Bakı Şəhəri Yasamal Rayon Məhkəməsi Qərar — İş №3(004)-3919/2023

Azərbaycan Respublikası adından QƏRAR Bakı şəhəri İş № 3(004)-3919/2023 17.07.2023 BAKI ŞƏHƏRİ YASAMAL RAYON MƏHKƏMƏSİ Hakim Daşdəmirov Rauf Məhərrəməli oğlunun sədrliyi, Eyvazzadə Maya Adil qızının katibliyi ilə, İnzibati xəta haqqında protokolu tərtib etmiş şəxs: Azərbaycan Respublikası Daxili İşlər Nazirliyi Yasamal Rayon Polis İdarəsinin 27-ci polis bölməsinin polis sahə inspektoru X1, Barəsində inzibati xəta haqqında iş üzrə icraat aparılan şəxs Şəxs iştirakları ilə, xx xxxxx 1976-cı il tarixdə Basarkeçər rayonunda anadan olmuş, Azərbaycan Respublikasının vətəndaşı, evli. fərdi əməklə məşğul olan, ünvan 1 ünvanında qeydiyyatda olan Şəxs Azərbaycan Respublikası İnzibati Xətalar Məcəlləsinin (bundan sonra - İXM) 535.1-ci maddəsində nəzərdə tutulan inzibati xətanı törətməsinə dair Azərbaycan Respublikası Daxili İşlər Nazirliyi Yasamal Rayon Polis İdarəsinin 27-ci polis bölməsindən daxil olmuş materiallara məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsi ilə nəzərdə tutulmuş inzibati xətanı törətməsinə dair 17 iyul 2023-cü il tarixli MN seriyalı ******* saylı inzibati xəta haqqında protokol və ona əlavə edilmiş materiallar Yasamal Rayon Məhkəməsinə daxil olmuşdur. İnzibati xəta haqqında protokola və ona əlavə edilmiş materiallara əsasən, Şəxs 16 iyul 2023-cü il tarixdə Yasamal rayonu YPX əməkdaşının qanuni tələbinə tabe olmamışdır. Nəticədə Şəxs tərəfindən Azərbaycan Respublikası İnzibati Xətalar Məcəlləsinin 535.1-ci maddəsində nəzərdə tutulmuş inzibati xəta törədilmişdir. Məhkəmə iclasında inzibati xəta haqqında protokolu tərtib etmiş şəxs Bakı şəhəri Yasamal Rayon Polis İdarəsinin 27-ci polis bölməsinin polis sahə inspektoru X2 protokolu müdafiə edərək bildirmişdir ki, 16 iyul 2023-cü il tarixdə polis əməkdaşları Bakı şəhəri, Yasamal rayonu, İnşaatçılar prospektində xidmətdə olarkən “Mercedes” markalı avtomobilin sürücüsü X4 tərəfindən qəza şəraiti yaradılmış və avtoxuliqanlıq hərəkətlərinə yol verilmişdir. Sürücüyə saxla işarəsi verilsədə buna məhəl qoymayaraq uzaqlaşmağa çalışmış və avtomobilin sahibi Şəxs yanına gedərək açarları ona təhvil vermişdir. Polis əməkdaşları Şəxs və Elcan Şirinova yaxınlaşaraq onlara törədilmiş qayda pozuntusunu izah etmiş bundan sonra sənədləri həmçinin avtomobilin müvəqqəti duracağa təmin edilməsi üçün açarının təqdim edilməsi istənilsədə bundan yayınmışlar. Polis əməkdaşları dəfələrlə Elcan Şirinovu və Şəxs nizam-intizama dəvət etsələrdə lakin o buna məhəl qoymayaraq öz qanunazidd hərəkətlərini davam etdirmişdir. Bundan sonra ƏŞPA-nın əməkdaşları tərəfindən 27-ci polis bölməsinə təmin edilmişdir. Göstərilənləri nəzərə alaraq Şəxs Azərbaycan Respublikasının İXM-nin 535.1-ci maddəsində nəzərdə tutulmuş əməli törətməkdə təqsirli bilinərək, barəsində qanuni tədbir görülməsini xahiş etdi. Məhkəmə iclasında iştirak edən barəsində inzibati xəta haqqında iş üzrə icraat aparılan