Bakı Şəhəri Yasamal Rayon Məhkəməsi Qərar — İş №3(004)-3914/2022

Azərbaycan Respublikası adından QƏRAR Bakı şəhəri İş № 3(004)-3914/2022 08.08.2022 BAKI ŞƏHƏRİ YASAMAL RAYON MƏHKƏMƏSİ Bakı şəhəri Yasamal Rayon Məhkəməsinin hakimi Hüseyn Akif oğlu Səfərovun sədrliyi, X2 iclas katibliyi ilə xx.xx.1997-ci ildə Qazax rayonu, Yuxarı Əskipara kəndində anadan olmuş, Azərbaycan Respublikası vətəndaşı, subay, Qazax rayonu, Yuxarı Əskipara Ə/D, Yuxarı Əskipara kəndində qeydiyyatda olan Şəxs barəsində Azərbaycan Respublikası İnzibati Xətalar Məcəlləsinin 206 və 535-ci maddələri ilə Bakı şəhəri Yasamal rayon Polis İdarəsi 26-cı Polis Bölməsindən daxil olmuş inzibati xəta haqqında işə baxaraq, MÜƏYYƏN ETDİ: Şəxs xx.xx.2022-ci il tarixdə Yasamal rayonu, Azərbaycan prospekti 18 ünvanında narkotik vasitə istifadəsində şübhəli bilindiyi üçün saxlanılmış, şəxsiyyəti polis əməkdaşı tərəfindən yoxlanılarkən məlum olmuşdur ki, o xx.xx.1997-ci il təvəllüdlü Şəxsdur. Bununla bağlı Şəxs polis bölməsinə dəvət olunmuş, lakin o, nalayiq ifadələr işlədərək, ətrafdakı insanların narazıçılığina və narahatlığına səbəb olmuşdur. Polis əməkdaşlarının qanuni tələblərinə əməl etməmiş, bölməyə getmək istəməmiş, müqavimət göstərmiş, polis əməkdaşları onun bu davranışlarına son qoymalarını istəmişlər, o isə onların dediklərinə qəsdən məhəl qoymayaraq öz hərəkətlərinə davam etmiş. Polis əməkdaşları bir neçə dəfə xəbərdarlıq etdikdən sonra onu xidməti maşınlarına otuzdurmag istəmişlər, o isə tabe olmayaraq qaçmağa çalışmışdır. Buna görə də polis əməkdaşları tərəfindən saxlanılaraq polis bölməsinə gətirilmiş, bölmədə onun özünü adekvat aparmasından şübhələndikləri üçün tibbi müayinəyə aparılmış, müayinə zamanı narkotik vasitə istifadə etdiyi müəyyən edilmişdir. Bununla da o, İXM-in 206, 535.1-ci maddələrində nəzərdə tutulmuş inzibati xətanı törətmişdir. Onun barəsində xx.xx.2022-ci il tarixli, MN ******* saylı inzibati xəta haqqında protokol tərtib olunmuşdur. Şəxs məhkəməyə verdiyi izahatında inzibati xəta törətməsini etiraf edərək göstərdi ki, həqiqətən də o, bir neçə gün əvvəl Yasamal rayonu ərazisində narkotik vasitə istifadə etmişdir. Həmçinin polislər onu saxlamaq istəyərkən həyəcanlı olduğu üçün polislərə tabe olmamış, onlarla mübahisə etmişdir. Əməlindən peşmandır. Protokol tərtib etmiş Bakı şəhəri Yasamal rayon Polis İdarəsi 26-cı Polis Bölməsinin sahə inspektoru X3 məhkəməyə verdiyi izahatında bildirdi ki, Şəxs xx.xx.2022-ci il tarixdə Yasamal rayonu, Azərbaycan prospekti 18 ünvanında narkotik vasitə istifadəsində şübhəli bilindiyi üçün saxlanılmış, şəxsiyyəti polis əməkdaşı tərəfindən yoxlanılarkən məlum olmuşdur ki, o xx.xx.1997-ci il təvəllüdlü Şəxsdur. Bununla bağlı Şəxs polis bölməsinə dəvət olunmuş, lakin o, nalayiq ifadələr işlədərək, ətrafdakı insanların narazıçılığina və narahatlığına səbəb olmuşdur. Polis əməkdaşlarının qanuni tələblərinə əməl etməmiş, bölməyə getmək istəməmiş, müqavimət göstərmiş, polis əməkdaşları onun bu davranışlarına son qoymalarını istəmişlər, o isə onların dediklərinə qəsdən məhəl qoymayaraq öz hərəkətlərinə davam etmiş. Polis əməkdaşları bir neçə dəfə xəbərdarlıq etdikdən sonra onu xidməti maşınlarına otuzdurmag istəmişlər, o isə tabe olmayaraq qaçmağa çalışmışdır. Buna görə də polis əməkdaşları tərəfindən saxlanılaraq polis bölməsinə gətirilmiş, bölmədə onun özünü adekvat aparmasından şübhələndikləri üçün tibbi müayinəyə aparılmış, müayinə zamanı narkotik vasitə istifadə etdiyi müəyyən edilmişdir. İXM-in 206-cı maddəsinə əsasən qanunsuz