Bakı Şəhəri Yasamal Rayon Məhkəməsi Qərardad — İş №3(004)-370/2021

Azərbaycan Respublikası adından QƏRARDAD Bakı şəhəri İş № 3(004)-370/2021 25.01.2021 BAKI ŞƏHƏRİ YASAMAL RAYON MƏHKƏMƏSİ Hakim Cavadzadə Rəşad Bəylər oğlu, X2 Yasamal RPİ-nin 27-ci Polis bölməsi tərəfindən tərtib edilmiş MN № ******* saylı inzibati xəta haqqında protokoldan verdiyi şikayətə baxaraq, m ü ə y y ə n e t d i m: X1 RPİ-nin 27-ci Polis bölməsi tərəfindən tərtib edilmiş MN № ******* saylı inzibati xəta haqqında protokoldan şikayət verərək həmin protokolda qeyd edilən halın yenidən araşdırılmasını məhkəmədən xahiş etmişdir. Məhkəmə müraciəti araşdıraraq hesab edir ki, X2 şikayəti geri qaytarılmalıdır. Belə ki, X3 inzibati xəta haqqında protokolu mübahisələndirmişdir. Halbuki, qanunvericiliyə əsasən, inzibati xəta haqqında iş üzrə qərardan məhkəməyə şikayət verilə bilər. Digər tərəfdən, X3 inzibati xəta haqqında protokol əsasında qəbul edilmiş qərarı şikayət ərizəsinə əlavə etməmişdir. Azərbaycan Respublikası İnzibati Xətalar Məcəlləsinin 128.2-ci maddəsinə əsasən inzibati xətalar haqqında işlər üzrə qərardan şikayət və ya protest aşağıdakı qaydada verilir: 128.2.1. hakimin qərarından - apellyasiya instansiyası məhkəməsinə; 128.2.2. kollegial orqanın qərarından - kollegial orqanın olduğu yerin məhkəməsinə; 128.2.3. səlahiyyətli orqanın (vəzifəli şəxsin) qərarından - yuxarı səlahiyyətli orqana (vəzifəli şəxsə) və ya məhkəməyə. Həmin Məcəllənin 129-cu maddəsinin tələblərinə əsasən səlahiyyətli orqanın (vəzifəli şəxsin) inzibati xəta haqqında iş üzrə qərarından məhkəməyə şikayət verilə bilər. Göründüyü kimi, qanunvericilikdə inzibati xəta haqqında iş üzrə qərardan məhkəməyə şikayət verilməsi nəzərdə tutulmuşdur. Məhkəmə hesab edir ki, X2 Yasamal RPİ-nin 27-ci Polis bölməsi tərəfindən tərtib edilmiş MN № ******* saylı inzibati xəta haqqında protokoldan verdiyi şikayəti Azərbaycan Respublikası İXM-nin 128-ci və 129-cu maddəsinin tələblərinə uyğun olmadığından geri qaytarılmalıdır. Eyni zamanda məhkəmə izah edir ki, gələcəkdə məhkəməyə müraciət ediləcəyi halda şikayət edilən qərarın və digər sənədlərin işə əlavə olunması zəruridir. Göstərilənlərə əsasən və Azərbaycan Respublikası İnzibati Xətalar Məcəlləsinin 128-130-cu maddələrini rəhbər tutaraq məhkəmə q ə r a r a a l d ı m: X2 Yasamal RPİ-nin 27-ci Polis bölməsi tərəfindən tərtib edilmiş MN № ******* saylı inzibati xəta haqqında protokoldan verdiyi şikayəti geri qaytarılsın. Hakim: Rəşad Cavadzadə