şəxs Şəxs özünü təqsirli bilərək bildirmişdir ki, xx.xx.2023-cü il tarixdə saat 20:10 radələrində restoranda yemək yeyərkən dostu X4 onun yanına gəlmişdir. Bu zaman avtomobilinin açarını ona təqdim etmiş polis əməkdaşlarının saxla əmrinə tabe olmayaraq qaçmışdır. Həmin vaxt polis əməkdaşları onlara yaxınlaşaraq qayda pozuntusu izah edilmiş avtomobilin açarı istənilmiş lakin o sərxoş olduğundan bundan imtina etmiş və polisin qanuni tələbinə tabe olmamışdır. Əməlindən peşmandır. Göstərilənləri nəzərə alaraq barəsində yüngül inzibati tənbeh tədbirinin tətbiq edilməsini məhkəmədən xahiş etmişdir. Məhkəmə iclasında şahid qismində dindirilmiş X3 bildirmişdir ki, 16 iyul 2023-cü il tarixdə Bakı şəhəri, Yasamal rayonu, İnşaatçılar prospektində xidmətdə olarkən “Mercedes” markalı avtomobilin sürücüsü tərəfindən qəza şəraiti yaradılmış və avtoxuliqanlıq hərəkətlərinə yol verilmişdir. Sürücüyə saxla işarəsi verilsədə buna məhəl qoymayaraq uzaqlaşmağa çalışmış və avtomobilin sahibinin yanına gedərək açarları ona təhvil vermişdir. Onlar həmin şəxslərə yaxınlaşaraq onlara törədilmiş qayda pozuntusunu izah etmiş bundan sonra sənədləri həmçinin avtomobilin müvəqqəti duracağa təmin edilməsi üçün açarının təqdim edilməsi istənilsədə bundan yayınmışlar. Onlar tərəfindən dəfələrlə həmin şəxslər nizam-intizama dəvət edilsədə buna məhəl qoymayaraq öz qanunazidd hərəkətlərini davam etdirmişdir. Bundan sonra ƏŞPA-nın əməkdaşları tərəfindən 27-ci polis bölməsinə təmin edilmişdir. İş materiallarında olan: Yasamal RPİ-nin DYPŞ-nin YPX inspektorları Zabil Qiyasov və Hüseyn Kərimov tərəfindən 27-ci PB-nin rəhbərliyinə ünvanlanmış 16 iyul 2023-cü il tarixli raportdan görünür ki, xx.xx.2023-cü il tarixdə saat təxminən 20:10 radələrində İnşaatçılar prospektində “Mercedes” markalı **-ST-*** dövlət qeydiyyat nişanlı avtomaşının sürücüsü qəflətən sürətləndirib patrul maşınına qəza şəraiti yaratmışdır. Saxla işarəsi versədə işarəyə məhələ qoymayaraq avtoxuliqanlıq edib hərəkətini davam etdirmişdir. Avtomobili məcburi saxlatmış bu zaman sürücü X4 düşüb qaçmaq istədikdə qarşısı alınmış həmin şəxs və avtomobilin sahibi Şəxs müqavimət göstəmək istəsədə zərərsizləşdirilmişlər. Tibbi müayinəyə aparılarkən hər iki şəxs onların qanuni tələblərinə tabe olmayaraq hədə-qorxu gələrək sərbəst buraxılmalarını istəmişlər. ƏÇPA-nın köməyi ilə 27-ci PB-nə təmin edilmişlər. ƏÇPA-nın 6-cı PB-nin polis nəfərləri Məmməd İmanov, Valeh Həşimov və Elcan Məmmədov tərəfindən 27-ci polis bölməsinin rəhbərliyinə ünvanlanmış 16 iyul 2023-cü il tarixli raportdan görünür ki, 16 iyul 2023-cü il tarixdə saat təxminən 21:00 radələrində inzibati ərazidə xidmət apararkən Şəfəqin göstərişinə əsasən Qələbə dairəsində YPX-nə köməklik lazım olduğu bildirilmişdir. Deyilən yerə yaxınlaşaraq YPX-nə köməklik göstərib iki nəfər şəxsi 27-ci PB-nə gətirmişlər. İnzibati qaydada tutma haqqında 16 iyul 2023-cü il tarixli protokoldan görünür ki, Şəxs həmin tarixdə saat 