırkı iş üzrə barəsində protokol tərtib edilmiş şəxsə münasibətdə təqsirli sayılan (qəsdən və ya ehtiyatsızlıqdan törədilən) əməl (hərəkət və ya hərəkətsizlik) mövcud deyildir, onun əməlində inzibati məsuliyyətə səbəb ola biləcək inzibati xəta tərkibinin bütün əlamətləri mövcud deyildir. İXM-in 3-cü maddəsinə əsasən yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. İnzibati xətanın anlayışından bəhs edilən İXM-in 12-ci maddəsinə əsasən həmin Məcəllə ilə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıqdan törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. İXM-in 53.1.1-ci maddəsinə əsasən inzibati xəta hadisəsi olmadıqda, həmçinin İXM-in 53.1.2-ci maddəsinə əsasən inzibati xəta tərkibi olmadıqda inzibati xətalar haqqında işlər üzrə icraat başlanıla bilməz, başlanmış icraata isə xitam verilir. İnzibati xətalar haqqında işlərə baxılarkən çıxarılan qərarlardan biri də İXM-in 114.1.4-cü maddəsinə əsasən inzibati xəta haqqında iş üzrə icraata xitam verilməsi haqqında qərardır. İXM-in 114.2.1-ci maddəsinə əsasən həmin Məcəllənin 53-cü maddəsində nəzərdə tutulan hallardan biri mövcud olduqda inzibati xəta haqqında iş üzrə icraata xitam verilməsi haqqında qərar çıxarılır. Qeyd olunanlara əsasən inzibati xəta haqqında işi üzrə icraata xitam verilməlidir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Ə.Əliyev adına Azərbaycan Dövlət Həkimləri Təkmilləşdirmə İnstitutu barəsində İnzibati Xətalar Məcəlləsinin 347-ci maddəsi ilə başlanmış inzibati xəta haqqında iş üzrə icraata xitam verilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı Şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Orxan Məmmədli