olaraq narkotik vasitələrin, psixotrop maddələrin istehlakına, satış məqsədi olmadan şəxsi istehlak miqdarında hazırlanmasına, əldə edilməsinə, saxlanılmasına, daşınmasına və ya göndərilməsi inzibati xəta kimi müəyyən edilmişdir. İXM-in 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmamaq inzibati xəta kimi müəyyən edilmişdir. İş üzrə təyin edilmiş Azərbaycan Respublikası Səhiyyə Nazirliyi Respublika Narkoloji X7 şəxsi Ambulator X1 xx.xx.2022-ci il tarixli, 4331 saylı rəyindən görünür ki, Şəxs götürülmüş sidik nümunələrində narkotik vasitələr istifadə etdiyi aşkar edilmişdir. Şəxs opioidlərin və psixostimulyatorların birgə qəbulu halları olub, lakin hal-hazırda Şəxs müayinə zamanı narkomaniya xəstəliyinin əlamətləri aşkar olunmur. Narkomaniyadan məcburi müalicəyə ehtiyacı yoxdur. Ərazi narkoloji dispanserində qeydiyyata alınması məsləhət görülür. Sərxoşluq hallarının bütün növlərinin təyini üzrə xx.xx.2022-ci il tarixli, 1/1707 saylı tibbi müayinəsin protokoluna əsasən Şəxs AMP qrupuna aid narkotik vasitələrdən istifadə etmişdir. Şəxs həmin inzibati xətanı törətməsi onun barəsində tərtib olunmuş yuxarıda qeyd edilən inzibati xəta haqqında protokol, iş materiallarında olan Yasamal RPİ 26-cı PB-nin sahə inspektorı A.Mustafazadə və əməliyyat müvəkkili S.Həsənovun imzaladığı xx.xx.2022-ci il tarixli raportu ilə, xx.xx.2022-ci il tarixli, 1/1707 saylı tibbi rəy, özünün məhkəməyə verdiyi etirafedici izahatı ilə tam sübuta yetirilir. İnzibati məsuliyyəti istisna edən və icraatı rədd edən hallar yoxdur. İş materiallarındakı xx.xx.2022-ci il tarixli tutma protokoluna əsasən Şəxs həmin tarixdə saat 10:25 radələrində tutulmuşdur. Məhkəmə İXM-in 31.2-ci maddəsinin tələblərini nəzərə alıb, həmçinin inzibati xətanın törədildiyi yeri, vaxtı nəzərə alaraq hesab edir ki, şəxsin törətdiyi inzibati xətanın sanksiyasında nəzərdə tutulmuş inzibati cərimə növündə tənbeh edilməklə inzibati tənbehin məqsədinə nail oluna bilinməz. Belə ki, inzibati tənbehin məqsədlərindən bəhs edilən İXM-in 21-ci maddəsinə əsasən inzibati tənbeh məsuliyyət tədbiridir və inzibati xəta törədən şəxsi qanunlara əməl edilməsi ruhunda tərbiyələndirmək, habelə həm inzibati xəta törətmiş şəxs, həm də başqa şəxslər tərəfindən yeni inzibati xəta törədilməsinin qarşısını almaq məqsədi daşıyır. Məhkəmə hesab edir ki, iş üzrə inzibati xəta törətmiş şəxsə törətdiyi inzibati xətanın sanksiyasında nəzərdə tutulmuş inzibati həbs növündə inzibati tənbeh verilməsilə inzibati tənbehin məqsədlərinə nail oluna bilər, ona görə də həmin növündə inzibati tənbeh verilməsini məqsədəmüvafiq hesab edir. Həmçinin məhkəmə inzibati xəta törətmiş şəxsin şəxsiyyətini və yaşını nəzərə alaraq inzibati həbsin müddətini müəyyən edir. Yuxarıda göstərilənlərə və Azərbaycan Respublikası İnzibati Xətalar Məcəlləsinin 40, 43, 48-51, 114, 128-130-cu maddərini rəhbər tutaraq, QƏRARA ALDİ: Şəxs Azərbaycan Respublikası İnzibati Xətalar Məcəlləsinin 206 və 535.1-ci maddələri ilə təqsirli bilinərək, 01 ay (bir ay) müddətinə inzibati həbs edilsin. Həbsetmənin əvvəli xx.xx.2022-ci il tarixdən, saat 10:25 dəqiqədən hesablansın. Qərar dərhal icra edilsin. Şəxsin inzibati həbsin icrası yerinə çatdırılması Bakı şəhəri Yasamal rayon Polis İdarəsi 26-cı Polis Bölməsinə həvalə edilsin. Qərarın surəti rəsmi qaydada verildiyi vaxtdan 10 (on) gün müddətində işə baxan Bakı şəhəri Yasamal Rayon Məhkəməsi vasitəsilə və ya birbaşa Bakı Apellyasiya Məhkəməsinə apellyasiya şikayəti və ya protesti verilə bilər. Sədrlik edən, Hüseyn Səfərov