21:15-də inzibati qaydada tutulmuşdur. İnzibati material üzrə araşdırılan sübutların məcmusunu hərtərəfli, tam və obyektiv qiymətləndirərək məhkəmə hesab edir ki, Şəxs İXM-in 535.1-ci maddəsində nəzərdə tutulan inzibati xətanı törətməsi araşdırılmış sübutlarla tam sübuta yetir. Belə ki, Şəxs xidməti vəzifəsini yerinə yetirən polis əməkdaşlarının qanuni tələblərinə qəsdən tabe olmaması özünün etirafedici izahatından başqa, məhkəmə iclasında araşdırılan digər sübutlarla təsdiqini tapmışdır. Azərbaycan Respublikası İnzibati Xətalar Məcəlləsinin 535.1-ci maddəsinə əsasən polis işçisi və ya hərbi qulluqçu ictimai qaydanın mühafizə vəzifələrini icra edərkən, onların qanuni tələblərinə qəsdən tabe olmama həmin maddədə nəzərdə tutulmuş inzibati məsuliyyətə səbəb olur və fiziki şəxslər iki yüz manat miqdarında cərimə edilir və ya işin halları və pozuntu törədənin şəxsiyyəti nəzərə alınmaqla, bu tədbirlərin tətbiqi kifayət hesab edilmədikdə bir ayadək müddətə inzibati həbs tətbiq olunur. Qeyd edilən maddənin dispozisiyasından göründüyü kimi, polis işçisi və ya hərbi qulluqçu ictimai qaydanın mühafizəsi ilə bağlı vəzifələrini icra edərkən, ictimai qaydanı pozan şəxs tərəfindən onların qanuni tələblərinə qəsdən tabe olmama İXM-in 535.1-ci maddəsində nəzərdə tutulan məsuliyyətə səbəb olur. Hazırki halda Şəxs hərəkətlərində də İXM-nin 535.1-ci maddəsində nəzərdə tutulmuş həmin halların mövcud olması məhkəmə iclasında öz təsdiqini tapmışdır. Belə ki, tərtib edilmiş inzibati xəta haqqında protokol və məhkəmə iclasında araşdırılan sübutlarla müəyyən edildi ki, Şəxs 16 iyul 2023-cü il tarixdə Bakı şəhəri, Yasamal rayonu ərazisində polis əməkdaşlarının qanuni tələblərinə tabe olmamışdır. Bütün bunlar məhkəməyə Şəxs hərəkətlərində ictimai qaydanın mühafizə vəzifələrini icra edərkən qanuni tələb irəli sürən polis işçisinə tabe olmama kimi halların, yəni İXM-in 535.1-ci maddəsində nəzərdə tutulmuş inzibati xətanın tərkibinin olması barədə nəticəyə gəlməyə əsas verir. Həmin Məcəllənin 3-cü maddəsinə əsasən, yalnız bu Məcəllə ilə nəzərdə tutulmuş inzibati xətanın törədilməsində təqsirli hesab edilən və inzibati xəta tərkibinin bütün digər əlamətlərini daşıyan əməli (hərəkət və ya hərəkətsizliyi) törətmiş şəxs inzibati məsuliyyətə cəlb olunur. Həmin Məcəllənin 4-cü maddəsinə əsasən İXM insan və vətəndaş hüquqlarına və azadlıqlarına hörmət edilməsi, qanunçuluq, qanun qarşısında bərabərlik, təqsirsizlik prezumpsiyası, ədalətlilik və inzibati xətaların qarşısının alınması prinsiplərinə əsaslanır; Həmin Məcəllənin 9.1-ci maddəsinin tələbinə görə, inzibati xəta törətmiş şəxs haqqında tətbiq edilən tənbeh ədalətli olmalıdır, yəni inzibati xətaların xarakterinə, onun törədilməsi hallarına və inzibati xətanı törətməkdə təqsirli bilinənin şəxsiyyətinə uyğun olmalıdır. Həmin Məcəllənin 12.1-ci maddəsinə əsasən İXM-lə qorunan ictimai münasibətlərə qəsd edən, hüquqazidd olan, təqsirli sayılan (qəsdən və ya ehtiyatsızlıq