Bakı Şəhəri Yasamal Rayon Məhkəməsi Qərar — İş №3(004)-3511/2023

Azərbaycan Respublikası adından QƏRAR Bakı şəhəri İş № 3(004)-3511/2023 21.07.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X3 iclas katibliyi ilə xx.xx.1980-ci il tarixdə Cəbrayıl rayonunda anadan olmuş, subay, Bakı şəhəri, Binəqədi rayonu, Biləcəri qəsəbəsində qeydiyyatda olan, ünvan 1 ünvanında yerləşən “X12” adlı obyektin fərdi sahibkarı X7 (FİN: 2DWDT2Z, VÖEN: **********, tel:***-***-**-**) barəsində Azərbaycan Respublikası İnzibati Xətalar Məcəlləsinin 428.7.1-ci maddəsi ilə X13 Bakı Şəhəri Reklam İdarəsindən daxil olmuş inzibati xəta haqqında işə baxaraq, MÜƏYYƏN ETDİ: X7 tərəfindən xx.xx.2023-cü il tarixdə saat 15:51 radələrində ünvan 2 ünvanında “X12” adlı obyektin üzərində müvafiq icazə olmadan açıq məkanda reklam yerləşdirilməsi faktı müəyyən edilmişdir. Bununla da o, İXM-in 428.7.1-ci maddəsində nəzərdə tutulmuş inzibati xətanı törətmişdir. Onun barəsində xx.xx.2023-cü il tarixli, MN № ******* saylı inzibati xəta haqqında protokol tərtib olunmuşdur. Barəsində inzibati xətalar haqqında iş üzrə icraat aparılan şəxsin nümayəndəsi Nümayəndə məhkəmə iclasında bildirmişdir ki, agentliyə müraciət edilmişdir, lakin müsbət cavab verilməmişdir. Onlara bildirmişlər ki, Mədəniyyət nazirliyindən həmin binada reklam yerləşdirilməsinə icazə alındıqdan sonra məsələyə baxıla bilər. Hazırda Mədəniyyət Nazirliyi razılıq vermişdir. Bu məsələlər biraz sənədləşdirmə işləri tələb etdiyindən, lakin həmin ünvanda əvvəl başqa reklam yerləşdirildiyindən, onlar da həmin reklamın yerində hazırkı icazəsiz reklam löhvəsini yerləşdirmək məcburiyyətində qalmışdırlar. İş üzrə icraata xitam verilməsini məhkəmədən xahiş etdi. Protokol tərtib etmiş səlahiyyətli orqanın (vəzifəli şəxs) nümayəndəsi, Azərbaycan Respublikası X13nin Bakı şəhəri Reklam İdarəsinin nümayəndəsi X4 bildirdi ki, X2 haqqında Qanunun tələblərini pozaraq, protokolda göstərilən ünvanda “X12” adlı obyektdə 2023-cü ildə müvafiq icazə sənədi və icazə müqaviləsi olmadan açıq məkanda reklam yerləşdirilməsi faktı müəyyən edilmiş, həmin şirkətə müvafiq icazə sənədi almaq və icazə müqaviləsi bağlamaq təklif edilsə də, bundan yayınmışdır. İXM-in 428.7.1-ci maddəsinə əsasən açıq məkanda reklam haqqında qanunvericiliyin pozulması, yəni müvafiq icazə, texniki şərtlər pasportu və icazə müqaviləsi olmadan, həmçinin onların tələbləri pozulmaqla açıq məkanda reklam yerləşdirilməsi inzibati xəta kimi müəyyən edilmişdir. X5 həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokolla və protokola əlavə edilmiş “X12” adlı obyektin üzərindəki reklam barədə çəkilmiş fotoşəkillər, X13 Bakı Şəhəri Reklam İdarəsinin X6 ünvanladığı xx.xx.2023-cü il tarixli məktubla tam sübuta yetirilir. İnzibati məsuliyyəti istisna edən və icraatı rədd edən hallar yoxdur. Həmçinin o, hüquqi şəxs yaratmadan sahibkarlıq fəaliyyəti ilə məşğul olaraq həmin inzibati xətanı vəzifəli şəxs kimi törətmişdir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 31, 40, 43, 48-51, 114, 128-130-cu maddərini rəhbər tutaraq, QƏRARA ALDİ: X1 Xətalar Məcəlləsinin 428.7.1-ci maddəsi ilə təqsirli bilinərək, 1500 manat (bir min beş yüz manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov