Bakı Şəhəri Yasamal Rayon Məhkəməsi Qərar — İş №3(004)-360/2023

Azərbaycan Respublikası adından QƏRAR Bakı şəhəri İş № 3(004)-360/2023 27.01.2023 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X1 iclas katibliyi ilə Bakı şəhəri, Xətai rayonu, Babək prospekti 1129-cu məhəllədə yerləşən Şəxs MMC (VÖEN: **********) barəsində Azərbaycan Respublikası İnzibati Xətalar Məcəlləsinin 428.5-ci maddəsi ilə Azərbaycan Respublikası DİN Bakı şəhəri Yasamal rayon Polis İdarəsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs MMC-nin mülkiyyətində olan “Fiat Doblo” markalı **-JC-*** nömrəli avtomobildə müvafiq icra hakimiyyətinin razılığı olmadan reklam yerləşdirilməsi qaydası pozulmuş və icazə alınmadan reklam yerləşdirilmiş və yayılmışdır. Bununla da o, İXM-in 428.5-ci maddəsində nəzərdə tutulmuş inzibati xətanı törətmişdir. Onun barəsində xx.xx.2023-cü il tarixli, AP № ******* saylı inzibati xəta haqqında protokol tərtib olunmuşdur. Barəsində inzibati xətalar haqqında iş üzrə icraat aparılan şəxsin nümayəndəsi X2 məhkəmə iclasında bildirdi ki, protokolda qeyd edilən “Fiat Doblo” markalı **-JC-*** nömrəli avtomobil həqiqətən də Şəxs MMC-nin mülkiyyətindədir, lakin həmin vaxt avtomobil təmirdə olduğu üçün, idarə edilməsindən xəbərsiz olmuşlar, buna görə də həmin xətanın törədilməsində Şəxs MMC-nin təqsiri yoxdur. Yüngül tənbeh verilməsini xahiş etdi. Qərarından şikayət verilən orqanın nümayəndəsi, protokol tərtib etmiş şəxs X5 bildirdi ki, Şəxs MMC-nin mülkiyyətində olan avtomobil tərəfindən müvafiq icra hakimiyyətinin razılığı olmadan reklam yerləşdirilməsi qaydası pozulmuş və yol vərəqəsi olmadan nəqliyyat vasitəsi idarə edilmişdir. Buna görə bu barədə inzibati xəta haqqında protokol tərtib edilərək məhkəməyə göndərilmişdir. İXM-in 428.5-ci maddəsinə əsasən müvafiq icra hakimiyyəti orqanının razılığı olmadan və ya nəqliyyat vasitələrində reklamın yerləşdirilməsi qaydaları pozulmaqla nəqliyyat vasitələrində reklamın yayılması inzibati xəta kimi müəyyən edilmişdir. Şəxs MMC-nin həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokolla və protokola əlavə edilmiş xx.xx.2023-cü il tarixli ”avtonəqliyyat saxlanılma aktı” ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İXM-in 31.2-ci maddəsinə əsasən fiziki və ya vəzifəli şəxslər barəsində inzibati tənbeh tətbiq edilərkən xətanın xarakteri, inzibati xəta törədən şəxsin şəxsiyyətini xarakterizə edən hallar, onun təqsirinin dərəcəsi, əmlak vəziyyəti, habelə məsuliyyəti yüngülləşdirən və ağırlaşdıran hallar nəzərə alınır. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs MMC İnzibati Xətalar Məcəlləsinin 428.5-ci maddəsi ilə təqsirli bilinərək, 1500 manat (bir min beş yüz manat) məbləğində inzibati cərimə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Hakim, Hüseyn Səfərov