üzündən törədilən) və inzibati məsuliyyətə səbəb olan əməl (hərəkət və ya hərəkətsizlik) inzibati xəta hesab olunur. Həmin Məcəllənin 84.1-ci maddəsinə əsasən inzibati xətalar haqqında işlərə baxan hakim, səlahiyyətli orqan (vəzifəli şəxs) işin bütün hallarının məcmusunun hərtərəfli, tam və obyektiv surətdə baxılmasına əsaslanan öz daxili inamı ilə sübutları qiymətləndirir. Həmin Məcəllənin 31.4-cü maddəsinə əsasən həmin Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yalnız yuxarı həddi müəyyən edildikdə, tətbiq edilən inzibati tənbeh onun yuxarı həddinin dörddə birindən az ola bilməz. Həmin Məcəllənin 31.4-1-ci maddəsinə əsasən inzibati qaydada tutulmuş şəxs barəsində inzibati həbs istisna olmaqla tətbiq edilən digər inzibati tənbehin həddi, bu Məcəllənin Xüsusi hissəsində inzibati xətanın törədilməsinə görə müəyyən edilən inzibati tənbehin yuxarı həddinin dörddə üçündən çox ola bilməz. Azərbaycan Respublikasının İnzibati Xətalar Məcəlləsinin 32-ci maddəsinə əsasən Şəxs əməlini səmimi etiraf edərək peşman olmasını məsuliyyəti yüngülləşdirən hal kimi qiymətləndirir. Həmin Məcəllənin 33-cü maddəsinə əsasən Şəxs məsuliyyətini ağırlaşdıran hallar müəyyən edilməmişdir. Məhkəmə Şəxs törətdiyi inzibati xətanın hallarını, şəxsiyyətini xarakterizə edən halları və cəmiyyətin maraqlarını nəzərə alaraq hesab edir ki, o, Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinməli və həmin Məcəllənin 31.4-1-ci maddəsi nəzərə alınmaqla, onun barəsində cərimə növündə inzibati tənbeh tədbirinin tətbiq edilməsi məqsədəmüvafiqdir. Beləliklə, məhkəmə belə nəticəyə gəlir ki, Şəxs İXM-in 535.1-ci maddəsində nəzərdə tutulmuş inzibati xətanı törətməkdə təqsirli bilinməli, törədilmiş xətanın xarakterini və hallarını, məsuliyyəti yüngülləşdirən və ağırlaşdıran halların olmamasını, inzibati xəta törədən şəxsin şəxsiyyətini xarakterizə edən halları, onun təqsirinin dərəcəsini və tətbiq olunacaq inzibati tənbehin şəxsin islah olunmasına təsirini nəzərə alaraq, belə nəticəyə gəlir ki, o, Azərbaycan Respublikasının İnzibati Xətalar Məcəlləsinin 535.1-ci maddəsi ilə təqsirli bilinməli və həmin Məcəllənin 31.4-1-ci maddəsi nəzərə alınmaqla, onun barəsində cərimə növündə inzibati tənbeh tədbirinin tətbiq edilməsi məqsədəmüvafiqdir. Yuxarıda göstərilənlərə əsasən və Azərbaycan Respublikasının İnzibati Xətalar Məcəlləsinin 34.3, 40, 43, 48-51, 114-117, 128-130 və 535.1-ci maddələrini rəhbər tutaraq, məhkəmə QƏRARA ALDİ: Şəxs Azərbaycan Respublikasının İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinsin və barəsində həmin Məcəllənin 31.4-1-ci maddəsi nəzərə alınmaqla 150 (yüz əlli) manat məbləğində inzibati cərimə növündə tənbeh tədbiri tətbiq edilsin. Şəxs məhkəmə iclas zalından dərhal azad edilsin. Qərarın surəti tərəfə təqdim edildiyi və ya alındığı gündən 10 (on) gün müddətində Bakı Şəhəri Yasamal Rayon Məhkəməsi vasitəsilə Bakı Apellyasiya Məhkəməsinə şikayət verilə bilər. Hakim: Rauf Daşdəmirov